କୋରୋନା ଟିକା ମୁଁ ନେବିନି, ନେବିନି, ନେବିନି...

ନୂଆଦିଲ୍ଲୀ: ସାରା ଦେଶରେ ଏବେ ଓମିକ୍ରନ ଆତଙ୍କ ଖେଳାଇବାରେ ଲାଗିଛି। ଯାହାକୁ ନେଇ ଏବେ ପ୍ରତିଟି ରାଜ୍ୟ ଏବେ ସତର୍କତା ଅବଲମ୍ବନ କରୁଛନ୍ତି । ଅନ୍ୟପଟେ ଟେଷ୍ଟିଂ, ଟ୍ରେସିଂ, ଭ୍ୟାକସିନେସନକୁ ଜୋରଦାର କରାଯାଇଛି। ସେହି କ୍ରମରେ ପୁଦୁଚେରୀରେ ଗାଁ ଗାଁ ଗହଳି ଗହଳିରେ ଭ୍ୟାକସିନେସନକୁ ଜୋରଦାର କରାଯାଇଛି। ତେବେ ଏମିତି କିଛି ଦୃଶ୍ୟ ଦେଖିବାକୁ ମିଳିଥିଲା ଯାହାକୁ ଦେଖିଲେ ଆପଣ ବି ଆଶ୍ଚର୍ଯ୍ୟ ହେବେ। 

ଗାଁ ଗାଁରେ ପ୍ରତିଟି ବ୍ୟକ୍ତିଙ୍କୁ ଭ୍ୟାକସିନେସନ (Vaccination) କରିବାକୁ ସ୍ୱାସ୍ଥ୍ୟକର୍ମୀ ମାନେ ଦିନରାତି କାମ କରୁଛନ୍ତି । ହେଲେ ପୁଦୁଚେରୀର ଏକ ଗାଁରେ ସ୍ୱାସ୍ଥ୍ୟକର୍ମୀ କୋଭିଡ ଭ୍ୟାକସିନ ଦେବାକୁ ପହଞ୍ଚିଥିଲେ ହେଲେ କୋଭିଡ ଭ୍ୟାକସିନ ନେବେନି କହି ଗଛରେ ଚଢିଯାଇଥିଲେ ଜଣେ ବ୍ୟକ୍ତି । ଯେତେ ଡାକିଲେ ବି ଉକ୍ତ ୪୦ ବର୍ଷୀୟ ବ୍ୟକ୍ତି ଜଣଙ୍କ ତଳକୁ ଆସିଲେ ନାହିଁ। ସେଠାରେ ବହୁ ସମୟ ଅପେକ୍ଷା କରିବା ପରେ ବି ବ୍ୟକ୍ତି ଜଣଙ୍କ ନା ତଳକୁ ଆସିଲେ ନା ଭ୍ୟାକସିନ ନେଲେ । 

Vaccine hesitancy at its peak!

"I will not take the vaccine, you can't get me",says a 40 year old man after climbing a tree @ Puducherry when the health dept. workers insisted him to take the #COVID19 jab.#vaccination#CovidIndia pic.twitter.com/1a8B5MdZb1

— Sanjeevee sadagopan (@sanjusadagopan) December 28, 2021

Also Read: ଏତେ ଟଙ୍କା ଥାଇ ବି ଗରିବ ଥିଲେ ଅତର ବ୍ୟବସାୟୀ ପୀୟୁଷ ଜୈନ

ସେପଟେ ଦେଶରେ କୋରୋନା (Corona) ମାମଲାରେ ପୁଣି ଥରେ ବୃଦ୍ଧି ଦେଖାଦେଇଛି । ଲଗାତାର ଓମିକ୍ରନର ମାମଲା ଦ୍ରୁତ ଗତିରେ ବଢ଼ିବାରେ ଲାଗିଛି । ଦେଶରେ ବର୍ତ୍ତମାନ ସୁଦ୍ଧା ୭୮୧ ଓମିକ୍ରନ୍ ସଂକ୍ରମିତ ଚିହ୍ନଟ ହୋଇସାରିଛି । ସେପଟେ ବୁଧବାର ସକାଳେ ସ୍ୱାସ୍ଥ୍ୟ ମନ୍ତ୍ରଣାଳୟ ସର୍ବଶେଷ ତଥ୍ୟ ଅନୁଯାୟୀ, ଗତ ୨୪ ଘଣ୍ଟା ମଧ୍ୟରେ ଦେଶରେ ୯ ହଜାର ୧୯୫ ନୂତନ କୋରୋନା ମାମଲା ଚିହ୍ନଟ ହୋଇଛି । ଏହାସହ ଗତ ୨୪ ଘଣ୍ଟା ମଧ୍ୟରେ ଦେଶରେ ୩୦୨ ସଂକ୍ରମିତଙ୍କର ମୃତ୍ୟୁ ମାମଲା ସାମ୍ନାକୁ ଆସିଛି । 

Also Read: ସାବଧାନ ! ପ୍ରତିଦିନ ଖାଉଛନ୍ତି କି ଅଣ୍ଡା ତେବେ ହୋଇପାରେ ଡାଏବେଟିସ

ଦେଶରେ ସବୁଠାରୁ ଅଧିକ କୋରୋନା ମାମଲା କେରଳରୁ ଆସୁଛି । କେରଳ (Kerala) ରେ ମଙ୍ଗଳବାର ୨,୪୭୪ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ଏହା ପରେ ରାଜ୍ୟରେ ମୋଟ ମାମଲା ୫୨ ଲକ୍ଷ ୩୯ ହଜାର ୨୩୨କୁ ବୃଦ୍ଧି ପାଇଛି । ଗତ ୨୪ ଘଣ୍ଟା ମଧ୍ୟରେ ରାଜ୍ୟରେ ନୂଆ ଓ ପୁରୁଣା ରେକର୍ଡ ଅନୁଯାୟୀ ୨୪୪ ସଂକ୍ରମିତ ମହାମାରୀ ହେତୁ ମୃତ୍ୟୁ ବରଣ କରିଛନ୍ତି । ଯାହା ପରେ ରାଜ୍ୟରେ ବର୍ତ୍ତମାନ ସୁଦ୍ଧା ୪୭,୦୬୬ ଜଣ ସଂକ୍ରମିତଙ୍କର ମୃତ୍ୟୁ ଘଟିଛି । ଗତ ୨୪ ଘଣ୍ଟା ମଧ୍ୟରେ ରାଜ୍ୟରେ ୨,୩୦୨ ସଂକ୍ରମିତ ସୁସ୍ଥ ହୋଇଛନ୍ତି ।