 "Elections 2022: ଏହି ଦିନ ବିଧାନସଭା ନିର୍ବାଚନ ପାଇଁ ତାରିଖ ଘୋଷଣା କରିବ ନିର୍ବାଚନ କମିଶନ")
UP Election 2022: ଆଗାମୀ ବିଧାନସଭା ନିର୍ବାଚନକୁ (Election) ଦୃଷ୍ଟିରେ ରଖି ରାଜନୈତିକ କାର୍ଯ୍ୟକଳାପ ତୀବ୍ର ହୋଇଛି । ସେପଟେ, ନିର୍ବାଚନ ପ୍ରସ୍ତୁତି ସଂପର୍କରେ ମୁଖ୍ୟ ନିର୍ବାଚନ କମିଶନର (CEC) ସୁଶୀଲ ଚନ୍ଦ୍ର ଆସନ୍ତା ସପ୍ତାହରେ ଉତ୍ତରପ୍ରଦେଶ ଗସ୍ତ କରିବେ । ଏହି ଗସ୍ତ ସମୟରେ ସେ ରାଜ୍ୟ ଅଧିକାରୀଙ୍କ ସହ ଏକ ବୈଠକ କରିବେ ଏବଂ ବର୍ତ୍ତମାନର ସ୍ଥିତିର ସମୀକ୍ଷା କରିବେ । ମୁଖ୍ୟ ନିର୍ବାଚନ କମିଶନର ସୁଶୀଲ ଚନ୍ଦ୍ର (Sushil Chandra) ୨୮ ରୁ ୩୦ ଡିସେମ୍ବର ମଧ୍ୟରେ ଉତ୍ତରପ୍ରଦେଶ (Uttar Pradesh) ଗସ୍ତରେ ଆସିବେ ।
ବୈଠକ ପରେ ମୁଖ୍ୟ ନିର୍ବାଚନ କମିଶନର (Election Commission) ଡିସେମ୍ବର ୩୦ ରେ ସନ୍ଧ୍ୟାରେ ଏକ ସାମ୍ବାଦିକ ସମ୍ମିଳନୀ କରିବେ । ଏଭଳି ପରିସ୍ଥିତିରେ ସେ ନିର୍ବାଚନ ତାରିଖ ଘୋଷଣା କରିବେ କି ନାହିଁ ବୋଲି କଳ୍ପନାଜଳ୍ପନା ଚାଲିଛି । ଅବଶ୍ୟ, କୋରୋନାର ନୂତନ ଭାରିଆଣ୍ଟ ଓମିକ୍ରନର ବଢୁଥିବା ପ୍ରଭାବକୁ ଦେଖି ଅନେକ ଆଶଙ୍କା ରହିଛି । କହି ରଖୁଛୁ ଯେ ଗତ ବିଧାନସଭା ନିର୍ବାଚନରେ ଅର୍ଥାତ୍ ୨୦୧୭ ମସିହାରେ, ଜାନୁଆରୀ ପ୍ରଥମ ସପ୍ତାହରେ ୪ ତାରିଖ ଦିନ ନିର୍ବାଚନ ଘୋଷଣା କରାଯାଇଥିଲା ।
ସୁଶୀଲ ଚନ୍ଦ୍ରଙ୍କ ବୟାନ
ଓମିକ୍ରନ୍ ଯୋଗୁଁ COVID-୧୯ ର ତୃତୀୟ ଲହର ଆଶଙ୍କା ଥିବାରୁ ଉତ୍ତରପ୍ରଦେଶ ବିଧାନସଭା ନିର୍ବାଚନକୁ ସ୍ଥଗିତ ରଖିବାକୁ ଆହ୍ଲାବାଦ ହାଇକୋର୍ଟ ପରାମର୍ଶ ଦେବାର ଗୋଟିଏ ଦିନ ପରେ ମୁଖ୍ୟ ନିର୍ବାଚନ କମିଶନର ସୁଶୀଲ ଚନ୍ଦ୍ର କହିଛନ୍ତି ଯେ ଆସନ୍ତା ସପ୍ତାହରେ ୟୁପି ଗସ୍ତ ପରେ ସେଠାରେ ସଠିକ୍ ନିଷ୍ପତ୍ତି ନିଆଯିବ ।
କହିରଖୁଛୁ ଯେ ଆହ୍ଲାବାଦ ହାଇକୋର୍ଟର ଜଷ୍ଟିସଙ୍କ ଆବେଦନ ଉପରେ ପୂର୍ବରୁ ପ୍ରଶ୍ନ ପଚରାଯାଇଥିଲା । ଏହାର ଜବାବରେ ମୁଖ୍ୟ ନିର୍ବାଚନ କମିଶନର ସୁଶୀଲ ଚନ୍ଦ୍ର କହିଛନ୍ତି ଯେ ମୁଁ ଆସନ୍ତା ସପ୍ତାହରେ ଉତ୍ତରପ୍ରଦେଶ ଗସ୍ତ କରିବି । ପରିସ୍ଥିତିର ସମୀକ୍ଷା କରିବା ପରେ ପରିସ୍ଥିତି ଅନୁଯାୟୀ ଉପଯୁକ୍ତ ନିଷ୍ପତ୍ତି ନିଆଯିବ ।
ମୁଖ୍ୟ ନିର୍ବାଚନ କମିଶନର ସୁଶୀଲ ଚନ୍ଦ୍ରଙ୍କୁ ପଚରାଯାଇଥିଲା ଯେ କୋରୋନା ଭାଇରସର ଓମିକ୍ରନ୍ ଭାରିଆଣ୍ଟର ବୃଦ୍ଧି ଘଟଣାରେ ଆହ୍ଲାବାଦ ହାଇକୋର୍ଟ ଚିନ୍ତା ପ୍ରକଟ କରିଥିବାରୁ ନିର୍ବାଚନକୁ ସ୍ଥଗିତ ରଖିବା ସମ୍ଭବ କି? ଉତ୍ତରାଖଣ୍ଡରେ ନିର୍ବାଚନ ପରିସ୍ଥିତି ସମ୍ପର୍କରେ ମୁଖ୍ୟ ନିର୍ବାଚନ କମିଶନର କହିଛନ୍ତି ଯେ ସେ ରାଜ୍ୟରେ ଓମିକ୍ରନ୍ ମାମଲା ବିଷୟରେ ମୁଖ୍ୟ ଶାସନ ସଚିବ ଏସ୍ ସାନ୍ଧୁଙ୍କୁ ପଚାରିଛନ୍ତି ଏବଂ ତାଙ୍କୁ କୁହାଯାଇଛି ଯେ ରାଜ୍ୟରେ କେବଳ ଗୋଟିଏ ମାମଲା ରହିଛି ।
)