'ବ୍ଲୁଟୁଥ୍ ଚପଲ୍' ସାହାଯ୍ୟରେ କପି କରିବାକୁ ଚେଷ୍ଟାକରି ଗିରଫ ହେଲେ ପାଞ୍ଚ ଜଣ ପରୀକ୍ଷାର୍ଥୀ

ରାଜସ୍ଥାନ ପୋଲିସ ଚପଲରେ ବ୍ଲୁଟୁଥ୍ ଉପକରଣରେ ଲଗାଇ କପି କରିବାକୁ ଚେଷ୍ଟା କରୁଥିବା ତିନିଜଣ ପରୀକ୍ଷାର୍ଥୀଙ୍କ ସମେତ ପାଞ୍ଚ ଜଣଙ୍କୁ ଗିରଫ କରିଛି ।

ଜୟପୁର: ରାଜସ୍ଥାନ ପୋଲିସ ରବିବାର ଦିନ ରାଜସ୍ଥାନ ଶିକ୍ଷକ ଯୋଗ୍ୟତା ପରୀକ୍ଷା (REET) ପୂର୍ବରୁ ଚପଲରେ ବ୍ଲୁଟୁଥ୍ ଉପକରଣରେ ଲଗାଇ କପି କରିବାକୁ ଚେଷ୍ଟା କରୁଥିବା ତିନିଜଣ ପୂର୍ବତନ ପରୀକ୍ଷାର୍ଥୀଙ୍କ ସମେତ ପାଞ୍ଚ ଜଣଙ୍କୁ ଗିରଫ କରିଛି ।

ପୋଲିସ କହିଛି ଯେ ଚପଲରେ ଲୁଚି ରହିଥିବା ବ୍ଲୁଟୁଥ୍ ମାଧ୍ୟମରେ ଅଭିଯୁକ୍ତମାନେ ପରୀକ୍ଷାରେ କପି କରିବାକୁ ଯୋଜନା କରୁଥିଲେ ।

ବିକାନେର ପୋଲିସ୍ ଅଧୀକ୍ଷକ ପ୍ରୀତି ଚନ୍ଦ୍ର କହିଛନ୍ତି ଯେ ଏହି ପରୀକ୍ଷାର୍ଥୀମାନେ ଚପଲରେ ବ୍ଲୁଟୁଥ୍ ଡିଭାଇସ୍ ଲଗାଇ କପି କରିବାକୁ ଚେଷ୍ଟା କରୁଥିଲେ । ଏହି ଘଟଣାରେ ତ୍ରିଲୋକ, ଓମପ୍ରକାଶ, ମଦନ ଗୋପାଳ, ରାମ ଓ କିରଣ ଦେବୀଙ୍କୁ ଗିରଫ କରାଯାଇ ପଚରାଉଚରା କରାଯାଇଛି ।

ମୋବାଇଲ୍ ସିମ୍ କାର୍ଡ, ବ୍ଲୁଟୁଥ୍ ଡିଭାଇସ୍ ଓ ଅନ୍ୟାନ୍ୟ ଉପକରଣ ମଧ୍ୟ ସେମାନଙ୍କ ନିକଟରୁ ଉଦ୍ଧାର କରାଯାଇଛି ବୋଲି ସେ କହିଛନ୍ତି । ପରୀକ୍ଷା ଆରମ୍ଭ ପୂର୍ବରୁ ଗଙ୍ଗାସାହରର ନୂଆ ବସଷ୍ଟାଣ୍ଡ ନିକଟରୁ ସମସ୍ତଙ୍କୁ ଗିରଫ କରାଯାଇଥିଲା ।

ରବିବାର ସାରା ରାଜ୍ୟରେ କଡା ସୁରକ୍ଷା ମଧ୍ୟରେ ରିଟ୍ ପରୀକ୍ଷା ଅନୁଷ୍ଠିତ ହୋଇଥିଲା ।