କୋରୋନାରୁ ମିଳିବ ରକ୍ଷା, ଇଜ୍ରାଏଲ ବୈଜ୍ଞାନିକ ଦେଲେ ଏପରି ବାର୍ତ୍ତା...

ନୂଆଦିଲ୍ଲୀ: କୋରୋନା ମହାମାରୀରୁ ରକ୍ଷା ପାଇଁ ପାଇଁ ସମଗ୍ର ବିଶ୍ୱର ଡାକ୍ତରମାନେ ଔଷଧ ବାହାର କରିବା ପାଇଁ ପ୍ରୟାସ ଜାରି ରଖିଛନ୍ତି। ଏପରିକି କିଛି ରାଷ୍ଟ୍ର ବିଭିନ୍ନ ସ୍ତରରେ ମଧ୍ୟ ପହଞ୍ଚି ସାରିଲେଣି। କେହି କେହି ମଣିଷ ମାନଙ୍କ ଉପରେ ମଧ୍ୟ ଔଷଧ ପାଇଁ ପରୀକ୍ଷାନିରୀକ୍ଷା କରିସାରିଲେଣି। ଏହି ସମୟରେ, ଇଜ୍ରାଏଲର ବୈଜ୍ଞାନିକମାନେ ଦାବି କରିଛନ୍ତି ଯେ କୋରୋନା ଭୁତାଣୁ ଏକ ସାଧାରଣ ଔଷଧ ସେବନ କରାଇ ଥଣ୍ଡା ଓ କାଶରେ ପରିବର୍ତ୍ତିତ କରାଯାଇପାରେ। ସବୁଠାରୁ ଭଲ କଥା ହେଉଛି ଏହି ଔଷଧର ମୂଲ୍ୟ ଅତ୍ୟନ୍ତ କମ୍ । ଏହି ଔଷଧ ଆମ ନିକଟସ୍ଥ ଔଷଧ ଦୋକାନରେ ମଧ୍ୟ ସହଜରେ ଉପଲବ୍ଧ ହୋଇଥାଏ ।

ହିବ୍ରୁ ବିଶ୍ୱବିଦ୍ୟାଳୟର ଜଣେ ଗବେଷକ ଦାବି କରିଛନ୍ତି ଯେ ଫେନୋଫିବ୍ରେଟ୍, ବହୁଳ ଭାବରେ ବ୍ୟବହୃତ ଆଣ୍ଟି-କୋଲେଷ୍ଟ୍ରଲ୍ ଔଷଧ, କୋରୋନା ସଂକ୍ରମଣକୁ ସାଧାରଣ ଥଣ୍ଡାରେ ପରିଣତ କରିପାରେ। ସଂକ୍ରମିତଙ୍କ କୋଷରେ ଔଷଧ ବ୍ୟବହାର ପରେ ଏହି ଦାବି କରାଯାଇଥିଲା। ନ୍ୟୁୟର୍କର ମାଉଣ୍ଟ ସାଇନା ମେଡିକାଲରେ ବେଞ୍ଜାମିନ୍ ଟେନୋଭରଙ୍କ ସହ ମିଳିତ ଅନୁସନ୍ଧାନରେ ବିଶ୍ୱବିଦ୍ୟାଳୟର ଗ୍ରାସ ସେଣ୍ଟରର ବାୟୋ ଇଞ୍ଜିନିୟରିଂର ନିର୍ଦ୍ଦେଶକ ପ୍ରଫେସର ୟାକୋଭ୍ ନାହମିଆସ୍ ଏକ ଗବେଷଣାରୁ ଜାଣିବାକୁ ପାଇଛନ୍ତି ଯେ, ନୋଭେଲ୍ କୋରୋନା ଭାଇରସ ବିପଜ୍ଜନକ କାରଣ ଏହା ଫୁସଫୁସରେ ଚର୍ବି ଜମାଟ କରିଦେଇଥାଏ। ଯାହା ନିଶ୍ୱାସପ୍ରଶ୍ୱାସ ନେବାରେ ଅସୁବିଧା ସୃଷ୍ଟି ହୋଇଥାଏ। ତେବେ ଏହାକୁ ଦୁର କରିବା ପାଇଁ ଫେନୋଫାଇବ୍ରେଟ ଔଷଧ ବେଶ ସହାୟକ ହୋଇଥାଏ। 

ବିଶ୍ୱବିଦ୍ୟାଳୟ ଦ୍ୱାରା ଜାରି ବିବୃତ୍ତିରେ କୁହାଯାଇଛି ଯେ ଯଦି କ୍ଲିନିକାଲ୍ ଅନୁସନ୍ଧାନରେ ମଧ୍ୟ ଆମେ ଯେଉଁ ସିଦ୍ଧାନ୍ତରେ ପହଞ୍ଚିଛୁ ତାହା ନିଶ୍ଚିତ ହୁଏ, ତେବେ ଏହି ଚିକିତ୍ସା କୋଭିଡ-୧୯ ସଂକ୍ରମଣର ବିପଦକୁ ହ୍ରାସ କରିବ ଏବଂ ଏହା ସାଧାରଣ ଥଣ୍ଡାରେ ପରିବର୍ତ୍ତିତ ହେବ। ଉଭୟ ଗବେଷକମାନେ SARS-COV-2 ରୋଗୀମାନଙ୍କର ଫୁସଫୁସକୁ କିପରି ପରିବର୍ତ୍ତନ କରେ ତାହା ଗବେଷଣା ପରେ ଜାଣିବାକୁ ପାଇଥିଲେ । ସେମାନେ ଜାଣିବାକୁ ପାଇଲେ ଯେ ଜୀବାଣୁ କାର୍ବୋହାଇଡ୍ରେଟ୍ ବାଷ୍ପ ହେବାରେ ରୋକିଥାଏ, ଫଳସ୍ୱରୂପ ଫୁସଫୁସ କୋଷରେ ଚର୍ବି ଜମା ହୋଇଯାଏ ଏବଂ ଏହି ଅବସ୍ଥା ଜୀବାଣୁ ବୃଦ୍ଧି ପାଇଁ ଅନୁକୂଳ ହୋଇଥାଏ।