ଡାକ୍ତରଙ୍କ ଆତ୍ମହତ୍ୟା ମାମଲା: ଗିରଫ ହେଲେ ଆପ୍ ବିଧାୟକ ପ୍ରକାଶ ଜରୱାଲ

ନୂଆଦିଲ୍ଲୀ: ଦିଲ୍ଲୀର ନେବ ସରାଇ ଅଞ୍ଚଳରେ ଜଣେ ଡାକ୍ତରଙ୍କ ଆତ୍ମହତ୍ୟା ମାମଲାରେ ଦିଲ୍ଲୀ ପୋଲିସ ଆମ୍ ଆଦମୀ ପାର୍ଟି(AAP) ବିଧାୟକ ପ୍ରକାଶ ଜରୱାଲଙ୍କୁ ଦେଓଲିରୁ ଗିରଫ କରିଛି । କୋର୍ଟ ତାଙ୍କ ବିରୋଧରେ ଜାମିନ ବିହୀନ ୱାରେଣ୍ଟ ଜାରି କରିଥିଲେ । ଜରୱାଲଙ୍କ ସହଯୋଗୀ କପିଲ ନାଗରଙ୍କୁ ମଧ୍ୟ ଗିରଫ କରାଯାଇଛି । ଉଭୟଙ୍କ ଜେରା ଚାଲିଛି ।

ଏପ୍ରିଲ ୧୮ରେ ୫୨ ବର୍ଷୀୟ ଡାକ୍ତର ରାଜେନ୍ଦ୍ର ସିଂ ଦିଲ୍ଲୀର ନବ ସରାଇ ଅଞ୍ଚଳରେ ଫାଶୀ ଲଗାଇ ଆତ୍ମହତ୍ୟା କରିଥିଲେ । ମୃତକଙ୍କ ନିକଟରୁ ୨ ପୃଷ୍ଠାର ଆତ୍ମହତ୍ୟା ନୋଟ ମିଳିଥିଲା । ​​ଯେଉଁଥିରେ ସେ ଏହି ଅଞ୍ଚଳର ବିଧାୟକ ପ୍ରକାଶ ଜରୱାଲ ଏବଂ ତାଙ୍କ ସହଯୋଗୀ କପିଲଙ୍କୁ ଆତ୍ମହତ୍ୟା ପାଇଁ ଦାୟୀ କରିଥିଲେ । ପରେ ପୋଲିସ ଆପ୍ ବିଧାୟକ ଏବଂ ତାଙ୍କ ସହଯୋଗୀଙ୍କ ବିରୋଧରେ ମାମଲା ରୁଜୁ କରିଥିଲା । ବର୍ତ୍ତମାନ ଦୁହେଁ ପୋଲିସ ହେପାଜତରେ ଅଛି । 

ଆତ୍ମହତ୍ୟା ନୋଟରେ ଡାକ୍ତର ଜଣକ ଲେଖାଥିଲେ ଯେ, ମୋର ଏହି ଅଞ୍ଚଳରେ ଏକ କ୍ଲିନିକ୍ ଅଛି ଏବଂ ମୋର କିଛି ୱାଟର ଟ୍ୟାଙ୍କର୍ ଦିଲ୍ଲୀ ଜଲ୍ ବୋର୍ଡରେ ଭଡା ଚାଲିଛି କିନ୍ତୁ ବିଧାୟକ ପ୍ରକାଶ ଏବଂ ତାଙ୍କ ସହଯୋଗୀ କପିଲ ନାଗର ପ୍ରତ୍ୟେକ ଟ୍ୟାଙ୍କର୍ ଅନୁଯାୟୀ ମୋତେ ଟଙ୍କା ମାଗିବା ଆରମ୍ଭ କରିଥିଲେ । କିଛି ଟଙ୍କା ମଧ୍ୟ ଦିଆଯାଇଥିଲା କିନ୍ତୁ ପରେ ମୋର ସମସ୍ତ ଟ୍ୟାଙ୍କର୍ ପ୍ରକାଶ ଜରୱାଲ ଏହାକୁ ଦିଲ୍ଲୀ ଜଲ୍ ବୋର୍ଡରୁ ବାହାର କରିଦେଇଥିଲେ ।

ଟ୍ୟାଙ୍କରଗୁଡ଼ିକୁ ଦିଲ୍ଲୀ ଜଲ୍ ବୋର୍ଡରୁ ହଟାଇବା ପରେ ଏହି ଟ୍ୟାଙ୍କର ଓଖଲାର ଦିଲ୍ଲୀ ଜଲ ବୋର୍ଡରେ କାର୍ଯ୍ୟରେ ଲଗାଇଥିଲା । କିନ୍ତୁ ସେଠାରୁ ମଧ୍ୟ ପ୍ରକାଶ ଜରୱାଲଙ୍କ ଦ୍ୱାରା ଟ୍ୟାଙ୍କରଗୁଡ଼ିକୁ ହଟାଇ ଦିଆଯାଇଥିଲା । ନୋଟ୍ ଅନୁଯାୟୀ ପ୍ରକାଶ ଜରୱାଲ ଏବଂ ତାଙ୍କ ସହଯୋଗୀ ମଧ୍ୟ ତାଙ୍କୁ ହତ୍ୟା କରିବାର ଧମକ ଦେଉଥିଲେ । ଏହି ଧମକ ସହିତ ବଞ୍ଚିବା କଷ୍ଟକର ହୋଇପଡିଥିଲା । ଏହା ବ୍ୟତୀତ ପୋଲିସ ମୃତଦେହ ନିକଟରେ ଏକ ଅଡିଓ ଜବତ କରାଯାଇଥିଲା । 

ମୃତକଙ୍କ ପୁଅ ହେମନ୍ତଙ୍କ ଅଭିଯୋଗ ଉପରେ ଦିଲ୍ଲୀ ପୋଲିସ ଆପ୍ ବିଧାୟକ ପ୍ରକାଶ ଜରୱାଲ ଏବଂ ତାଙ୍କ ସହଯୋଗୀ କପିଲ ନାଗରଙ୍କ ବିରୋଧରେ ଆତ୍ମହତ୍ୟା ପାଇଁ ଉସୁକାଇବା ମାମଲା ରୁଜୁ କରିଥିଲେ ।