ଭାରତୀୟ ସେନା ଓ କାଶ୍ମୀରକୁ ନେଇ ବିବାଦୀୟ ଟ୍ୱିଟ, ଜେଏନୟୁ ଛାତ୍ରଙ୍କ ବିରୋଧରେ FIR

ନୂଆଦିଲ୍ଲୀ: ଜେଏନୟୁ(JNU)ର Research scholar ସାଜିଦ ବିନ ସଇଦ ବିରୋଧରେ ଏତଲା । ଦିଲ୍ଲୀ କାପସହେଡ଼ା ପୋଲିସ ଷ୍ଟେସନରେ ଏହି ଏତଲା ଦିଆଯାଇଛି । ସାଜିଦ କ୍ୟାମ୍ପସ ଫ୍ରଣ୍ଟ ଅଫ ଇଣ୍ଡିଆର ସଭାପତି । 

ସାଜିଦ ଭାରତୀୟ ସେନା ବିରୋଧରେ ଓ କାଶ୍ମୀରକୁ ନେଇ ଏକ ବିବାଦୀୟ ଟ୍ୱିଟ କରିଥିଲା । ଆଉ ଏହାପରେ ତା ବିରୋଧରେ IPCର ଧାରା 153A ଓ 504 ଅନୁଯାୟୀ ଏଫଆଇର ରୁଜୁ କରାଯାଇଛି । 

ଆଇପିସିର ଧାରା ୧୫୩ କ'ଣ ?

ଯଦି କୌଣସି ବ୍ୟକ୍ତି ଉତ୍ତେଜନା ସୃଷ୍ଟି କଲାପରି କଥାବର୍ତ୍ତା କରି ଅନ୍ୟମାନଙ୍କୁ ଦ୍ୱେଷଭାବ ସହ ନିଶାନା କରିଥାଏ ଏବଂ ଏପରି କଥାବାର୍ତ୍ତା ବା ଭାଷଣ ଦ୍ୱାରା କ୍ଷତି ହେବାର ଆଶଙ୍କା ଥାଏ, ତେବେ ଆଇପିସିର ଧାରା ୧୫୩ ଅନୁଯାୟୀ ମାମଲା ରୁଜୁ କରାଯାଇପାରିବ । ସରଳ ଭାବେ ବୁଝିବାକୁ ହେଲେ, ଉତ୍ତେଜନାପୂର୍ଣ୍ଣ କଥା କିମ୍ବା ଭାଷଣ ଯାହା ଅନ୍ୟକୁ କ୍ଷତି ପହଞ୍ଚାଇବାର ଆଶଙ୍କା ଥାଏ, ସେହି କ୍ଷେତ୍ରରେ ଏହି ଧାରା ଅନୁଯାୟୀ ମାମଲା ରୁଜୁ କରାଯାଏ ।