ଦିଲ୍ଲୀରେ ପ୍ରଥମ ଥର ଦେଖିବାକୁ ମିଳିଲା ବର୍ଷାର ଏପରି ତାଣ୍ଡବ, ଦେଖନ୍ତୁ କେମିତି ଭୁଷୁଡ଼ି ପଡ଼ିଲା ଘର

ନୂଆଦିଲ୍ଲୀ: ଦିଲ୍ଲୀ-ଏନସିଆରର ଅନେକ ଅଞ୍ଚଳରେ ବର୍ଷା ଲାଗି ରହିଛି । ଏଭଳି ପରିସ୍ଥିତିରେ ରବିବାର ସକାଳ ଦିଲ୍ଲୀ- ଏନସିଆରର ଅନେକ ଅଞ୍ଚଳରେ ଜଳ ଭରି ଯାଇଛି । ଏହି ବର୍ଷା କାରଣରୁ ଆଇଟିଓ ନିକଟସ୍ଥ ଆନ୍ନା ନଗରରେ ଏକ ଘର ଭୁଶୁଡି ପଡିଛି । ପ୍ରବଳ ବର୍ଷା ହେତୁ ଏହି ଘର ଭୁଶୁଡି ପଡିଛି ଏବଂ ପରେ ନାଳ ପାଣି ସହ ଭାସି ଯାଇଥିଲା ।

#WATCH Delhi: A house collapsed in the slum area of Anna Nagar near ITO today following heavy rainfall. No one was present in the house at the time of the incident. Centralised Accident and Trauma Services (CATS) and fire engines are present at the spot. pic.twitter.com/IwS5X08nps

— ANI (@ANI) July 19, 2020

ନ୍ୟୁଜି ଏଜେନ୍ସି ଏଏନଆଇ ଟ୍ୱିଟ୍ କରି ଏହି ଘଟଣାର ଭିଡିଓ ସେୟାର କରିଛି । ଆଜି ଆଇଟିଓ ନିକଟରେ ଅବସ୍ଥିତ ଆନ୍ନା ନଗରରେ ପ୍ରବଳ ବର୍ଷା ହେତୁ ଏକ ଘର ଭୁଷୁଡ଼ି ପଡ଼ିବା ସହ ପାଣିରେ ଭାସି ଯାଇଥିବା ଟ୍ୱିଟରେ କୁହାଯାଇଛି । ତେବେ ଘଟଣା ସମୟରେ ଘରେ କେହି ଉପସ୍ଥିତ ନଥିଲେ । ଏହି କାରଣରୁ ଜୀବନ କିମ୍ବା ସମ୍ପତ୍ତି ନଷ୍ଟ ହୋଇନାହିଁ ।

ଏଠାରେ କହି ରଖୁଛୁ ଯେ, ଦିଲ୍ଲୀରେ ଆଜି ସକାଳରୁ ବର୍ଷା ଜାରି ରହିଛି । ଏହି ସମୟ ମଧ୍ୟରେ ଆଇଟିଓ, ମାଣ୍ଟୋ ବ୍ରିଜ୍ ଇତ୍ୟାଦି ସ୍ଥାନରେ ଜଳ ଭରି ଯାଇଛି । ଏଥି ସହିତ ଆସନ୍ତା ୩ ଦିନ ଧରି ଦିଲ୍ଲୀରେ ପ୍ରବଳ ବର୍ଷା ହେବାର ସମ୍ଭାବନା ରହିଛି ବୋଲି ପାଣିପାଗ ବିଭାଗ ଚେତାବନୀ ଦେଇଛି ।