ଏଚ-1ବି ଭିସା ଉପରେ ଲାଗିଲା ରୋକ, ଭାରତୀୟଙ୍କ ପାଇଁ ବଢିପାରେ ସମସ୍ୟା

ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏଚ-୧ବି ଭିସା ଉପରେ ରୋକ ଲଗାଇ ଦେଇଛନ୍ତି. ଏହି ଭିସା ଆବେଦନର ପ୍ରକ୍ରିୟା ଓ ଏହାର ଯୋଗ୍ୟତା ଉପରେ ପୁନର୍ବାର ଅନୁଧ୍ୟାନ କରି ପରିବର୍ତ୍ତନ ଆଣିବାକୁ ଟ୍ରମ୍ପ ସରକାର ପ୍ରୟାସ କରୁଛନ୍ତି. ଏହି କାରଣରୁ ଭିସା ଉପରେ ରୋକ ସରକାର ନିର୍ଦ୍ଦେଶ ଦେଇଥିବା ନେଇ ସୂଚନା ଦେଇଛନ୍ତି. 

ହ୍ୱାଇଟ ହାଉସର ଅଧିକାରୀମାନେ ଏହା କହିଛନ୍ତି। ଚଳିତ ବର୍ଷ ଶେଷ ସୁଦ୍ଧା ଟ୍ରମ୍ପ H-1B ଭିସା ସମେତ ଅନ୍ୟାନ୍ୟ କାର୍ଯ୍ୟ ଭିସାକୁ ଅସ୍ଥାୟୀ ଭାବରେ ସ୍ଥଗିତ ରଖିବାକୁ ନିର୍ଦ୍ଦେଶ ଦେଇଛନ୍ତି। ଏହା ପରେ ହ୍ୱାଇଟ ହାଉସ ଏକ ବିବୃତ୍ତିରେ କହିଛି ଯେ ଆମେରିକା ଏକ ଯୋଗ୍ୟତା ଭିତ୍ତିକ ଇମିଗ୍ରେସନ ସିଷ୍ଟମ ଆଡକୁ ଗତି କରୁଛି। ଅଧିକ କୁଶଳୀ ଶ୍ରମିକଙ୍କୁ ପ୍ରାଥମିକତା ଦେବା ଏବଂ ଆମେରିକୀୟ ନାଗରିକଙ୍କ ଚାକିରିକୁ ସୁରକ୍ଷା ଦେବା ପାଇଁ ଟ୍ରମ୍ପ ସରକାର ଇମିଗ୍ରେସନ ବ୍ୟବସ୍ଥାରେ ସଂସ୍କାର ଆଣିବେ।

ହ୍ୱାଇଟ ହାଉସ କହିଛି ଯେ ଏହି ସଂସ୍କାର ଅନୁଯାୟୀ, ଯେଉଁମାନେ ଅଧିକ ବେତନ ପ୍ରଦାନ କରୁଛନ୍ତି ସେମାନଙ୍କୁ H-1B ଭିସା କାର୍ଯ୍ୟକ୍ରମ ଅଗ୍ରାଧିକାର ଦିଆଯିବ । ଏହା ବ୍ୟତୀତ ଟ୍ରମ୍ପ ସରକାର ମଧ୍ୟ ସମସ୍ତ ତ୍ରୁଟି ଦୂର କରିବେ। ଏହାର ଫାଇଦା ଉଠାଇ କମ୍ପାନୀଗୁଡିକ ଆମେରିକୀୟ ଶ୍ରମିକଙ୍କ ସ୍ଥାନରେ ଶସ୍ତା ବିଦେଶୀ ଶ୍ରମିକମାନଙ୍କୁ ରଖୁଛନ୍ତି । ଯାହା ବଦଳରେ ଆମେରୀକିୟମାନେ ବେଶ ଫାଇଦା ଉଠାଇ ପାରିବେ ବୋଲି ସୂଚନା ରହିଛି। 

ହ୍ୱାଇଟ ହାଉସ କହିଛି ଯେ ଏହି ସଂସ୍କାର ଆମେରିକୀୟ ଶ୍ରମିକମାନଙ୍କୁ ସୁରକ୍ଷା ଦେବ। ଆହୁରି ମଧ୍ୟ ଆମେରୀକାର କୁଶଳୀ କାରିଗରମାନେ ଆମେରିକାରେ ହିଁ କାର୍ଯ୍ୟ କରିପାରିବେ । ଟ୍ରମ୍ପ ସରକାରଙ୍କ ଦ୍ୱାରା H-1B ଭିସା ପ୍ରଦାନ ଉପରେ ଅସ୍ଥାୟୀ ପ୍ରତିବନ୍ଧକ ଭାରତୀୟ ବୃତ୍ତିଗତଙ୍କୁ ପ୍ରଭାବିତ କରିପାରେ।

H-1B ଭିସା ହେଉଛି ଏକ ଅଣ-ପ୍ରବାସୀ ଭିସା, ଯାହା ମାଧ୍ୟମରେ ବିଦେଶୀମାନେ ଆମେରିକାରେ ଚାକିରି ପାଇଁ ଯାଇଥାନ୍ତି. ଏପରିକି ଆମେରିକୀୟ କମ୍ପାନୀମାନଙ୍କୁ ମଧ୍ୟ ନିର୍ଦ୍ଦିଷ୍ଟ ବୃତ୍ତିରେ ବିଦେଶୀ ଚାକିରିଆମାନଙ୍କୁ ନିୟୋଜିତ କରିବାକୁ ଅନୁମତି ଦେଇଥାଏ । ଭାରତୀୟ ଆଇଟି ପ୍ରଫେସନାଲମାନଙ୍କ ମଧ୍ୟରେ ଏହା ବହୁତ ଚାହିଦା । ଯୁକ୍ତରାଷ୍ଟ୍ରରେ ପ୍ରତିବର୍ଷ ୮୫ ହଜାର H-1B ରିଲିଜ୍ କରିବାର ସୀମା ଅଛି । ଅଧିକାରୀ କହିଛନ୍ତି ଯେ ଗତ ବର୍ଷ ଏହି ଭିସା ପାଇଁ ପାଖାପାଖି ୨ ଲକ୍ଷ ୨୫ ହଜାର ଆବେଦନ ଗ୍ରହଣ କରାଯାଇଥିଲା।

Add Zee News as a Preferred Source