ମହାମାରୀ ବେଳେ ଆର୍ଥିକ ସଂକଟକୁ ନେଇ ଚିନ୍ତାରେ ରିସୋର୍ଟ ମାଲିକ, ସୁଇଂମି ପୁଲରେ କରିଲେ ମାଛ ଚାଷ

ନୂଆଦିଲ୍ଲୀ: ବିଶ୍ୱ ସମଗ୍ର ଦେଶରେ ଦେଶରେ ଜାରି ରହିଛି କୋରୋନା ସଂକଟ । ଏହାର ମୁକାବିଲା ଲାଗି ଦେଶରେ ପ୍ରାୟ ୨ ମାସ ଧରି ନିରବିଚ୍ଛିନ୍ନ ଭାବେ ହୋଇଥିଲା ଲକ ଡାଉନ । ଯାହାର ପ୍ରଭାବ ପ୍ରତ୍ୟେକ୍ଷ ଓ ପରୋକ୍ଷ ଭାବେ ଏହାର ପ୍ରଭାବ ବାଣିଜ୍ୟକ କ୍ଷେତ୍ରରେ ପଡିଥିଲା । ଏପରକି  ବାଣିଜ୍ୟ କାବବାର କରିବାକୁ ନେଇ ଅନେକ ସମସ୍ୟାର ସାମ୍ନା କରିଥିଲେ ବ୍ୟବସାୟୀ । ଲକ ଡାଉନ ବେଳେ ଅନେକ ମାତ୍ରାରେ କ୍ଷତିଗ୍ରସ୍ତ ହୋଇଛନ୍ତି ହୋଟେଲ, ରେସ୍ତୁରାଁ, ରିସୋର୍ଟ ମାଲିକ ।        

ଲକ ଡାଉନ କାରଣରୁ ସୃଷ୍ଟି ହୋଇଥିବା ଆର୍ଥିକ ସଂକଟର ମୁକାବିଲା କରିବାକୁ ଯାଇ ଜଣେ ରିସୋର୍ଟ ମାଲିକ ସୁଇମିଂ ପୁଲରେ ମାଛ ଚାଷ କରିବା ଆରମ୍ଭ କରିଛନ୍ତି । ଏଭଳି ଘଟଣା ଦେଖିବାକୁ ମିଳିଛି ଦାକ୍ଷିଣାତ୍ୟ ରାଜ୍ୟ କେରଳରେ । ଏଠାକାର ଆଭେଡା ନାମକ ବିଳାସପୂର୍ଣ୍ଣ ରିସୋର୍ଟ ମାଲିକ ବ୍ୟବସାୟିକ ସମସ୍ୟାର ସମାଧାନ କରିବାକୁ ଯାଇ ଏପରି ପଦକ୍ଷେପ ନେଇଛନ୍ତି । ଏହି ମାଛକୁ ବିକ୍ରି କରିବା ଲାଗି ସେ ପ୍ରସ୍ତୁତି ଆରମ୍ଭ କରି ଦେଇଛନ୍ତି ।

ଏହି ରିସୋର୍ଟକୁ ୟୁରୋପୀୟ ଯାତ୍ରୀଙ୍କ ଭିଡ ଲାଗି ରହିଥାଏ । ହେଲେ ମହାମାରୀର ମୁକାବିଲା କରିବାକୁ ପାଇଁ ଲାଗୁ ହୋଇଥିବା ଲକ ଡାଉନ କାରଣରୁ କୌଣସି ପର୍ଯ୍ୟଟକ ଆସିପାରିନଥିଲେ । ଯାହା ଫଳରେ ପର୍ଯ୍ୟଟକ ଶୂନ୍ୟ ହୋଇ ପଡିଥିବା ଏହି ରିସୋର୍ଟ ମାଲିକଙ୍କୁ ଆର୍ଥିକ ସଂକଟର ସାମ୍ନା କରିବାକୁ ପଡିଥିଲା । ଏହାର ମୁକାବିଲା କରିବାକୁ ଯାଇ ରିସୋର୍ଟରେ ମାଛ ଚାଷ କରିବାକୁ ବାଧ୍ୟ ହୋଇଥିଲେ ସେ ।

ଏନେଇ ରିସୋର୍ଟର ଜେନେରାଲ ମ୍ୟାନେଜର ଜ୍ୟୋତିଷ ସୁରେନ୍ଦ୍ରନ୍ କହିଛନ୍ତି, ଲକ ଡାଉନ ବେଳେ ଆମର କୌଣସି କାରବାର ହୋଇନଥଥିଲା । ଗତ ଜୁନ୍ ମାସରେ ଆମେ ପ୍ରାୟ ୧୬ ହଜାର ପର୍ଲ ମାଛକୁ ସୁଇମିଂ ପୁଲରେ ଛାଡି ଦିଆଯାଇଥିଲ । ବର୍ତ୍ତମାନ ଆମେ ଏହି ମାଛକୁ ନଭେମ୍ବରରେ ରପ୍ତାନି କରିବାକୁ ଯୋଜନା କରୁଛୁ । ସୁଇମିଂ ପୁଲରୁ ପ୍ରାୟ ୪ ଟନ୍ ମାଛ ଅମଳ ହେବ, ଯାହାର ଆନୁମାନିକ ବଜାର ମୂଲ୍ୟ ପ୍ରାୟ ୪୦ ହଜାର ଡଲାର ।

ସେ ଆହୁରି ମଧ୍ୟ କହିଛନ୍ତି ଏହା ନିଶ୍ଚିତ ମାଛ ଚାଷ ଦ୍ୱାରା ହୋଇଥିବା କ୍ଷତିକୁ ଭରଣା କରାଯାଇବ ପାରିବ ନାହିଁ, ହେଲେ ଏହା ଦ୍ୱାରା ଆମକୁ ବ୍ୟବସାୟ ଜାରି ରଖିବାରେ ସହାୟକ ହେବ । ସବୁ ଦିନ ଲାଗି ରିସୋର୍ଟର ସୁଇମିଂ ପୁଲରେ ମାଛ  ଚାଷ କରିବା ସମ୍ଭବ ନୁହେଁ । ଏଥିଲାଗି ଅନ୍ୟ ସ୍ଥାନରେ ଜମି ଖୋଜା ଯାଇ ମାଛ ଚାଷ କରାଯିବ ।