ମଦ ନିଶାରେ ପୋଲିସ ଗାଡ଼ି ଉପରେ ଆକ୍ରମଣ କଲା ଯୁବକ, ଦେଖନ୍ତୁ ଭିଡିଓ....

ନୂଆଦିଲ୍ଲୀ: ଲକଡାଉନ୍ ମଧ୍ୟରେ ଦିଲ୍ଲୀରେ ମଦ ଦୋକାନ ଖୋଲିବା ପରେ ଏହାର ସାଇଡ ଇଫେକ୍ଟ ଦେଖିବାକୁ ମିଳୁଛି । ଶୁକ୍ରବାର ପୂର୍ବ ଦିଲ୍ଲୀର ତ୍ରିଲୋକପୁରୀ ଅଞ୍ଚଳରେ ଜଣେ ମଦ୍ୟପ ବ୍ୟକ୍ତି ଏତେ ପାଗଳ ହୋଇଯାଇଥିଲେ ଯେ ସେ ପୋଲିସ ଗାଡି ଆଗରେ ଆସି ଛିଡ଼ା ହୋଇଯାଇଥିଲେ । ମଦ୍ୟପ ବ୍ୟକ୍ତି ପ୍ରଥମେ ଜିପ୍ସିର ବୋନେଟକୁ ପିଟିବାକୁ ଲାଗିଲା । ଏହା ପରେ ସେ ଜିପ୍ସିର ଆଗ ଗ୍ଲାସ ଭାଙ୍ଗିଥିଲେ । ଏହି ସମୟ ମଧ୍ୟରେ ସେଠାରେ ବହୁ ଲୋକ ଏକତ୍ରିତ ହୋଇଥିଲେ । 

ଭିଡିଓରେ ଏହା ଦେଖିବାକୁ ମିଳିଛି ଯେ ଜଣେ ମଦ୍ୟପ ବ୍ୟକ୍ତିଙ୍କ ଏହି କାର୍ଯ୍ୟକଳାପକୁ ଦେଖିବାକୁ ଲୋକ ସାମାଜିକ ଦୂରତା ଭଳି ଆବଶ୍ୟକୀୟ ନିୟମ ମଧ୍ୟ ପାଳନ କରୁନାହାଁନ୍ତି । ପୋଲିସର କଠିନ ପ୍ରଚେଷ୍ଟା ପରେ ଅଭିଯୁକ୍ତକୁ ନିୟନ୍ତ୍ରଣରେ ଆଣିବାରେ ସଫଳ ହୋଇଥିଲା ।

@DCPEastDelhi @ndtvindia
ठेके खुलने के साइड इफेक्ट !
पूर्वी दिल्ली के त्रिलोकपुरी में ठेके से शराब ली ,बाहर ही पी और फिर पुलिस जिप्सी पर हमला कर दिया , बोनट पीटा और शीशा फोड़ा
आरोपी हरकेश को गिरफ्तार किया गया pic.twitter.com/5PxQZyHQ3u

Add Zee News as a Preferred Source

— Mukesh singh sengar मुकेश सिंह सेंगर (@mukeshmukeshs) May 9, 2020

ସୂଚନା ଅନୁଯାୟୀ, ବ୍ୟକ୍ତି ଜଣକ ପରିଚୟ ହରକେଶ ବୋଲି ଜଣାପଡିଛି । ଡ୍ୟୁଟିରେ ବାଧା ସୃଷ୍ଟି କରିବା, ପୋଲିସ ଉପରେ ଆକ୍ରମଣ କରିବା ଏବଂ ସର୍ବସାଧାରଣ ସ୍ଥାନରେ ହଙ୍ଗାମା ସୃଷ୍ଟି କରିବା ଅଭିଯୋଗରେ ହରକେଶଙ୍କୁ ପୋଲିସ ଗିରଫ କରିଛି । ହୋଶରେ ଆସିବା ପରେ ଅଭିଯୁକ୍ତ ଜଣକ କହିଥିଲେ ଯେ, ସେ ନିକଟସ୍ଥ ଏକ ମଦ ଦୋକାନରୁ ମଦ କିଣି ଥିଲେ । ମଦ୍ୟପାନ କରିବା ପରେ ସେ କ’ଣ କରିଛନ୍ତି ତାହା ମନେ ନାହିଁ ।

ଉଲ୍ଲେଖନୀୟ କଥା ହେଉଛି, ତୃତୀୟ ଲକଡାଉନରେ କେନ୍ଦ୍ର ସରକାର କିଛି ନିୟମକୁ କୋହଳ କରିଦେଇଛନ୍ତି । ଏଥିରେ ମଦ ଦୋକାନଗୁଡ଼ିକୁ ମଧ୍ୟ କିଛି ସର୍ତ୍ତ ସହିତ ଖୋଲିବାକୁ ଅନୁମତି ଦିଆଯାଇଛି । ଦୋକାନ ଖୋଲିବା ପରେ ସାମାଜିକ ଦୂରତା ନିୟମକୁ ଅଣଦେଖା କରାଯାଉଥିବାର ନଜରକୁ ଆସୁଛି । ଏହା ପରେ ଦିଲ୍ଲୀ ସରକାର ମଦ ବିକ୍ରି ପାଇଁ ଟୋକନ୍ ବ୍ୟବସ୍ଥା କରିଛନ୍ତି । ବର୍ତ୍ତମାନ ଦିଲ୍ଲୀରେ ଲୋକମାନେ ଅନଲାଇନ୍ ଟୋକେନ୍ ନେଇ ଦୋକାନକୁ ମଦ କିଣିବାକୁ ସମୟ ପାଇପାରିବେ ।