ଆମ୍ବୁଲାନ୍ସର ଫ୍ରିଜରେ ମଦ ଭର୍ତ୍ତି କରି କରାଯାଉଥିଲା ଚୋରା ଚାଲାଣ

ନୂଆଦିଲ୍ଲୀ: ମହାମାରୀ କୋରୋନା ଭାଇରସ ମୁକାବିଲା ପାଇଁ  ଦିଲ୍ଲୀ ସମେତ ସାରା ଦେଶରେ ଲକଡାଉନ୍ ଜାରି ରହିଛି । ଫଳରେ ଦିଲ୍ଲୀରେ ମଧ୍ୟ ମଦ ଦୋକାନ ବନ୍ଦ ରହିଛି, କିନ୍ତୁ କିଛି ମଦୁଆଙ୍କୁ ଏହାର ଯୋଗାଣ ଜାରି ରହିଛି । ମଦ ଚୋରା ଚାଲାଣକାରୀମାନେ ହରିୟାଣା ଠାରୁ ଦିଲ୍ଲୀ ପର୍ଯ୍ୟନ୍ତ ମଦ କାରବାର କରୁଛନ୍ତି । ରାଜଧାନୀର ଦ୍ୱାରକା ଅଞ୍ଚଳରେ ଏକ ନିଆରା ମାମଲା ସାମ୍ନାକୁ ଆସିଛି, ଯେଉଁଠାରେ ମଦ ଚୋରା ଚାଲାଣକାରୀମାନେ ଆମ୍ବୁଲାନ୍ସରେ ରେଫ୍ରିଜରେଟର ଭର୍ତ୍ତି କରି ହରିୟାଣା ଠାରୁ ଦିଲ୍ଲୀକୁ ମଦ ବୋତଲ ଆଣିଥିଲେ । ସୀମାରେ ଯାଞ୍ଚ ସମୟରେ ଦିଲ୍ଲୀ ପୋଲିସ ଏହି ମଦ ଚୋରା ଚାଲାଣକାରୀଙ୍କୁ ଧରିଥିଲା । 

ବାସ୍ତବରେ ଏହି ଆମ୍ବୁଲାନ୍ସଟି ଶବକୁ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ସ୍ଥାନାନ୍ତର କରିବା ପାଇଁ ବ୍ୟବହୃତ ହେଉଥିଲା । ସାଧାରଣତଃ ପୋଲିସ ଆମ୍ବୁଲାନ୍ସକୁ ଯାଞ୍ଚ କରେ ନାହିଁ । କିନ୍ତୁ ଦିଲ୍ଲୀ ପୋଲିସ ଜାଣିବାକୁ ପାଇଥିଲା ଯେ ହରିୟାଣା ଦେଇ ଦିଲ୍ଲୀକୁ କିଛି ମଦ ଚୋରା ଚାଲାଣକାରୀ ଚୋରା ଚାଲାଣ କରୁଥିଲେ । ବର୍ତ୍ତମାନ ଦିଲ୍ଲୀ ପୋଲିସ ଏହି ମଦ ଚୋରା ଚାଲାଣକାରୀଙ୍କୁ ଧରିଛି ।

ଉଲ୍ଲେଖନୀୟ କଥା ହେଉଛି, ଦେଶର ରାଜଧାନୀ ଦିଲ୍ଲୀରେ କୋରୋନା ଭାଇରସ ରୋଗୀଙ୍କ ସଂଖ୍ୟା ୧୫୦୦ରୁ ଅଧିକ ପହଞ୍ଚିଛି । ଭାରତରେ କୋରୋନା ଭାଇରସ୍ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଛି । ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ପ୍ରକାଶିତ ସର୍ବଶେଷ ତଥ୍ୟ ଅନୁଯାୟୀ, ଦେଶରେ ସଂକ୍ରମିତ କରୋନାଭାଇରସ ସଂଖ୍ୟା ୧୨,୭୫୯ କୁ ବୃଦ୍ଧି ପାଇଛି । ଗତ ୨୪ ଘଣ୍ଟା ମଧ୍ୟରେ ୮୨୬ଟି ନୂଆ କୋରୋନା ପଜିଟିଭ ମାମଲା ଚିହ୍ନଟ ହୋଇଥିବା ଜଣାଯାଇଛି । ଏବଂ ୨୮ ଜଣଙ୍କର ମୃତ୍ୟୁ ହୋଇଛି । ଦେଶରେ କୋରୋନା କାରଣରୁ ଏପର୍ଯ୍ୟନ୍ତ ୪୨୦ ଜଣଙ୍କ ମୃତ୍ୟୁ ଘଟିଛି, ଯଦିଓ ୧୫୧୫ ରୋଗୀ ମଧ୍ୟ ଏହି ରୋଗକୁ ମାତ୍  ଦେବାରେ ସଫଳ ହୋଇଛନ୍ତି ।