ପୂର୍ବତନ ଭାରତୀୟ କ୍ରିକେଟର ବିନୋଦ କାମ୍ବଲିଙ୍କୁ ଗିରଫ କଲା ମୁମ୍ବାଇ ପୋଲିସ; ଜାଣନ୍ତୁ ପୂରା ମାମଲା

Vinod Kambli arrested: ବାନ୍ଦ୍ରା ପୋଲିସ ଏ ବାବଦରେ ଏକ ରିପୋର୍ଟ ପଞ୍ଜୀକୃତ କରିଛି ଏବଂ ମୁମ୍ବାଇ ପୋଲିସ ଦ୍ୱାରା ଅଧିକ ଯାଞ୍ଚ କରାଯାଉଛି । ତେବେ କାମ୍ବଲିଙ୍କୁ ଜାମିନ ମଞ୍ଜୁର କରାଯାଇଛି ।

ନୂଆଦିଲ୍ଲୀ: ପୂର୍ବତନ ଭାରତୀୟ କ୍ରିକେଟର ବିନୋଦ କାମ୍ବଲିଙ୍କୁ ମୁମ୍ବାଇ ପୋଲିସ ଗିରଫ କରିଥିଲା । ବିନୋଦ କାମ୍ବଲି ଏକ କାରକୁ ଧକ୍କା ଦେଇଥିବାର ଅଭିଯୋଗ ହୋଇଥିଲା ଏବଂ ସେ ମଦ୍ୟପାନରେ ମଧ୍ୟ ଥିଲେ । ଏହି ପ୍ରସଙ୍ଗରେ ଅଧିକ ଯାଞ୍ଚ କରାଯାଉଛି । ବାନ୍ଦ୍ରା ପୋଲିସ ଏ ବାବଦରେ ଏକ ରିପୋର୍ଟ ପଞ୍ଜୀକୃତ କରିଛି ଏବଂ ମୁମ୍ବାଇ ପୋଲିସ ଦ୍ୱାରା ଅଧିକ ଯାଞ୍ଚ କରାଯାଉଛି । ତେବେ କାମ୍ବଲିଙ୍କୁ ଜାମିନ ମଞ୍ଜୁର କରାଯାଇଛି ।

ବେପରୁଆ ଭାବେ ଗାଡି ଚଳାଇ ଧକ୍କା ଦେଇଥିବାରୁ ବିନୋଦ କାମ୍ବଲିଙ୍କୁ ମୁମ୍ବାଇ ପୋଲିସ ରବିବାର ଗିରଫ କରିଥିଲା । ତେବେ କିଛି ସମୟ ପରେ ବାନ୍ଦ୍ରା ପୋଲିସ ତାଙ୍କୁ ଜାମିନରେ ଛାଡି ଦେଇଥିଲା । ବିନୋଦ କାମ୍ବଲି ବାନ୍ଦ୍ରାସ୍ଥିତ ନିଜ କଲୋନୀରେ ବେପରୁଆ ଭାବେ ଗାଡି ଚଳାଇ ଫାଟକକୄଯ ଧକ୍କା ଦେଇଥିବା ଅଭିଯୋଗ ହୋଇଛି । ANI ଅନୁଯାୟୀ, ବାନ୍ଦ୍ରା ପୋଲିସ କହିଛି ଯେ ସେ ମଦ୍ୟପାନ ମଧ୍ୟ କରିଥିଲେ ।

Former Indian cricketer Vinod Kambli was arrested for hitting a car under the influence of alcohol. Further investigation is underway: Bandra Police

(Pic Source: Vinod Kambli's Twitter handle) pic.twitter.com/s1SoxnTH7X
— ANI (@ANI) February 27, 2022

ବିନୋଦ କାମ୍ବଲିଙ୍କୁ ଆଇପିସିର ଧାରା ୨୭୯ (ବେପରୁଆ ଡ୍ରାଇଭିଂ), ୩୩୬ (ଅନ୍ୟମାନଙ୍କ ଜୀବନ ପ୍ରତି ବିପଦ) ଏବଂ ୪୨୭ (ଆଘାତ ଦେବା ପରି କାର୍ଯ୍ୟ) ଅଧୀନରେ ମୁମ୍ବାଇ ପୋଲିସ ଗିରଫ କରିଥିଲା । ଏହି ସମସ୍ତ ଧାରା ଜାମିନ ଯୋଗ୍ୟ ବର୍ଗ ଅଧୀନରେ ଅଛି, ତେଣୁ ତାଙ୍କୁ ଗିରଫ ପରେ ପୋଲିସ ଷ୍ଟେସନରୁ ଜାମିନ ମିଳିଥିଲା ​​।

ବିନୋଦ କାମ୍ବଲି, ଯିଏ ଦେଶ ପାଇଁ ୧୭ ଟି ଟେଷ୍ଟ ଏବଂ ୧୦୪ ଦିନିକିଆ ଅନ୍ତର୍ଜାତୀୟ ମ୍ୟାଚ ଖେଳିଛନ୍ତି, ସେ ହେଉଛନ୍ତି ପୂର୍ବତନ ଭାରତୀୟ କ୍ରିକେଟର ଓ ସଚିନ ତେନ୍ଦୁଲକରଙ୍କର ଜଣେ ଭଲ ବନ୍ଧୁ । ବିନୋଦ କାମ୍ବଲି ୧୯୯୩ ରୁ ୨୦୦୦ ପର୍ଯ୍ୟନ୍ତ ଭାରତୀୟ ଦଳ ପାଇଁ ଆନ୍ତର୍ଜାତୀୟ କ୍ରିକେଟ୍ ଖେଳିଥିଲେ ।