ପୋଲିସ ପିଟିବାରୁ ଚାଷୀଙ୍କ ମୃତ୍ୟୁ, ୬ ପୋଲିସକର୍ମୀ ନିଲମ୍ୱିତ

ଭୋପାଳ: ସାରା ଦେଶରେ କୋରୋନୋ ଭାଇରସକୁ ଦୃଷ୍ଟିରେ ରଖି ଲକଡାଉନ ଜାରି ରହିଛି । ଏହି ସମୟରେ ପୋଲିସ ବିଭିନ୍ନ ସ୍ଥାନରେ ଲୋକଙ୍କୁ ପିଟୁଥିବାର ଖବର ଆସୁଛି । ଏମିତି ଏକ ଘଟଣା ମଧ୍ୟ ପ୍ରଦେଶର ଜବଲପୁରରେ ଘଟିଛି । ଜବଲପୁରରେ ଚାରି ଦିନ ପୂର୍ବେ ପୋଲିସ ପିଟିବାରୁ ଜଣେ ଚାଷୀ ଆହତ ହୋଇଥିବାର ଅଭିଯୋଗ ଆସିଥିଲସା । ବର୍ତ୍ତମାନ ସୋମବାର ୫୦ ବର୍ଷୀୟ ଆହତ ଚାଷୀ ବଂଶୀ କୁଶୱାହଙ୍କ ଦେହାନ୍ତ ହୋଇଯାଇଛି । 

ଏହି ମାମଲାରେ ପୋଲିସ ଅଧୀକ୍ଷକ ଜବଲପୁରର ଗୋରା ବଜାର ପୋଲିସ ଷ୍ଟେସନରେ କାର୍ଯ୍ୟରତ ଜଣେ ଏଏସଆଇ, ହେଡ କନଷ୍ଟେବଳ ଓ ୪ କନଷ୍ଟେବଳଙ୍କ ସମେତ ୬ ଜଣ ପୋଲିସ କର୍ମଚାରୀଙ୍କୁ ନିଲମ୍ବନ କରିଯାଇଛି । ଏହାସହ ବିଳମ୍ବିତ ସନ୍ଧ୍ୟାରେ ଜବଲପୁରର ଏସପି ଅମିତ ସିଂଙ୍କୁ ମଧ୍ୟ ଟ୍ରାନ୍ସଫର କରିଦିଆଯାଇଛି ।

 ଏଏସପି-ଜବଲପୁର ସଞ୍ଜୀବ ଉଇକେଙ୍କ ଅନୁଯାୟୀ, "ପ୍ରାଥମିକ ଅନୁସନ୍ଧାନରୁ ଜଣାପଡିଛି ଚାଷୀଙ୍କୁ ଯେ ଏକ ରୋଗର ଚିକିତ୍ସା ପାଇଁ ଏପ୍ରିଲ ୧୯ରେ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେ ସ୍ଥାନୀୟ ପୋଲିସ କିମ୍ବା ଉଚ୍ଚ କର୍ତ୍ତୃପକ୍ଷଙ୍କ ନିକଟରେ କୌଣସି ଅଭିଯୋଗ କରିନାହାଁନ୍ତି । ତାଙ୍କର ପୋଷ୍ଟମର୍ଟମ ରିପୋର୍ଟକୁ ଅପେକ୍ଷା କରାଯାଇଛି । ଯଦି ପୋଲିସ ମାଡ ମାରିବା କାରଣରୁ ଚାଷୀଙ୍କ ମୃତ୍ୟୁ ହୋଇଥାଏ ତେବେ ସେମାନଙ୍କ ବିରୋଧରେ ଅପରାଧିକ ମାମଲା ଦାୟର କରାଯିବ।

Add Zee News as a Preferred Source

ଏହି ଘଟଣା ଏପ୍ରିଲ ୧୬ ସନ୍ଧ୍ୟାରେ ଘଟିଥିଲା ​​ଯେତେବେଳେ ଚାଷୀ ବଂଶୀ କୁଶୱାହା ନିଜ କ୍ଷେତକୁ ପାଣି ଦେଇ ଘରକୁ ଫେରୁଥିଲେ । କୁଶୱାଙ୍କ ମୃତ୍ୟୁ ପୂର୍ବରୁ ପ୍ରସ୍ତୁତ ହୋଇଥିବା ଭିଡିଓରେ ସେ ଅଭିଯୋଗ କରିଛନ୍ତି ଯେ ଗୋରା ବଜାର ପୋଲିସ ଷ୍ଟେସନରେ ୬ ଜଣ ପୋଲିସ ତାଙ୍କୁ କ୍ଷେତରୁ ଫେରୁଥିବା ବେଳେ ସେହି ଅଞ୍ଚଳରେ ଜୁଆ ଖେଳ ବିଷୟରେ ପଚାରି ବୁଝୁଥିଲେ । "ଯେତେବେଳେ ମୁଁ ଜୁଆ ଖେଳ ବିଷୟରେ ନ ଜାଣିବା କଥା କହିଥିଲି, ସେମାନେ (ପୋଲିସ୍) ମୋତେ ଜୋରରେ ପିଟିବା ଆରମ୍ଭ କରିଥିଲେ । ସେମାନେ ମୋତେ ବାଡ଼ିରେ ପିଟିଥିଲେ ଯାହା ପରେ ମୁଁ ଅଚେତ ହୋଇ ପଡିଥିଲି । ପଡ଼ୋଶୀମାନେ ମୋତେ ଘରକୁ ଆଣିଥିଲେ ।"

ରବିବାର ଦିନ ଚାଷୀଙ୍କ ଅବସ୍ଥା ଖରାପ ହେବା ପରେ ତାଙ୍କୁ ଡାକ୍ତରଖାନା ନିଆଯାଇଥିଲା ଏବଂ ସେଠାରେ ସୋମବାର ସକାଳେ ଚିକିତ୍ସା ସମୟରେ ତାଙ୍କର ମୃତ୍ୟୁ ଘଟିଥିଲା ।