ନକ୍ସଲଙ୍କୁ ସାହାଯ୍ୟ କରୁଥିବା ବିଜେପି ନେତାଙ୍କ ସମେତ ୨ ଗିରଫ

ଗତ ୧୦ ବର୍ଷ ଧରି ମାଓବାଦୀଙ୍କୁ ସାମଗ୍ରୀ ଯୋଗାଉଛନ୍ତି । ପୋଲିସକୁ ଆହୁରି ଅନେକ ବଡ଼ ଖୁଲାସା କରିବାର ସମ୍ଭାବନା ଅଛି

ଦନ୍ତେୱାଡ଼ା: ଛତିଶଗଡ଼ର ଦନ୍ତେୱାଡ଼ାରେ ନକ୍ସଲମାନଙ୍କୁ ସାହାଯ୍ୟ କରୁଥିବା ବିଜେପି ନେତାଙ୍କ ସମେତ ୨ ଜଣଙ୍କୁ ଗିରଫ କରାଯାଇଛି । ସେମାନେ ନକ୍ସଲମାନଙ୍କୁ ଟ୍ରାକ୍ଟର ଯୋଗାଉଥିବା ଅଭିଯୋଗ ହୋଇଛି । ନକ୍ସଲମାନଙ୍କ ପାଇଁ ଟ୍ରାକ୍ଟର ଯୋଗାଉଥିବା ବିଜେପିର ଜିଲ୍ଲା ଉପାଧ୍ୟକ୍ଷ ଜଗତ ପୂଜାରୀଙ୍କ ସମେତ ୨ ଜଣ ନକ୍ସଲ ପୋଲିସ ହାତରେ ଧରା ପଡ଼ିଛି । ଇନ୍ଦ୍ରାବତୀ କ୍ଷେତ୍ର କମିଟିରେ ୫ ଲକ୍ଷ ଟଙ୍କା ପୁରସ୍କାର ଥିବା ଜଣେ ସକ୍ରିୟ ମାଓବାଦୀ ଅଜୟ ଆଲାମି ଜନାମିଲିସିଆ କମାଣ୍ଡରଙ୍କୁ ଟ୍ରାକ୍ଟର ଯୋଗାଉଥିବା ବେଳେ ଗିରଫ କରାଯାଇଛି ।

ଗତ ୧୦ ବର୍ଷ ଧରି ସେ ମାଓବାଦୀଙ୍କୁ ସାମଗ୍ରୀ ଯୋଗାଉଥିଲେ । ପୋଲିସକୁ ଆହୁରି ଅନେକ ବଡ଼ ଖୁଲାସା କରିବାର ସମ୍ଭାବନା ଅଛି । ଦନ୍ତେୱାଡ଼ା ପୋଲିସ ଏହାକୁ ଏକ ବଡ଼ ସଫଳତା ବୋଲି ମନେ କରୁଛନ୍ତି । ଗତ ମାସରେ ଛତିଶଗଡରେ ସୁରକ୍ଷା ବାହିନୀ ଦ୍ୱାରା ୪ ଜଣ ନକ୍ସଲ ନିହତ ହୋଇଥିଲେ । ଛତିଶଗଡର ନକ୍ସଲ ପ୍ରଭାବିତ ରାଜାନନ୍ଦଗାଓଁ ଜିଲ୍ଲାରେ ସୁରକ୍ଷା ବାହିନୀ ସହିତ ହୋଇଥିବା ଏନକାଉଣ୍ଟରରେ ୨ ମହିଳା ନକ୍ସଲଙ୍କ ସମେତ ୪ ଜଣ ନକ୍ସଲ ନିହତ  ହୋଇଥିଲେ । ଏହି ଏନକାଉଣ୍ଟରରେ ପୋଲିସର ସବ୍-ଇନ୍ସପେକ୍ଟର(SI) ଶମ୍ୟା କିଶୋର ଶର୍ମା ଶହୀଦ ହୋଇଥିଲେ ।

Add Zee News as a Preferred Source