କୋରୋନାକୁ ମାତ ଦେବ ଡେଙ୍ଗୁ !

ନୂଆଦିଲ୍ଲୀ: ସମଗ୍ର ବିଶ୍ୱରେ ବର୍ତ୍ତମାନ ମହାମାରୀ କୋରୋନା ଯୋଗୁଁ ସଂକଟମୟ ପରିସ୍ଥିତି ଜାରି ରହିଛି। କୋରୋନାରୁ ମୁକୁଳିବା ପାଇଁ ସମସ୍ତ ଦେଶ ଏବେ ଟିକା ପ୍ରସ୍ତୁତିରେ ଲାଗି ପଡ଼ିଛନ୍ତି। ତେବେ ଏହାରି ମଧ୍ୟରେ ଡ୍ୟୁକ ବିଶ୍ୱବିଦ୍ୟାଳୟର ପ୍ରଫେସର ମିଗୁଏଲ ନିକୋଲାସ କିନ୍ତୁ କିଛି ଭିନ୍ନ ଦାବି କରିଛନ୍ତି। ତାଙ୍କ ମତରେ ଡେଙ୍ଗୁ ଜ୍ୱରରେ ପୀଡ଼ିତ କିମ୍ବା ଡେଙ୍ଗୁ ପାଇଁ ଚିକିତ୍ସିତ ହୋଇଥିଲେ କୋରୋନାରେ ସହଜରେ ସଂକ୍ରମିତ ହେବ ନାହିଁ । 

୨୦୧୯, ୨୦୨୦ ମସିହାରେ ହୋଇଥିବା ଡେଙ୍ଗୁର ଉଦାହରଣର ଦେଇ ନିକୋଲାସ କହିଛନ୍ତି କି ଯେଉଁ ସବୁ ସ୍ଥାନରେ ଡେଙ୍ଗୁ ବ୍ୟାପିଥିଲା, ସେସବୁ ସ୍ଥାନରେ କୋରୋନା ଭାଇରସର ପ୍ରଭାବ ସେତେ ମାତ୍ରାରେ ଦେଖାଦେଇନାହିଁ। ଏପରିକି ସଂକ୍ରମଣରେ ମଧ୍ୟ ଅନ୍ୟ ସ୍ଥାନଗୁଡ଼ିକ ତୁଳନାରେ ମଧ୍ୟ ଢେର କମ ରହିଛି ବୋଲି ସେ କହିଥିଲେ। ସେହିପରି ଏକ ରିସର୍ଚ୍ଚ ସମୟରେ ବ୍ରାଜିଲ କିଛି ଅଞ୍ଚଳରେ କୋରୋନାର କମ ସଂକ୍ରମଣ ଓ ଡେଙ୍ଗୁ ଜନିତ ଆଣ୍ଟିବଡ଼ି ସମ୍ପର୍କରେ ତଥ୍ୟ ସାମ୍ନାକୁ ଆସିଥିଲା। ଗତବର୍ଷ ବ୍ରାଜିଲରେ କିଛି ସ୍ଥାନରେ ଡେଙ୍ଗୁ ବ୍ୟାପକ ଭାବେ ହୋଇଥିଲା। ଫଳରେ ଉକ୍ତ ସ୍ଥାନ ଗୁଡ଼ିକରେ କମ ସଂକ୍ରମଣ ହୋଇଥିବା ଦେଖିବାକୁ ମିଳିଥିଲା। ଉକ୍ତ ସ୍ଥାନକୁ ଛାଡ଼ିଦେଲେ ବ୍ରାଜିଲର ଅନ୍ୟସ୍ଥାନ ଗୁଡ଼ିକରେ ବ୍ୟାପକ ଭାବେ ସଂକ୍ରମିତ ହୋଇଥିବା ଦେଖିବାକୁ ମିଳିଛି। ରିସର୍ଚ୍ଚରମାନେ ଡେଙ୍ଗୁ ମାମଲା ଓ କୋଭିଡ଼19ର ଧିମା ସଂକ୍ରମଣ ମଧ୍ୟରେ ତଥ୍ୟ ହାସଲ କରିଥିବା ଜଣାପଡ଼ିଛି। 

ଅଧିକ ପଢନ୍ତୁ: ଋତୁକାଳୀନ ରୋଗ ହୋଇଯିବ କୋରୋନା, ଏହି ସହରରେ ହେବ ସାଂଘାତିକ

ପ୍ରଫେସର ନିକୋଲାସ ଆହୁରି ମଧ୍ୟ କହିଛନ୍ତି ଏହା ସମ୍ପର୍କରେ ଅନୁଧ୍ୟାନ କରୁଥିବା ସମୟରେ ଅନେକ ରୋଚକ ତଥ୍ୟ ସାମ୍ନାକୁ ଆସିଛି। ଯେଉଁମାନଙ୍କର ରକ୍ତରେ ଡେଙ୍ଗର ଆଣ୍ଟିବଡ଼ି ରହିଛି ସେମାନେ କୋରୋନା ଦ୍ୱାରା ସଂକ୍ରମିତ ହେବାର ସମ୍ଭାବନା ଯ଼ଥେଷ୍ଟ କମ ରହିଛି। କିନ୍ତୁ ଭୁଲ ବସତଃ ସେମାନଙ୍କର କୋରୋନା ସଂକ୍ରମିତ ହୋଇଥିବା ନେଇ ତଥ୍ୟ କହିଛି। ଶରୀରରେ ଦୁଇଟି ଭାଇରସ ରହିଲେ ମଧ୍ୟ ଡେଙ୍ଗୁର ଭାଇରସ କୋରୋନା ଭାଇରସ ସହିତ ଲଢିବାକୁ ଶକ୍ତି ଦେଇଥାଏ। ଶରୀରରେ ରୋଗ ପ୍ରତିରୋଧକ ଶକ୍ତି ବୃଦ୍ଧି କରିଥାଏ। ଏହା ସମ୍ପର୍କରେ କାହାକୁ ମଧ୍ୟ ଜଣା ନଥିବା ନେଇ ସେ କହିଛନ୍ତି। 

ସେ ଆହୁରି ମଧ୍ୟ କହିଥିଲେ କି, ଡେଙ୍ଗୁର ଭାଇରସ ଫ୍ଲେୱି ଭାଇରସ ସେରୋଟାଇପ ଓ SarS-Cov-2 ଭାଇରସ ମଧ୍ୟରେ ଏକ ସ୍ୱତନ୍ତ୍ର ସମ୍ପର୍କ ରହିଛି। ଡେଙ୍ଗୁ ଭାଇରସ ଶରୀରରେ ଆଣ୍ଟିବଡ଼ି ଭଳି କାର୍ଯ୍ୟ କରିଥାଏ। ଏହା କୋରୋନା ଭାଇରସକୁ ମାତ ଦେବା ପାଇଁ କାର୍ଯ୍ୟ କରିଥାଏ। ଯଦି ଏହା ସଠିକ ପ୍ରମାଣିତ ହୁଏ ତେବେ ଡେଙ୍ଗୁ ଚିକିତ୍ସା କୋରୋନାକୁ ମାତ ଦେବା ପାଇଁ କିଛି ମାତ୍ରାରେ ସଫଳ ହେବ ବୋଲି ସେ କହିଛନ୍ତି। ତେବେ ଏହି ଦୁଇ ଭାଇରସ ଉପରେ ଆହୁରି ମଧ୍ୟ ଅନୁଧ୍ୟାନର ଆବଶ୍ୟକ ରହିଛି ବୋଲି ସେ କହିଥିଲେ।