ଘୁଷୁରୀ ବିକୁଛି Painting, ରୋଜଗାର କଲାଣି ୫୦ ଲକ୍ଷରୁ ଅଧିକ

ନୂଆଦିଲ୍ଲୀ: ଦୁନିଆର ଅନେକ କଳାକାର ସେମାନଙ୍କର ଚମତ୍କାର କଳା ପାଇଁ ପ୍ରସିଦ୍ଧ । କେତେବେଳେ ତାଙ୍କ ପେଣ୍ଟିଂକୁ ନେଇ ସେମାନେ ରେକର୍ଡ କରିଛନ୍ତି ତ କେତେବେଳେ ତାଙ୍କୁ ନେଇ ଅନେକ ଫିଲ୍ମ ମଧ୍ୟ କରାଯାଇଛି । ନିକଟରେ ଜଣେ ୪ ବର୍ଷୀୟ କଳାକାର ତାଙ୍କ କଳା ସହିତ ବିଶ୍ୱରେ ବେଶ ପରିଚିତ ହୋଇଛନ୍ତି । ପିଗ୍କାସୋ (Pigcasso) ନାମକ ଏହି କଳାକାର ପ୍ରକୃତରେ ଏକ ଘୁଷୁରୀ ଏବଂ ବର୍ତ୍ତମାନ ପର୍ଯ୍ୟନ୍ତ ତାଙ୍କ ପେଣ୍ଟିଂରୁ ୫୦ ଲକ୍ଷରୁ ଅଧିକ ଟଙ୍କା ରୋଜଗାର କରିଛନ୍ତି । 

ପିଗାସୋ ଏକ ୪ ବର୍ଷୀୟ ଘୁଷୁରି, ଯାହା ବର୍ତ୍ତମାନ ସାରା ବିଶ୍ୱରେ ବେଶ ଫେମସ ହୋଇଛି । ସେ ତାଙ୍କ ମାଲିକାଣୀ ଜୋନ୍ ଲେଫସନଙ୍କ ସହ ଦକ୍ଷିଣ ଆଫ୍ରିକାରେ ରୁହନ୍ତି । ପିଗ୍କାସୋ (Pigcasso) ଏପର୍ଯ୍ୟନ୍ତ ଶହ ଶହ ଚିତ୍ର ଅଙ୍କନ କରିସାରିଲେଣି । ପୁରା ବିଶ୍ୱ ଏହି କଳାକାର ଘୁଷୁରୀର ଦିୱାନା ହୋଇଯାଇଛନ୍ତି । ପିଗ୍କାସୋ ବ୍ରିଟେନର ପ୍ରିନ୍ସ ହ୍ୟାରିଙ୍କ ଚିତ୍ର ଆଙ୍କିଥିଲେ। ଏହି ସୁନ୍ଦର ପେଣ୍ଟିଂ (BeautifulPainting) କୁ ସ୍ପେନର ଜଣେ ବ୍ୟକ୍ତି ୨ ଲକ୍ଷ ୩୬ ହଜାର ଟଙ୍କାରେ କିଣିଛନ୍ତି । 

Also Read: WhatsApp ରେ ଭୁଲରେ ବି କରନ୍ତୁନି ଏମିତି କାମ, ସରକାର ଆଣୁଛନ୍ତି ନୂଆ ନିୟମ

ଏକ ଖବର ସରବରାହ ସଂସ୍ଥା ସହ ଏକ ବାର୍ତ୍ତାଳାପରେ ଘୁଷୁରୀର ମାଲିକାଣୀ ଲେଫସନ କହିଛନ୍ତି ଯେ, ପିଗ୍କାସୋ ଏହି ପେଣ୍ଟିଂକୁ କିଛି ମିନିଟରେ ଶେଷ କରିଦେଇଥିଲେ। ଏହାପୂର୍ବରୁ ପିଗ୍କାସୋ (Pigcasso) ବ୍ରିଟେନର ରାଣୀ ଏଲିଜାବେଥଙ୍କ ଏକ ଚିତ୍ର ମଧ୍ୟ ତିଆରି କରିଥିଲେ ଯାହାକି ୨ ଲକ୍ଷ ଟଙ୍କାରେ କିଣାଯାଇଥିଲା। ସୋସିଆଲ ମିଡିଆରେ ନିର୍ମିତ ପିଗ୍କାସୋଙ୍କ ଚିତ୍ର ବେଶ ଭାଇରାଲ ହେବାରେ ଲାଗିଛି । ଏକ ଘୁଷୁରୀ ହୋଇ ପିଗ୍କାସୋ ଅଭିଜ୍ଞ କଳାକାରଙ୍କ ପରି ଚିତ୍ର ଆଙ୍କନ୍ତି । ସେ ପାଟିରେ ବ୍ରସ ଧରି କାନଭାସ (Canvas) ରେ ରଙ୍ଗ ଢାଳି ଖୁବ ସୁନ୍ଦର ଚିତ୍ର ଆଙ୍କନ୍ତି । 

Also Read: ଏଣିକି ମୁସଲିମ ବାହାଘରରେ ବାଜିବନି DJ ଓ ବ୍ୟାଣ୍ଡ, ହୋଟେଲ ଉପରେ ବି ଲାଗିଲା କଟକଣା

ପିଗ୍କାସୋ ପେଣ୍ଟିଂ (Pigcasso Painting) ରୁ ଯାହା ରୋଜଗାର ହୁଏ ତାହା ଫାର୍ମରେ ରହୁଥିବା ପଶୁମାନଙ୍କର ଯତ୍ନ ନେବା ପାଇଁ ଖର୍ଚ୍ଚ ହୁଏ । ପିଗ୍କାସୋଙ୍କ ମାଲିକାଣୀଙ୍କ କହିବା କଥା, ପିଗ୍କାସୋଙ୍କ ଚିତ୍ର ବର୍ତ୍ତମାନ ପର୍ଯ୍ୟନ୍ତ ୫୦ ଲକ୍ଷ ୨୩ ହଜାର ଟଙ୍କା ରୋଜଗାର କରିସାରିଲାଣି ।ଘୁଷୁରୀ ମାନଙ୍କୁ ଅତି ପ୍ରତିଭାଶାଳୀ ପ୍ରାଣୀ ଭାବରେ ବିବେଚନା କରାଯାଏ । ପ୍ରକୃତରେ ଆମେରିକାରେ ପ୍ରତିବର୍ଷ ମାର୍ଚ୍ଚ ୧ ରେ ଜାତୀୟ ଘୁଷୁରୀ ଦିବସ (Pig Day) ପାଳନ କରାଯାଏ । ୧୯୭୨ ରେ, ଆମେରିକାରେ ରହୁଥିବା ଦୁଇ ଭଉଣୀ ଏଲେନ୍ ଏବଂ ମେରି ଏହି ଦିନ ଆରମ୍ଭ କରିଥିଲେ ।