ଲକ୍ ଡାଉନ୍ ମଧ୍ୟରେ ଏକାଠି ହେଲେ ହଜାର ହଜାର ଶ୍ରମିକ, ମୋଦି ସରକାରଙ୍କୁ ଦାୟୀ କଲେ ଆଦିତ୍ୟ ଠାକରେ

ଆଦିତ୍ୟ ଠାକରେ ଟ୍ୱିଟ୍ କରି କହିଛନ୍ତି ଯେ, "ବାନ୍ଦ୍ରା ଷ୍ଟେସନର ବର୍ତ୍ତମାନ ସ୍ଥିତି, ଏହା ଯେ ସୁରଟରେ ଦଙ୍ଗା ମଧ୍ୟ ହେଉଛି, କେନ୍ଦ୍ର ସରକାରଙ୍କ ଦ୍ୱାରା ପ୍ରବାସୀ ଶ୍ରମିକମାନଙ୍କୁ ଘରକୁ ଫେରିବା ପାଇଁ ବ୍ୟବସ୍ଥା କରିପାରୁ ନ ଥିବାରୁ ଏହା ହେଉଛି । ସେମାନେ ଖାଦ୍ୟ କିମ୍ବା ଆଶ୍ରୟ ଚାହାଁନ୍ତି ନାହିଁ, ସେମାନେ ଘରକୁ ଫେରିବାକୁ ଚାହାଁନ୍ତି ।"

ମୁମ୍ୱାଇ: ଦେଶରେ ଜାରି ଥିବା ଲକ୍ ଡାଉନ୍ ମଧ୍ୟରେ ଘରକୁ ଫେରିବା ପାଇଁ ମଙ୍ଗଳବାର ହଜାର ହଜାର ପ୍ରବାସୀ ଶ୍ରମିକ ମୁମ୍ବାଇର ବାନ୍ଦ୍ରାରେ ଏକାଠି ହୋଇଛନ୍ତି । ଏହା ପରେ ଭିଡ଼କୁ ହଟାଇବା ପାଇଁ ପୋଲିସ ଲାଠି ଚାର୍ଚ୍ଚ କରିଛି । ଏହି ଶ୍ରମିକମାନଙ୍କର ଦାବି ଥିଲା ଯେ ସେମାନଙ୍କୁ ନିଜ ଘରକୁ ପଠାଯାଉ । ଏହି ବିଷୟରେ ମହାରାଷ୍ଟ୍ର ସରକାରର ମନ୍ତ୍ରୀ ଆଦିତ୍ୟ ଠାକରେ ଏବଂ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ପୁଅ କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି । ଏଥିପାଇଁ ଆଦିତ୍ୟ ଠାକରେ କେନ୍ଦ୍ରର ମୋଦି ସରକାରଙ୍କୁ ଦାୟୀ କରିଛନ୍ତି ।

The current situation at Bandra Station, now dispersed or even the rioting in Surat is a result of the Union Govt not being able to take a call on arranging a way back home for migrant labour. They don’t want food or shelter, they want to go back home

— Aaditya Thackeray (@AUThackeray) April 14, 2020

Add Zee News as a Preferred Source

ଆଦିତ୍ୟ ଠାକରେ ଟ୍ୱିଟ୍ କରି କହିଛନ୍ତି ଯେ, "ବାନ୍ଦ୍ରା ଷ୍ଟେସନର ବର୍ତ୍ତମାନ ସ୍ଥିତି, ଏପରି କି ସୁରଟରେ ଦଙ୍ଗା ମଧ୍ୟ ହେଉଛି, କେନ୍ଦ୍ର ସରକାରଙ୍କ ଦ୍ୱାରା ପ୍ରବାସୀ ଶ୍ରମିକମାନଙ୍କୁ ଘରକୁ ଫେରିବା ପାଇଁ ବ୍ୟବସ୍ଥା କରିପାରୁ ନ ଥିବାର ପରିଣାମ ହେଉଛି ଏହା। ସେମାନେ ଖାଦ୍ୟ କିମ୍ବା ଆଶ୍ରୟ ଚାହାଁନ୍ତି ନାହିଁ, ସେମାନେ ଘରକୁ ଫେରିବାକୁ ଚାହାଁନ୍ତି ।"

ଏଠାରେ କହି ରଖୁଛୁ ଯେ, ଭାରତରେ କୋରୋନା ଭାଇରସ ସଙ୍କଟ ଦ୍ରୁତ ଗତିରେ ବଢ଼ି ବଢ଼ି ଚାଲିଛି । ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ପ୍ରକାଶିତ ସର୍ବଶେଷ ତଥ୍ୟ ଅନୁଯାୟୀ, ଭାରତରେ ସଂକ୍ରମିତ କୋରୋନା ଭାଇରସ୍ ସଂଖ୍ୟା ୧୦,୮୧୫କୁ ବୃଦ୍ଧି ପାଇଛି । ଗତ ୨୪ ଘଣ୍ଟା ମଧ୍ୟରେ ୧୪୬୩ଟି ନୂଆ କୋରୋନା ପଜିଟିଭ ଚିହ୍ନଟ ହୋଇଥିବା ଜଣାପଡିଛି ଏବଂ ୨୯ ଜଣଙ୍କର ମୃତ୍ୟୁ ହୋଇଛି । ଦେଶରେ କୋରୋନା କାରଣରୁ ଏପର୍ଯ୍ୟନ୍ତ ୩୫୩ ଜଣଙ୍କ ମୃତ୍ୟୁ ଘଟିଛି, ଯଦିଓ ୧୧୯୦ ରୋଗୀ ମଧ୍ୟ ଏହି ରୋଗକୁ ପରାସ୍ତ କରିବାରେ ସଫଳ ହୋଇଛନ୍ତି ।