କର୍ମଚାରୀଙ୍କ ପାଇଁ ବହୁତ ବଡ଼ ଖୁସି ଖବର! ସରକାର ଆଉ ଏକ ଭତ୍ତାକୁ ଦେଲେ ମଞ୍ଜୁରୀ, ପ୍ରତି ମାସରେ ମିଳିବ ବର୍ଦ୍ଧିତ ଦରମା

ନୂଆଦିଲ୍ଲୀ: 7th Pay Commission: କର୍ମଚାରୀଙ୍କ ପାଇଁ ଏକ ବଡ଼ ଖବର ଅଛି । ଗୁଜୁରାଟ ସରକାରଙ୍କ ଅଧୀନରେ କାର୍ଯ୍ୟ କରୁଥିବା ଡାକ୍ତର ଓ ମେଡିକାଲ କଲେଜ ଶିକ୍ଷକମାନଙ୍କ ପାଇଁ ବହୁତ ବଡ଼ ଖୁସି ଖବର ରହିଛି । ବାସ୍ତବରେ, ସପ୍ତମ ବେତନ ଆୟୋଗ (7th Pay Commission) ର ସୁପାରିଶ ଅନୁଯାୟୀ ସରକାରୀ ଡାକ୍ତରଖାନାରେ କାର୍ଯ୍ୟ କରୁଥିବା ଡାକ୍ତର ତଥା ଗୁଜୁରାଟ ମେଡିକାଲ ଏଜୁକେସନ୍ ଆଣ୍ଡ ରିସର୍ଚ୍ଚ ସୋସାଇଟି (GMERS) ମେଡିକାଲ କଲେଜର ଶିକ୍ଷକମାନଙ୍କ ପାଇଁ ନନ୍-ପ୍ର୍ୟାକ୍ଟିସ ଅଲାଉନ୍ସ (NPA) କୁ ଗୁଜୁରାଟ ସରକାର (Gujarat Government) ମଞ୍ଜୁରୀ ଦେଇଛନ୍ତି ।

କାହାକୁ ମିଳିବ ଏହି ଭତ୍ତା?

ଗୁଜରାଟର ଉପମୁଖ୍ୟମନ୍ତ୍ରୀ ତଥା ସ୍ୱାସ୍ଥ୍ୟମନ୍ତ୍ରୀ ନିତିନ ପଟେଲ (Gujarat Deputy Chief Minister and Health Minister Nitin Patel) ଏହି ନିଷ୍ପତ୍ତି ଡାକ୍ତର ଓ ମେଡିକାଲ କଲେଜ ଶିକ୍ଷକମାନଙ୍କ ପାଇଁ ରାକ୍ଷୀର ଉପହାର ବୋଲି ଘୋଷଣା କରିଛନ୍ତି । ଆପଣଙ୍କୁ କହି ରଖୁଛୁ ଯେ ଶିକ୍ଷକ ଓ ଡାକ୍ତରମାନେ ଦୀର୍ଘ ଦିନ ଧରି ଏହି ଦାବିକୁ ନେଇ ଚାପ ପକାଉଥିଲେ ଏବଂ ଏହାକୁ ନେଇ ଧର୍ମଘଟ ମଧ୍ୟ କରିଥିଲେ । ବର୍ତ୍ତମାନ ଏହି ନିଷ୍ପତ୍ତି ପରେ କର୍ମଚାରୀଙ୍କ ଦରମା ପ୍ରତି ମାସରେ ବୃଦ୍ଧି ପାଇବ ।

ଡାକ୍ତରମାନଙ୍କୁ ଉତ୍ସବର ଉପହାର 

ଏ ସମ୍ପର୍କରେ ନିତିନ ପଟେଲଙ୍କ ଫେସବୁକ ପେଜରେ ପୋଷ୍ଟ କରାଯାଇଛି । ଯେଉଁଥିରେ ଲେଖାଯାଇଛି ଯେ ଉପ-ମୁଖ୍ୟମନ୍ତ୍ରୀ ନୀତିନ ପଟେଲ ସପ୍ତମ ବେତନ ଆୟୋଗ ଅନୁଯାୟୀ ସରକାରୀ ଡାକ୍ତରଖାନାର ଯୋଗ୍ୟ ସେବା କରୁଥିବା ଡାକ୍ତର ତଥା ଜିଏମଆରଏସ ମେଡିକାଲ କଲେଜର ଶିକ୍ଷକମାନଙ୍କୁ ରାକ୍ଷୀର ଉପହାର ଭାବରେ ନନ୍-ପ୍ର୍ୟାକ୍ଟିସ ଅଲାଉନ୍ସ (NPA) କୁ ଅନୁମୋଦନ କରିଛନ୍ତି ।

ଧର୍ମଘଟ ପ୍ରତ୍ୟାହାର ସର୍ତ୍ତରେ ମିଳିଛି ଭତ୍ତା 

ଆପଣଙ୍କୁ କହିରଖୁଛୁ ଯେ ଚଳିତ ବର୍ଷ ମେ ମାସରେ ଗୁଜୁରାଟ ସରକାର ସପ୍ତମ ବେତନ ଆୟୋଗ ଅନୁଯାୟୀ ୬ ସରକାରୀ ମେଡିକାଲ କଲେଜର ଶିକ୍ଷକମାନଙ୍କ ପାଇଁ ସମାନ ଏନପିଏ ଅନୁମୋଦନ କରିଥିଲା । କିଛି ମାସ ପରେ ୮ଟି GMERS ମେଡିକାଲ କଲେଜର ଶିକ୍ଷକମାନଙ୍କ ସହିତ ସେମାନଙ୍କ ଧର୍ମଘଟ ପ୍ରତ୍ୟାହାର ସର୍ତ୍ତରେ ଏହାକୁ ଅନୁମୋଦନ କରାଯାଇଛି ।

ନିଷ୍ପତ୍ତିକୁ ସ୍ୱାଗତ

ଗୁଜୁରାଟ ମେଡିକାଲ ଶିକ୍ଷକ ସଂଘ (GMTA) ସଭାପତି ଡକ୍ଟର ରଜନୀଶ ପଟେଲ ସରକାରଙ୍କ ନିଷ୍ପତ୍ତିକୁ ସ୍ୱାଗତ କରିଛନ୍ତି । ସେ କହିଛନ୍ତି ଯେ ଏହା ଏକ ସ୍ୱାଗତଯୋଗ୍ୟ ପଦକ୍ଷେପ ଯେ ସରକାର ଜିଏମଆରଏସ ମେଡିକାଲ କଲେଜର ଶିକ୍ଷକମାନଙ୍କ ଓ ସେବାରତ ଡାକ୍ଟରଙ୍କ ବିଚାରାଧୀନ ଦାବିକୁ ଗ୍ରହଣ କରିଛନ୍ତି । ଆମେ ଆପଣଙ୍କୁ କହି ରଖୁଛୁ ଯେ ଜିଏମଆରଏସ୍ ମେଡିକାଲ୍ କଲେଜଗୁଡ଼ିକ ରାଜ୍ୟ ସ୍ୱାସ୍ଥ୍ୟ ବିଭାଗର ଗୁଜୁରାଟ ମେଡିକାଲ୍ ଶିକ୍ଷା ଏବଂ ଅନୁସନ୍ଧାନ ସୋସାଇଟି ଅଧୀନରେ ପ୍ରତିଷ୍ଠିତ ଅର୍ଦ୍ଧ-ସରକାରୀ ଅନୁଷ୍ଠାନ ।