ଦିଲ୍ଲୀର ଉପରାଜ୍ୟପାଳ ଦୁନିଆର ସର୍ବବୃହତ କୋରୋନା ହସ୍ପିଟାଲର କଲେ ଉଦଘାଟନ

ନୂଆଦିଲ୍ଲୀ: ଦିଲ୍ଲୀର ଉପରାଜ୍ୟପାଳ ଅନିଲ ବୈଜଲ ଦୁନିଆର ସର୍ବବୃହତ କୋରୋନା ହସ୍ପିଟାଲର ଉଦଘାଟନ କରିଛନ୍ତି । ଆଇଟିବିପି(ITBP) ରବିବାର ଠାରୁ ବିଶ୍ୱର ସର୍ବବୃହତ କୋରୋନା କେୟାର ସେଣ୍ଟରର କାର୍ଯ୍ୟ ଆରମ୍ଭ କରିଛି । ଏହି କେନ୍ଦ୍ରର ନାମ ସର୍ଦ୍ଦାର ପଟେଲ କୋରୋନା କେୟାର ସେଣ୍ଟର ରଖାଯାଇଛି । ଏହା ସହିତ ହସ୍ପିଟାଲରେ କୋରୋନା ପଜିଟିଭ ରୋଗୀଙ୍କୁ ଭର୍ତ୍ତି କରିବା ଆରମ୍ଭ କରାଯାଇଛି । ଦିଲ୍ଲୀର କୋରୋନା ବିପକ୍ଷରେ ଲଢ଼େଇରେ ଏହା ହେଉଛି ସବୁଠାରୁ ବଡ ଚିକିତ୍ସା ଅଭିଯାନ । ଯେଉଁଠାରେ ଗୋଟିଏ କେନ୍ଦ୍ରରେ ୧୦,୦୦୦ରୁ ଅଧିକ ରୋଗୀଙ୍କ ଚିକିତ୍ସା ସମ୍ଭବ ହେବ ।

ଦିଲ୍ଲୀର ଉପରାଜ୍ୟପାଳ ଅନିଲ ବୈଜଲ ଓ ଡିଜି ଏସ ଏସ ଦେଶୱାଲ ଡାକ୍ତରଖାନାର ସମସ୍ତ ବ୍ୟବସ୍ଥା ତଥା ସୁବିଧା ସମୀକ୍ଷା କରି ଆଇଟିବିପି ଯବାନମାନଙ୍କୁ ଉତ୍ସାହିତ କରିଛନ୍ତି । ଏଥିସହ ଅଧିକାରୀମାନେ ଉପରାଜ୍ୟପାଳଙ୍କୁ କେନ୍ଦ୍ରର ବ୍ୟବସ୍ଥା ବିଷୟରେ ବିସ୍ତୃତ ସୂଚନା ଦେଇଛନ୍ତି ।

ଦେଶର ବୃହତ୍ତମ କୋଭିଡ କେୟାର ସେଣ୍ଟରରେ ଆଇଟିବିପି ବ୍ୟତୀତ ଜିଲ୍ଲା ପ୍ରଶାସନ ଦକ୍ଷିଣ ଦିଲ୍ଲୀ ଏ ରାଧା ସ୍ୱାମୀ ବ୍ୟାସ କେନ୍ଦ୍ର ଦ୍ୱାରା ଅନ୍ୟାନ୍ୟ ପ୍ରକାରର ମୌଳିକ ଆବଶ୍ୟକତା ପୂରଣ କରାଯାଉଛି । ନିକଟରେ ଗୃହ ମନ୍ତ୍ରୀ ଅମିତ ଶାହା ଓ କେନ୍ଦ୍ର ଗୃହ ରାଜ୍ୟମନ୍ତ୍ରୀ କିଶନ ରେଡ୍ଡୀ ଏହି କେନ୍ଦ୍ରର ନିରୀକ୍ଷଣ କରିଥିଲେ ।