କୋରୋନା ସଙ୍କଟ ମଧ୍ୟରେ ଭଲ ଖବର ଦେଲେ ସରକାର

ନୂଆଦିଲ୍ଲୀ: ଦେଶରେ ଜାରି କୋରୋନା ସଙ୍କଟ ମଧ୍ୟରେ ସରକାରଙ୍କ ତରଫରୁ ଏକ ଆଶ୍ୱସ୍ତିକର ଖବର ଦିଆଯାଇଛି । ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ ୭.୫ ଦିନରେ ଦେଶରେ କୋରୋନା ମାମଲା ଦ୍ୱିଗୁଣିତ ହୋଇଛି । ପ୍ରଥମେ ଏହା ୩.୪ ଦିନରେ ଦ୍ୱିଗୁଣିତ ହେଉଥିଲା । ସାମ୍ବାଦିକ ସମ୍ମିଳନୀରେ ସ୍ୱାସ୍ଥ୍ୟ ମନ୍ତ୍ରଣାଳୟର ଯୁଗ୍ମ ସଚିବ ଲଭ୍ ଅଗ୍ରୱାଲ ଏହି ସୂଚନା ଦେଇଛନ୍ତି । ସେ କହିଛନ୍ତି ଯେ ଲକଡାଉନ୍ ପୂର୍ବରୁ ୩.୪ ଦିନରେ କୋରୋନା ଭୂତାଣୁ ମାମଲା ଦ୍ୱିଗୁଣିତ ହେଉଥିଲା, ବର୍ତ୍ତମାନ ଏହା ହେବାକୁ ୭ ଦିନ ଲାଗୁଛି ।

ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ପ୍ରକାଶିତ ସର୍ବଶେଷ ତଥ୍ୟ ଅନୁଯାୟୀ, ଭାରତରେ ସଂକ୍ରମିତ କୋରୋନା ଭାଇରସ ଆକ୍ରାନ୍ତ ସଂଖ୍ୟା  ୧୭ ହଜାର ୬୫୬ ରହିଛି । ଗତ ୨୪ ଘଣ୍ଟା ମଧ୍ୟରେ ୧୫୪୦ଟି ନୂଆ କୋରୋନା ମାମଲା ସାମ୍ନାକୁ ଆସିଛି । ଏହାସହ ୪୦ ଜଣଙ୍କ ମୃତ୍ୟୁ ଘଟିଛି । ଦେଶରେ କୋରୋନା କାରଣରୁ ଏପର୍ଯ୍ୟନ୍ତ ୫୫୯ ଜଣଙ୍କ ମୃତ୍ୟୁ ହୋଇଛି । ଯଦିଓ ୨୮୪୨ କୋରୋନା ଆକ୍ରାନ୍ତ ଏହି ରୋଗକୁ ପରାସ୍ତ କରିବାରେ ସଫଳ ହୋଇଛନ୍ତି ।

ଅନ୍ୟପଟେ ଦେଶରେ କୋରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବା ମାମଲାକୁ ଦୃଷ୍ଟିରେ ରଖି ଲକଡାଉନ୍ ମେ ୩ ପର୍ଯ୍ୟନ୍ତ ବୃଦ୍ଧି କରାଯାଇଥିଲା । ଅବଶ୍ୟ ଏପ୍ରିଲ୍ ୨୦ରୁ ଲକଡାଉନ୍ ସମୟରେ କିଛି ଅଞ୍ଚଳରେ କିଛି ଆଶ୍ୱସ୍ତି ମଧ୍ୟ ଦିଆଯାଇଛି, ଯେଉଁଠାରେ କୋରୋନା ମାମଲା କମ୍ ରହିଛି ବା ଆଦୌ ନାହିଁ ।

Add Zee News as a Preferred Source