ଆଜି ଏହି ସବୁ କ୍ଷେତ୍ରରେ ବଡ଼ ଘୋଷଣା କରିପାରନ୍ତି ଅର୍ଥମନ୍ତ୍ରୀ...

ନୂଆଦିଲ୍ଲୀ: ଆର୍ଥିକ ପ୍ୟାକେଜ ଉପରେ ଆଜି ତୃତୀୟ ଥର ପାଇଁ ସାମ୍ବାଦିକ ସାମ୍ମିଳନୀ କରିବେ ଅର୍ଥମନ୍ତ୍ରୀ ନିର୍ମଳା ସୀତାରମଣ । ଅପରାହ୍ନ ୪ଟାରେ ଏହି ସାମ୍ବାଦିକ ସମ୍ମିଳନୀ ଅନୁଷ୍ଠିତ ହେବ । ତେବେ ସୂତ୍ର ଅନୁସାରେ, ଆଜିର ସମ୍ମିଳନୀରେ ବିମାନ ଚଳାଚଳ ଉପରେ ବଡ଼ ଘୋଷଣା କରିପାରନ୍ତି ନିର୍ମଳା । ସେହିପରି ପର୍ଯ୍ୟଟନ ଏବଂ ହୋଟେଲ ଶିଳ୍ପ କ୍ଷେତ୍ରରେ ମଧ୍ୟ ଆର୍ଥିକ ପ୍ୟାକେଜ ଘୋଷଣା କରିବେ ବୋଲି ଜଣାପଡ଼ିଛି । 

ଗତକାଲି ଅର୍ଥମନ୍ତ୍ରୀ ନିର୍ମଳା ସୀତାରମଣ ୨୦ ଲକ୍ଷ କୋଟିର ଆର୍ଥିକ ପ୍ୟାକେଜ ଉପରେ ଦ୍ୱିତୀୟ ଥର ପାଇଁ ସାମ୍ବାଦିକ ସମ୍ମିଳନୀ କରିଥିଲେ । ଏହି ସମୟରେ ବଡ଼ ବଡ଼ ଘୋଷଣା କରିଥିଲେ ନିର୍ମଳା । କୃଷକ, ପ୍ରବାସୀ ଶ୍ରମିକ, ଉଠା ଦୋକାନୀ ଏବଂ ମଧ୍ୟବିତ୍ତଙ୍କ ପାଇଁ ଏହି ଘୋଷଣା କରାଯାଇଥିଲା । 

ପ୍ରବାସୀ ଶ୍ରମିକଙ୍କ ପାଇଁ ୩୫ଶହ କୋଟିର ସହାୟତା ଘୋଷଣା କରିଥିଲେ ଅର୍ଥମନ୍ତ୍ରୀ । ଆସନ୍ତା ୨ ମାସ ପର୍ଯ୍ୟନ୍ତ ସମସ୍ତ ଶ୍ରମିକଙ୍କୁ ୫କିଲୋ ଗହମ କିମ୍ବା ଚାଉଳ ଫ୍ରିରେ ମିଳିବ । ଏଥିରେ ରାଶନ କାର୍ଡ ନଥିବା ଶ୍ରମିକଙ୍କୁ ମଧ୍ୟ ଅନ୍ତର୍ଭୁକ୍ତ କରାଯିବ ବୋଲି ଅର୍ଥମନ୍ତ୍ରୀ କହିଥିଲେ । ସେହିପରି ଉଠା ଦୋକାନୀଙ୍କୁ ୧୦ ହଜାର ଟଙ୍କା ଲେଖାଏଁ ଋଣ ଯୋଗାଇଦେବେ ସରକାର । ଏହାର ଫାଇଦା ଦେଶର ୫୦ ଲକ୍ଷ ଉଠା ଦୋକାନୀଙ୍କୁ ମିଳିବ ବୋଲି କୁହାଯାଇଛି ।