ଅଭିନେତ୍ରୀ ଉର୍ବଶୀ ରାଉତେଲା ଏବଂ ପୂର୍ବତନ TMC ସାଂସଦ ମିମି ଚକ୍ରବର୍ତ୍ତୀଙ୍କୁ ଇଡି ସମନ

ନୂଆଦିଲ୍ଲୀ: ବଲିଉଡ୍ ଅଭିନେତ୍ରୀ ଉର୍ବଶୀ ରାଉତେଲା ଏବଂ ପୂର୍ବତନ ତୃଣମୂଳ କଂଗ୍ରେସ ସାଂସଦ ମିମି ଚକ୍ରବର୍ତ୍ତୀଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ ପକ୍ଷରୁ ସମନ ଜାରି କରାଯାଇଛି। ଉର୍ବଶୀ ରାଉତେଲାଙ୍କୁ ସେପ୍ଟେମ୍ବର ୧୬ ତାରିଖରେ ଇଡିର ଦିଲ୍ଲୀ ମୁଖ୍ୟାଳୟରେ ହାଜର ହେବାକୁ ପଡିବ। ସେହିପରି ପୂର୍ବତନ ଟିଏମସି ସାଂସଦ ମିମି ଚକ୍ରବର୍ତ୍ତୀଙ୍କୁ ସେପ୍ଟେମ୍ବର ୧୫ ରେ ହାଜର ହେବାକୁ ପଡିବ। ଉଭୟଙ୍କୁ ଭିନ୍ନ ଭିନ୍ନ ଦିନରେ ପଚରାଉଚରା କରିବ ପ୍ରବର୍ତ୍ତନ ନିର୍ଦ୍ଦେଶାଳୟ । ଟିଏମସି ସାଂସଦ ମିମି ଚକ୍ରବର୍ତ୍ତୀ ବଙ୍ଗଳା ଚଳଚ୍ଚିତ୍ର ଜଗତର ଜଣେ ଅଭିନେତ୍ରୀ। ଏପରି ପରିସ୍ଥିତିରେ, ଉଭୟ ଫିଲ୍ମ ଅଭିନେତ୍ରୀଙ୍କୁ ପଚରାଉଚରା ପାଇଁ କେନ୍ଦ୍ରୀୟ ତଦନ୍ତ ଅଧିକାରୀଙ୍କ ସମ୍ମୁଖରେ ହାଜର ହେବାକୁ ପଡିବ।

ମିଳିଥିବା ସୂଚନା ମୁତାବକ, ଅବୈଧ ବେଟିଂ ଆପ୍ 1xBet ମାମଲାରେ ଇଡି ଉର୍ବଶୀ ରାଉତେଲା ଏବଂ ମିମି ଚକ୍ରବର୍ତ୍ତୀଙ୍କୁ ସମନ ଜାରି କରିଛି ଇଡି। ଉକ୍ତ ମାମଲାରେ, ଇଡି ପୂର୍ବରୁ ଅନେକ ଅଭିନେତ୍ରୀ ଏବଂ କ୍ରିକେଟରଙ୍କୁ ପଚରାଉଚରା କରିସାରିଛି। ଅନ୍ୟପକ୍ଷରେ, ପୂର୍ବତନ ଟିଏମସି ସାଂସଦ ମିମି ଚକ୍ରବର୍ତ୍ତୀଙ୍କୁ 1xBet ସହିତ ତାଙ୍କ କଥିତ ସମ୍ପୃକ୍ତି ବିଷୟରେ ଇଡି ପଚରାଉଚରା କରିପାରେ ବୋଲି ଚର୍ଚ୍ଚା ହେଉଛି । 1xBet ହେଉଛି ଏକ ଅନଲାଇନ୍ ବେଟିଂ ପ୍ଲାଟଫର୍ମ ଯେଉଁଥିରେ ମନି ଲଣ୍ଡରିଂ ଏବଂ ଟିକସ ଫାଙ୍କିବା ଭଳି ସଂଗୀନ ଅଭିଯୋଗ ରହିଛି ।

Also Read- Actress Gargi Mohanty: କେମିତି ଅଛନ୍ତି ଅଭିନେତ୍ରୀ ଗାର୍ଗୀ ମହାନ୍ତି ? ୧୦ ଫଟୋ ଭାଇରାଲ୍

Also Read- ଅଭିଜିତ୍ ମଜୁମଦାରଙ୍କ ବାବଦରେ ବଡ଼ ସୂଚନା ଦେଲେ ଅଭିନେତା ଶ୍ରୀତମ ଦାସ