ଇଞ୍ଚେ ଯାଗା ବି ନେଇ ପାରିବେ ନାହିଁ: ରାଜନାଥ

ନୂଆଦିଲ୍ଲୀ: ସୀମାରେ ବର୍ତ୍ତମାନ ବିବାଦୀୟ ପରିସ୍ଥିତି ଲାଗିଥିବା ବେଳେ, ଲେହ ଲଦାଖକୁ ଦୁଇ ଦିନିଆ ଗସ୍ତରେ ଅଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ।  ରାଜନାଥଙ୍କ ସହିତ ସ୍ଥଳସେନା ମୁଖ୍ୟ ଏମଏମ ନରାଓ୍ୱଣେ ଓ ସିଡିଏସ ମୁଖ୍ୟ ବିପିନ ରାଓ୍ୱତ ଗସ୍ତ କରିଛନ୍ତି। ପ୍ରଥମ ଦିନରେ ରାଜନାଥ ଲଦ୍ଦାଖ ଗସ୍ତ କରି ସେନାଙ୍କୁ ଭେଟିଛନ୍ତି। ଯବାନଙ୍କ ସହିତ ଆଲୋଚନା ମଧ୍ୟ କରିଛନ୍ତି। 

ଭାରତୀୟ ଯବାନଙ୍କୁ ସମ୍ବୋଧନ କରି ରାଜନାଥ ସିଂ କହିଛନ୍ତି କି, ସୀମା ବିବାଦର ସମାଧାନ ଖୁବ ଶୀଘ୍ର ହେବ। ଏଥିପାଇଁ ଆଲୋଚନା ଜାରି ରହିଛି। ତେବେ ଏହାର ସମାଧାନ କେତେଦୁର ଯଥାର୍ଥ ହେବ ସେନେଇ ମୁଁ କୌଣସି ନିର୍ଦ୍ଦିଷ୍ଟ ସୂଚନା ଦେଇ ପାରୁନାହିଁ ବୋଲି ସେ କହିଛନ୍ତି। କିନ୍ତୁ ମୁଁ ଆପଣ ମାନଙ୍କୁ ନିଶ୍ଚିତ ପକ୍ଷେ ଆଶ୍ୱାସନା ଦେଇ ପାରିବି ଯେ,  ଦୁନିଆର କୌଣସି ଶକ୍ତି ଆମକୁ ଦୋହଲାଇ ପାରିବ ନାହିଁ। ଏପରିକି ଆମ ଦେଶର ଇଞ୍ଚେ ଜାଗା ମଧ୍ୟ ନେଇ ପାରିବେ ନାହିଁ ବୋଲି  ସେ କହିଥିଲେ। ସେ ଆହୁରି ମଧ୍ୟ କହିଥିଲେ କି, ଯଦି ଏହି ସମସ୍ୟାର ସମାଧାନ ଖୁବ ଶୀଘ୍ର ହୋଇଯାଏ ତେବେ ଏହା ଆମ ସମସ୍ତଙ୍କ ପାଇଁ ଏକ ଭଲ ବାର୍ତ୍ତା ହେବ ବୋଲି ସେ  କହିଥିଲେ। 

ସେ ଆହୁରି ମଧ୍ୟ କହିଥିଲେ କି, ଯଦିଓ ପିପି୧୪ରେ ଆମର କିଛି ଯବାନ ଗଣ୍ଡଗୋଳ ମଧ୍ୟରେ ଶହୀଦ ହୋଇଛନ୍ତି। ଯେଉଁମାନେ ଶହୀଦ ହୋଇଛନ୍ତି ମୁଁ ସେମାନଙ୍କୁ ଏଠାରେ ଶ୍ରଦ୍ଧାଞ୍ଜଳି ଜ୍ଞାପନ କରୁଛି। ଆପଣମାନଙ୍କ ସହିତ ମିଶି ମୁଁ ବହୁତ ଖୁସି ବୋଲି ରାଜନାଥ ସିଂହ କହିଛନ୍ତି। ଏହା ସହିତ ସେନାମାନଙ୍କୁ ମିଠା ମଧ୍ୟ ବାଣ୍ଟିଥିଲେ।