ସରକାର ପ୍ରତ୍ୟେକ ପରିବାରର ଜଣେ ସଦସ୍ୟଙ୍କୁ ଦେଉଛନ୍ତି ଚାକିରି? ଜାଣନ୍ତୁ ସତ୍ୟତା

ଏହି ସମୟରେ, 'ଗୋଟିଏ ପରିବାର ଗୋଟିଏ ଚାକିରି' ନାମକ ଏକ ସରକାରୀ ଯୋଜନା ମଧ୍ୟ ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛି । ଏହି ଯୋଜନା ବିଷୟରେ ଉଲ୍ଲେଖ କରି ସୋସିଆଲ ମିଡିଆରେ କିଛି ଲୋକ କହୁଛନ୍ତି ଯେ କେନ୍ଦ୍ର ସରକାର ଅଧୀନରେ ଥିବା ଏହି ଯୋଜନାରେ ପ୍ରତ୍ୟେକ ପରିବାରର ଜଣେ ବ୍ୟକ୍ତିଙ୍କୁ ରୋଜଗାର ଯୋଗାଇ ଦେଉଛନ୍ତି ।

ନୂଆଦିଲ୍ଲୀ: କୋରୋନା ଅବଧିରେ (Corona period) ଅନେକ ଲୋକ ନିଜ ଚାକିରି ହରାଇଛନ୍ତି । ପରିସ୍ଥିତି ଏପରି ଆସିଛି ଯେ ଲୋକମାନେ ଚାକିରି (Job) ନାମରେ ଠକେଇର ଶିକାର ହେଉଛନ୍ତି । କିଛି ଲୋକ ରାଜ୍ୟ ସରକାରଙ୍କ ଯୋଜନା ବିଷୟରେ କହୁଛନ୍ତି ଓ କେହି କେହି କେନ୍ଦ୍ରର ଯୋଜନାକୁ ସୂଚାଉଛନ୍ତି । ଏହି ସମୟରେ 'ଗୋଟିଏ ପରିବାର ଗୋଟିଏ ଚାକିରି' ନାମକ ଏକ ସରକାରୀ ଯୋଜନା ମଧ୍ୟ ସୋସିଆଲ ମିଡିଆରେ (Social Media)ଚର୍ଚ୍ଚାର ବିଷୟ ପାଲଟିଛି । ଏହି ଯୋଜନା ବିଷୟରେ ଉଲ୍ଲେଖ କରି ସୋସିଆଲ ମିଡିଆରେ କିଛି ଲୋକ କହୁଛନ୍ତି ଯେ କେନ୍ଦ୍ର ସରକାର (central government) ଏହି ଯୋଜନା ଅଧୀନରେ ଥିବା ପ୍ରତ୍ୟେକ ପରିବାରର ଜଣେ ବ୍ୟକ୍ତିଙ୍କୁ ରୋଜଗାର ଯୋଗାଇ ଦେବେ ।

ଏକ ୟୁଟ୍ୟୁବ୍ ଚ୍ୟାନେଲ୍ ଦାବି କରୁଛି ଯେ “ଗୋଟିଏ ପରିବାର ଗୋଟିଏ ସରକାରୀ ଚାକିରି ଯୋଜନା 2020 ପ୍ରଧାନମନ୍ତ୍ରୀ (Prime Minister)ନିଜର ଉଚ୍ଚାଭିଳାଷୀ 'ୱାନ ଫ୍ୟାମିଲି ୱାନ୍ ଜବ' ଯୋଜନା କାର୍ଯ୍ୟକାରୀ କରିଛନ୍ତି । ଯାହା ଅଧୀନରେ ରାଜ୍ୟର ପ୍ରତ୍ୟେକ ପରିବାରର ଅତି କମରେ ଜଣେ ସଦସ୍ୟଙ୍କୁ ସରକାରୀ ଚାକିରି ଦିଆଯିବ । ଏହି ଯୋଜନା କାର୍ଯ୍ୟକାରୀ ହେବାପରେ ଦେଶର ଯୁବକମାନଙ୍କ ମଧ୍ୟରେ ଏକ ବଡ଼ ଖୁସିର ବାତାବରଣ ସୃଷ୍ଟି ହୋଇଛି ।"

दावा: एक यूट्यूब चैनल पर दावा किया जा रहा है कि केंद्र सरकार द्वारा "एक परिवार एक नौकरी योजना" के तहत हर परिवार के एक सदस्य को सरकारी नौकरी दी जाएगी।#PIBFactCheck: यह दावा #फ़र्ज़ी है। केंद्र सरकार द्वारा ऐसी कोई योजना नहीं चलाई जा रही है। pic.twitter.com/fOpN2pW94i

— PIB Fact Check (@PIBFactCheck) July 10, 2021

ଖବରର ସତ୍ୟତା କ’ଣ?
ଏହି ଖବରର ଯାଞ୍ଚ କରି ପିବି ଫ୍ୟାକ୍ଟ ଚେକ୍ ଟ୍ୱିଟ୍ କରି କହିଛି ଯେ 'ଗୋଟିଏ ପରିବାର ଗୋଟିଏ ଚାକିରୀ'ର କୌଣସି ଯୋଜନା ଦେଶରେ ଚାଲୁ ନାହିଁ । କୌଣସି ସରକାରୀ ୱେବସାଇଟରେ ଆମେ ଏହି ଯୋଜନାର ସବିଶେଷ ତଥ୍ୟ ପାଇଲୁ ନାହିଁ । ଯଦି ସରକାର ଏତେ ବଡ ଯୋଜନା ଘୋଷଣା କରନ୍ତି, ତେବେ ଏହା ଦେଶର ସମସ୍ତ ଗଣମାଧ୍ୟମ ଓ ଖବରକାଗଜରେ ଆଲୋଚନା ନିଶ୍ଚିତ ହେବ । କିନ୍ତୁ ଆମେ କୌଣସି ଖ୍ୟାତିସମ୍ପନ୍ନ ମିଡିଆ ୱେବସାଇଟରେ ଏହି ସମ୍ବନ୍ଧୀୟ ଖବର ପାଇଲୁ ନାହିଁ । 

ଅଧିକ ପଢ଼ନ୍ତୁ: ବୃଦ୍ଧି ପାଉଥିବାକୁ କୋରୋନା ମାମଲା ନେଇ WHO ମୁଖ୍ୟ ବୈଜ୍ଞାନିକ ଦେଲେ ଏହି ଚେତାବନୀ

ସରକାରୀ ଚାକିରି ଦେବାର ଏହି ନକଲି ଦାବି ଗତ କିଛି ମାସ ହେବ ସୋସିଆଲ ମିଡିଆରେ ପ୍ରସାରିତ ହୋଇଥିଲା । ସେଥିପାଇଁ ମାର୍ଚ୍ଚରେ PIB ଫ୍ୟାକ୍ଟ ଚେକ୍ ର ସୂଚନା ବିଭାଗ ମଧ୍ୟ ଏହି ଦାବିକୁ ଖଣ୍ଡନ କରିଛି ।