ଦିଲ୍ଲୀ ଦଙ୍ଗା: ପୋଲିସଙ୍କ ପାଇଁ ଲଢିବେ ଏହି ୬ ଓକିଲ

ନୂଆଦିଲ୍ଲୀ: ଦିଲ୍ଲୀ ଦଙ୍ଗା(Delhi Riots) ମାମଲାର ଶୁଣାଣି ପାଇଁ ଦିଲ୍ଲୀ ସରକାର ଓକିଲଙ୍କର ଏକ ପ୍ୟାନେଲ ଗଠନ କରିଛନ୍ତି। ଉକ୍ତ ପ୍ୟାନେର ସଦସ୍ୟଙ୍କ ସମ୍ପର୍କରେ ବିଜ୍ଞପ୍ତି ମାଧ୍ୟମରେ ସୂଚନା ଦେଇଛନ୍ତି। ଏହି ଶୁଣାଣି ପାଇଁ ଏହି ପ୍ୟାନେଲରେ ମୋଟ ୬ ଜଣ ଓକିଲଙ୍କୁ ସ୍ଥାନ ମିଳିଛି। ଏହି ପ୍ୟାନେଲରେ ଜଣେ ସଲିସିଟର ଜେନେରାଲ୍ ସହିତ ୩ ଅତିରିକ୍ତ ସଲିସିଟର ଜେନେରାଲ୍ ରହିବେ ।

ଦିଲ୍ଲୀର ସରକାର ଜାରି କରିଥିବା ତାଲିକାରେ ସଲିସିଟର ଜେନେରାଲ ତୁଷାର ମେହତା(Tushar Mehta)ଙ୍କ ନାମ ରହିଛି। ସେହିପରି ଅତିରିକ୍ତ ସଲିସିଟର ଜେନେରାଲଙ୍କ ତାଲିକାରେ ଅମନ ଲେଖି(Aman Lekhi), ଚେତନ ଶର୍ମା ଓ ଏସଭି ରାଜୁଙ୍କ ନାମ ରହିଛି।ଏହା ବ୍ୟତୀତ ସରକାର ଆଇନଜୀବୀ ଅମିତ ମହାଜନ ଓ ରଜତ ନାୟାରଙ୍କୁ ମଧ୍ୟ ଏହି ପ୍ୟାନେଲ କମିଟିରେ ସାମିଲ ହୋଇଛନ୍ତି।

ଏଠାରେ କହି ରଖୁଛୁ ଯେ, ଦିଲ୍ଲୀ ହିଂସାକାଣ୍ଡରେ ପୋଲିସ ବିରୋଧରେ ରୁଜୁ ହୋଇଥିବା ୮୫ଟି ମାମଲା ସମ୍ପର୍କରେ ଶୁଣାଣି କରିବେ। ଦିଲ୍ଲୀ ସରକାରଙ୍କ କ୍ୟାବିନେଟ ଏହି ପ୍ୟାନେଲକୁ ପୂର୍ବରୁ ଖାରଜ କରିଦେଇଥିଲା। ଏଠାରେ କହି ରଖୁଛୁ ଯେ, ଅତୀତରେ ଓକିଲ ରାହୁଲ ମେହେରା ଦିଲ୍ଲୀ ପୋଲିସ ପକ୍ଷରୁ ଦିଲ୍ଲୀ ହାଇକୋର୍ଟରେ ହାଜର ହେବାକୁ ଥିବା କେନ୍ଦ୍ର ସରକାରଙ୍କ ଓକିଲଙ୍କ ସମ୍ପର୍କରେ ପ୍ରଶ୍ନ ଉଠାଇଥିଲେ। ଏବେ କିନ୍ତୁ କେନ୍ଦ୍ର ସରକାରଙ୍କ ଏହି ୬ ଓକିଲଙ୍କ ସମ୍ପର୍କରେ ବିଜ୍ଞପ୍ତି ଜାରି କରିଛି ଦିଲ୍ଲୀ ସରକାର। ତେବେ ଲେଫ୍ଟନାଣ୍ଟ ଗଭର୍ଣ୍ଣର ଏହି ନିଷ୍ପତ୍ତିକୁ ବିରୋଧ କରି ନିଷ୍ପତ୍ତିକୁ ବଜାୟ ରଖିଥିଲେ। ଫଳରେ ଦିଲ୍ଲୀ ସରକାର ଆଜି ଏହି ପ୍ୟାନେଲ ସମ୍ପର୍କରେ ନୋଟିସ ଜାରି କରିଛି।