Dattatreya Hosabale: 'ସମାଜବାଦୀ' ଓ 'ଧର୍ମନିରପେକ୍ଷ' କେବଳ 'ଆଦର୍ଶଗତ ଲ୍ୟାଣ୍ଡମାଇନ୍': ଦତ୍ତାତ୍ରେୟ ହୋସାବଲେ

Dattatreya Hosabale: ନୂଆଦିଲ୍ଲୀ: ଜରୁରୀ କାଳୀନ ପରିସ୍ଥିତି ସମୟରେ ଯୋଡା ଯାଇଥିବା 'ସମାଜବାଦୀ' ଏବଂ 'ଧର୍ମନିରପେକ୍ଷ' ଶବ୍ଦଗୁଡ଼ିକ ସମ୍ବିଧାନର ପ୍ରସ୍ତାବରେ ଜାରି ରଖିବା ଉପରେ ସମୀକ୍ଷା ପାଇଁ RSSର ମହାସଚିବ ଦତ୍ତାତ୍ରେୟ ହୋସାବଲେଙ୍କ ଆହ୍ୱାନ କରିଛନ୍ତି।  ଆରଏସଏସ-ସମ୍ବନ୍ଧିତ ସାପ୍ତାହିକ ପତ୍ରିକା 'ଅର୍ଗାନାଇଜର'ରେ ପ୍ରକାଶିତ ଏକ ଆଲେଖ୍ୟରେ କୁହାଯାଇଛି ଯେ ଜରୁରୀକାଳୀନ ପରିସ୍ଥିତି ସମୟରେ ସମ୍ବିଧାନର ପ୍ରସ୍ତାବନାରେ ଯୋଡା ଯାଇଥିବା 'ସମାଜବାଦୀ' ଏବଂ 'ଧର୍ମନିରପେକ୍ଷ' ଶବ୍ଦଗୁଡ଼ିକ "ଧାର୍ମିକ ମୂଲ୍ୟବୋଧ"କୁ ନଷ୍ଟ କରିବା ଏବଂ "ରାଜନୈତିକ ତୁଷ୍ଟିକରଣ" କରିବା ପାଇଁ ଉଦ୍ଦିଷ୍ଟ "ଆଦର୍ଶଗତ ଲ୍ୟାଣ୍ଡମାଇନ୍"। ସେଗୁଡ଼ିକୁ "ପୂର୍ବବତ୍" କରିବା ଏବଂ ମୂଳ ସମ୍ବିଧାନକୁ ପୁନର୍ବାର ହାସଲ କରିବାର ସମୟ ଆସିଛି ବୋଲି ଗୁରୁତ୍ଵାରୋପ କରିଛି। ଯାହାକୁ ନେଇ ପୁଣି ଥରେ ସମ୍ବିଧାନକୁ ନେଇ ରାଜନୀତି ଆରମ୍ଭ ହୋଇଛି।  

ଏହି ଆଲେଖ୍ୟରେ କୁହାଯାଇଛି ଯେ ଏଗୁଡ଼ିକୁ ହଟାଇ ମୂଳ ସମ୍ବିଧାନକୁ ପୁନର୍ବାର ହାସଲ କରିବାର ସମୟ ଆସିଛି। ଆରଏସଏସ ମହାସଚିବ ଦତ୍ତାତ୍ରେୟ ହୋସାବଲେ ଏହି ଦୁଇଟି ଶବ୍ଦ ପ୍ରସ୍ତାବନାରେ ରହିବା ଉଚିତ କି ନାହିଁ ସେ ବିଷୟରେ ଏକ ଜାତୀୟ ବିତର୍କ ପାଇଁ ଆହ୍ୱାନ ଦେବାର କିଛି ଦିନ ପରେ ଏହି ମନ୍ତବ୍ୟ ଆସିଛି।

ସମ୍ବିଧାନରେ କରାଯାଇଛି ପ୍ରତାରଣା
ସେ କହିଛନ୍ତି ଯେ ଏହି ଦୁଇଟି ଶବ୍ଦ କେବେବି ମୂଳ ସମ୍ବିଧାନର ଅଂଶ ନଥିଲା। ଶନିବାର ଦିନ ଅର୍ଗାନାଇଜରର ୱେବସାଇଟରେ ପ୍ରକାଶିତ ଲେଖାରେ ପ୍ରସ୍ତାବନାରେ ଏହି ଦୁଇଟି ଶବ୍ଦର ଅନ୍ତର୍ଭୁକ୍ତିକୁ "ସାମ୍ବିଧାନିକ ପ୍ରତାରଣାର କାର୍ଯ୍ୟ" ବୋଲି କୁହାଯାଇଥିଲା ଏବଂ କୁହାଯାଇଛି ଯେ ଏଗୁଡ଼ିକୁ କେବଳ ପାଠ୍ୟ ସୌନ୍ଦର୍ଯ୍ୟ ପାଇଁ ସଜାଡ଼ି ଦିଆଯାଇନାହିଁ ବରଂ "ଏକ ବିଚାରଧାରା ଲଦିବା" ପାଇଁ ମଧ୍ୟ ରଖାଯାଇଛି ଯାହା ଭାରତର ସଭ୍ୟତାଗତ ପରିଚୟ ଏବଂ ସାମ୍ବିଧାନିକ ଗଣତନ୍ତ୍ରର ମୌଳିକ ଆତ୍ମାର ବିପରୀତ।

"ଏହା ସ୍ପଷ୍ଟ ହେଉ ଯେ କୌଣସି ସମ୍ବିଧାନ ସଭା କେବେ ଏହି ଶବ୍ଦଗୁଡ଼ିକୁ ଅନୁମୋଦନ କରିନାହିଁ। ଜରୁରୀକାଳୀନ ପରିସ୍ଥିତି ସମୟରେ ୪୨ତମ ସଂଶୋଧନ ଗୃହୀତ ହୋଇଥିଲା। ସେହି ସମୟରେ ସଂସଦ ଏକ ଚାପରେ ରହି କାର୍ଯ୍ୟ କରୁଥିଲା। ବିରୋଧୀ ନେତାମାନେ ଜେଲରେ ଥିଲେ ଏବଂ ଗଣମାଧ୍ୟମ ଉପରେ ସେନ୍ସର ଲଗାଯାଇଥିଲା," ଆର୍ଟିକିଲରେ କୁହାଯାଇଛି। ଏହା ଏକ "ସାମ୍ବିଧାନିକ ପ୍ରତାରଣା" କାର୍ଯ୍ୟ ଥିଲା ଯାହା କେହି ଅଚେତ ଥିବା ସମୟରେ ଏକ ଇଚ୍ଛାପତ୍ର ପ୍ରସ୍ତୁତ କରିବା ସହିତ ସମାନ, ଆର୍ଟିକିଲରେ ଆହୁରି କୁହାଯାଇଛି।

ଡକ୍ଟର ନିରଞ୍ଜନ ବି. ପୂଜାରୀ 'ପ୍ରସ୍ତାବନାରେ ସମାଜବାଦୀ ଏବଂ ଧର୍ମନିରପେକ୍ଷତାକୁ ପୁନରାବଲୋକନ ଭାରତର ସାମ୍ବିଧାନିକ ଅଖଣ୍ଡତାକୁ ପୁନଃ ଦାବି' ଶୀର୍ଷକ ପ୍ରବନ୍ଧରେ କହିଛନ୍ତି, "ଭାରତକୁ ସମ୍ବିଧାନ ନିର୍ମାତାମାନଙ୍କ ଦ୍ୱାରା ପରିକଳ୍ପିତ ମୂଳ ପ୍ରସ୍ତାବନାକୁ ଫେରିବାକୁ ପଡିବ। ଆସନ୍ତୁ ଆମେ ଜରୁରୀକାଳୀନ ପରିସ୍ଥିତିର ସାମ୍ବିଧାନିକ ତୃଟିକୁ ସମାପ୍ତ କରିବା ଏବଂ ଭାରତର ଲୋକଙ୍କ ପାଇଁ ପ୍ରସ୍ତାବନାକୁ ପୁନଃ ଦାବି କରିବା।"