 "ଦୁନିଆର ଏହା ଏପରି ଏକ ରହସ୍ୟମୟ ସ୍ଥାନ ଯେଉଁଠାରେ ପଥର ଚାଲିଥାଏ")
Death Valley California: ଦୁନିଆ କୋଟି କୋଟି ରହସ୍ୟରେ ପରିପୂର୍ଣ୍ଣ । ଏଠାରେ ଅନେକ ରହସ୍ୟ ଅଛି ଯାହା ବିଷୟରେ ବୈଜ୍ଞାନିକମାନେ ମଧ୍ୟ ଜାଣିପାରି ନାହାଁନ୍ତି । ଆଜି ଆମେ ଏପରି ଏକ ରହସ୍ୟ ବିଷୟରେ କହିବାକୁ ଯାଉଛୁ, ଯାହା ବିଷୟରେ ଜାଣି ଆପଣ ମଧ୍ୟ ଆଶ୍ଚର୍ଯ୍ୟ ହୋଇଯିବେ । ଏହି ରହସ୍ୟର ନାମ ହେଉଛି ଡେଥ ଭେଲି (Death Valley) । ଏହା ଆମେରିକାର (America) କାଲିଫର୍ନିଆରେ (California) ଅବସ୍ଥିତ । ଏହି ଉପତ୍ୟକା ପଥର ଯୋଗୁଁ ସମଗ୍ର ବିଶ୍ୱରେ ପ୍ରସିଦ୍ଧ ।
ଏହି ଉପତ୍ୟକା ବିଷୟରେ କୁହାଯାଏ ଯେ ଏଠାରେ ପଥରଗୁଡ଼ିକ ଆପକୁ ଆପ ଗତି କରନ୍ତି ଏବଂ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ଯାଆନ୍ତି । ଏହାର ପ୍ରମାଣ ମଧ୍ୟ ସେଠାରେ ଦେଖିବାକୁ ମିଳିଥାଏ । ଯେତେବେଳେ ପଥରଗୁଡିକ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ଗତି କରେ, ସେମାନେ ମଧ୍ୟ ସେମାନଙ୍କର ଚିହ୍ନ ଛାଡିଥା’ନ୍ତି । ଏହି ଚିହ୍ନଗୁଡିକ ଦେଖିବା ପରି ଲାଗିଥାଏ ଯେ ଯେପରି କୌଣସି ଏକ ଗାଡ଼ି ମରୁଭୂମିର ବାଲିରେ ଚିହ୍ନ ଛାଡି ଯାଇଛି ।
ଅନେକ ଗବେଷଣା ପରେ ମଧ୍ୟ ମିଳିପାରି ନାହିଁ ଏହି ରହସ୍ୟର କାରଣ
ଏଠାରେ ଥିବା ପଥରଗୁଡ଼ିକ ଆପକୁ ଆପ କିପରି ଗତି କରନ୍ତି ସେ ବିଷୟରେ ଏଠାରେ ଅନେକ ଗବେଷଣା କରାଯାଇଛି । ଅବଶ୍ୟ ଏହା ପରେ ମଧ୍ୟ, ଏହି ସ୍ଥାନ ଆଜି ପର୍ଯ୍ୟନ୍ତ ବୈଜ୍ଞଇଙ୍କ ମାନଙ୍କ ପାଇଁ ରହସ୍ୟ ହୋଇ ରହିଛି । ଦେଶ ତଥା ବିଦେଶର ଅନେକ ପର୍ଯ୍ୟଟକ ବର୍ଷ ବର୍ଷ ଧରି ଏହି ରହସ୍ୟମୟ ସ୍ଥାନ ଦେଖିବାକୁ ଆସନ୍ତି । ଏହି ଉପତ୍ୟକା କାଲିଫର୍ଣ୍ଣିଆର ଦକ୍ଷିଣ ପୂର୍ବର ନେଭାଡା ରାଜ୍ୟ ନିକଟରେ ଅବସ୍ଥିତ । ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଏହି ସମଗ୍ର ଅଞ୍ଚଳ ୨୨୫ କିଲୋମିଟର ବ୍ୟାସାର୍ଦ୍ଧରେ ବିସ୍ତାର ହୋଇଛି । ଆଜି ପର୍ଯ୍ୟନ୍ତ କେହି ଏହି ପଥର ଗତି କରୁଥିବାର ଦେଖି ନାହାଁନ୍ତି । କିନ୍ତୁ ଏହି ପଥରଗୁଡିକ ଗତି କରିବା ପରେ ନିଜ ପଛରେ ଏକ ଲମ୍ବା ଚିହ୍ନ ଛାଡି ଯାଇଥାନ୍ତି । ଏହି ରେଖାଗୁଡ଼ିକ ଦର୍ଶାଏ ଯେ ଏହି ପଥରଗୁଡ଼ିକ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ଗତି କରେ ।
୧ କିଲୋମିଟର ପର୍ଯ୍ୟନ୍ତ ଘୁଞ୍ଚିଛି ପଥର
୧୯୭୨ ମସିହାରେ, ଏହି ରହସ୍ୟ ଉନ୍ମୋଚନ କରିବାକୁ ଚେଷ୍ଟା କରାଯାଇଥିଲା । ଏଥିପାଇଁ ବୈଜ୍ଞାନିକ ମାନଙ୍କର ଏକ ଟିମ୍ ମଧ୍ୟ ଏଠାକୁ ଆସିଥିଲେ । ବୈଜ୍ଞାନିକମାନେ ଏହି ପଥରଗୁଡିକ ଉପରେ ୭ ବର୍ଷ ପର୍ଯ୍ୟନ୍ତ ଗବେଷଣା କରିଥିଲେ । ସେହି ସମୟ ମଧ୍ୟରେ, ବୈଜ୍ଞାନିକ ମାନେ ୩୧୭ କିଲୋଗ୍ରାମର ଏକ ପଥର ଉପରେ ବିଶେଷ ଭାବରେ ଗବେଷଣା କରିଥିଲେ । ଏହାପରେ ସେହି ପଥରଟି ଆଦୌ ଘୁଞ୍ଚି ନ ଥିଲା, ମାତ୍ର କିଛି ବର୍ଷ ପରେ, ଯେତେବେଳେ ବୈଜ୍ଞାନିକମାନେ ସେହି ପଥର ବିଷୟରେ ପୁନର୍ବାର ଜାଣିବାକୁ ଚେଷ୍ଟା କଲେ, ତାହା ୧ କିଲୋମିଟର ଦୂରକୁ ଚାଲି ଯାଇଥିବା ଦେଖିବାକୁ ମିଳିଥିଲା । ଏହା ପରେ ବୈଜ୍ଞାନିକମାନେ ଆଶ୍ଚର୍ଯ୍ୟ ହୋଇ ଯାଇଥିଲେ ।
)