Waqf Act 2025: ୱାକଫ ଆଇନ ଉପରେ ଶୁଣାଣି ହେଲା ସମାପ୍ତ, ନିଜ ରାୟକୁ ସଂରକ୍ଷିତ ରଖିଲେ ସୁପ୍ରିମକୋର୍ଟ

Supreme Court On Waqf Amendment Act: ୱାକଫ ସଂଶୋଧନ ଆଇନକୁ ଚ୍ୟାଲେଞ୍ଜ କରି ଆଗତ ହୋଇଥିବା ଅନେକ ଆବେଦନର ଶୁଣାଣି କରି ମୁଖ୍ୟ ବିଚାରପତି ବି.ଆର. ଗଭାଇ ଏବଂ ବିଚାରପତି ଏଜି ମସିହଙ୍କ ଖଣ୍ଡପୀଠ ନିଜ ରାୟ ସଂରକ୍ଷିତ ରଖିଛନ୍ତି।

Waqf Amendment Act: ୱାକଫ (ସଂଶୋଧନ) ଆଇନ ୨୦୨୫ ର ବୈଧତାକୁ ଚ୍ୟାଲେଞ୍ଜ କରୁଥିବା ଆବେଦନ ଉପରେ ସୁପ୍ରିମକୋର୍ଟରେ ଶୁଣାଣି ଗୁରୁବାର (୨୨ ଏପ୍ରିଲ) ଦିନ ସମାପ୍ତ ହୋଇଛି। କୋର୍ଟ ନିଜ ରାୟକୁ ସଂରକ୍ଷିତ ରଖିଛନ୍ତି। ତିନି ଦିନିଆ ବିତର୍କରେ ଆବେଦନକାରୀମାନେ କହିଥିଲେ ଯେ ଏହି ଆଇନ ମୁସଲମାନମାନଙ୍କ ଅଧିକାର ବିରୋଧୀ ଏବଂ ମଧ୍ୟବର୍ତ୍ତୀକାଳୀନ ସ୍ଥଗିତାଦେଶ ଦାବି କରିଥିଲେ। ଯେତେବେଳେ କି କେନ୍ଦ୍ର ସରକାର ଏହାର ଦୃଢ଼ ବିରୋଧ କରିଥିଲେ ଏବଂ କହିଥିଲେ ଯେ ଏହି ଆଇନ୍ ସଠିକ୍।

ବୁଧବାର ଦିନ (୨୧ ମଇ ୨୦୨୫) ଦିନ ସରକାର ଯୁକ୍ତି ଦେଇଥିଲେ ଯେ ୱାକଫ ଏକ ଇସଲାମିକ୍ ଧାରଣା, କିନ୍ତୁ ଏହା ଧର୍ମର ଏକ ଅତ୍ୟାବଶ୍ୟକୀୟ ଅଂଶ ନୁହେଁ ଏବଂ ତେଣୁ ଏହା ଏକ ମୌଳିକ ଅଧିକାର ନୁହେଁ। ଏହା ଉପରେ କପିଲ ସିବଲ କହିଥିଲେ ଯେ ୱାକଫ ହେଉଛି ପରଲୋକ ପାଇଁ ଆଲ୍ଲାହଙ୍କ ପ୍ରତି ସମର୍ପଣ...। ଅନ୍ୟ ଧର୍ମ ପରି ନୁହେଁ, ୱାକଫ ହେଉଛି ଈଶ୍ୱରଙ୍କୁ ଏକ ଦାନ।

ସୁପ୍ରିମକୋର୍ଟ କ’ଣ କହିଛନ୍ତି ଜାଣନ୍ତି?
ଯଦିଓ ଏହା ଉପରେ କୋର୍ଟ କହିଛନ୍ତି ଯେ ଧାର୍ମିକ ଦାନ କେବଳ ଇସଲାମ ପର୍ଯ୍ୟନ୍ତ ସୀମିତ ନୁହେଁ। ପ୍ରଧାନ ବିଚାରପତି ବି.ଆର. ଗଭାଇ କହିଛନ୍ତି ଯେ ହିନ୍ଦୁ ଧର୍ମରେ ମଧ୍ୟ ମୋକ୍ଷ ଅଛି। ଦାନ ଅନ୍ୟ ଧର୍ମର ମଧ୍ୟ ଏକ ମୌଳିକ ଧାରଣା। ସେହିପରି ଖଣ୍ଡପୀଠର ଅନ୍ୟ ବିଚାରପତି ଜଷ୍ଟିସ ଅଗଷ୍ଟିନ ଜର୍ଜ ମସିହ ଖ୍ରୀଷ୍ଟିଆନିଟିରେ ସମାନ ବ୍ୟବସ୍ଥାକୁ ଉଲ୍ଲେଖ କରି କହିଥିଲେ, "ଆମେ ସମସ୍ତେ ସ୍ୱର୍ଗକୁ ଯିବାକୁ ଚେଷ୍ଟା କରୁଛୁ।"

Add Zee News as a Preferred Source

ଆବେଦନକାରୀଙ୍କ ଯୁକ୍ତି ଶୁଣିବାର ତୃତୀୟ ଦିନରେ ମୁଖ୍ୟ ବିଚାରପତି ବି.ଆର. ଗାଭାଇଙ୍କ ନେତୃତ୍ୱାଧୀନ ଖଣ୍ଡପୀଠ ଆଇନ ଉପରେ ମଧ୍ୟବର୍ତ୍ତୀକାଳୀନ ସ୍ଥଗିତାଦେଶ ପାଇଁ ଆବେଦନ ଉପରେ ତାଙ୍କର ଆଦେଶ ସଂରକ୍ଷିତ ରଖିଛନ୍ତି।

ସରକାର କ’ଣ କହିଛନ୍ତି?
ସଲିସିଟର ଜେନେରାଲ ତୁଷାର ମେହତା ମଧ୍ୟବର୍ତ୍ତୀକାଳୀନ ଆଦେଶକୁ ବିରୋଧ କରି ଯୁକ୍ତି ଦେଇଥିଲେ ଯେ ଯଦି ଚୂଡ଼ାନ୍ତ ଶୁଣାଣି ପରେ କୋର୍ଟ ଅନୁଭବ କରନ୍ତି ଯେ ଆଇନଟି ଅସାମ୍ବିଧାନିକ, ତେବେ କୋର୍ଟ ଏହାକୁ ବାତିଲ କରିପାରିବେ କିନ୍ତୁ ଯଦି କୋର୍ଟ ମଧ୍ୟବର୍ତ୍ତୀକାଳୀନ ଆଦେଶ ଦ୍ୱାରା ଆଇନକୁ ସ୍ଥଗିତ ରଖେ ଏବଂ ଏହି ସମୟ ମଧ୍ୟରେ କୌଣସି ସମ୍ପତ୍ତି ୱାକଫକୁ ଯାଏ ତେବେ ଏହାକୁ ଫେରି ପାଇବା କଷ୍ଟକର ହେବ। କାରଣ ୱାକଫ ଆଲ୍ଲାଙ୍କର ଏବଂ ଥରେ ଏହା ୱାକଫ ହୋଇଗଲେ ଏହାକୁ ଫେରି ପାଇବା ସହଜ ହେବ ନାହିଁ।

ସଲିସିଟର ଜେନେରାଲ ମେହେଟା କହିଛନ୍ତି, ୱାକଫ ସୃଷ୍ଟି କରିବା ଏବଂ ୱାକଫକୁ ଦାନ କରିବା ଦୁଇଟି ଭିନ୍ନ କଥା। ଏହି କାରଣରୁ ମୁସଲମାନମାନଙ୍କ ପାଇଁ ପାଞ୍ଚ ବର୍ଷର ଅଭ୍ୟାସ ଅବଧିକୁ ବାଧ୍ୟତାମୂଳକ କରାଯାଇଛି। ଯାହା ଦ୍ୱାରା ୱାକଫକୁ କାହାକୁ ଠକିବା ପାଇଁ ବ୍ୟବହାର କରାଯାଇ ପାରିବ ନାହିଁ।