ମୁମ୍ୱାଇର ନନ୍ କଣ୍ଟେନମେଣ୍ଟ ଜୋନରେ ହେବ 'ମଦ'ର ହୋମ୍ ଡେଲିଭରୀ

ଉଲ୍ଲେଖନୀୟ କଥା ହେଉଛି, କୋରୋନା ଭାଇରସ ଯୋଗୁଁ ଜାରି ଲକଡାଉନ୍ ମଧ୍ୟରେ ଦେଶରେ ମଦ ଦୋକାନ ଖୋଲିବାକୁ ନିଷ୍ପତ୍ତି ନିଆଯାଇଥିଲା । ସେତେବେଳେ ଦୋକାନଗୁଡ଼ିକରେ ସାମାଜିକ ଦୂରତା ନିୟମ ବ୍ୟାପକ ଭାବେ ଉଲଂଘନ କରାଯାଇଥିଲା । ଅନେକ ସ୍ଥାନରେ ମଦ ଦୋକାନରେ ବହୁ ସଂଖ୍ୟାରେ ଲୋକ ଏକତ୍ରିତ ହୋଇଥିଲେ ।

ମୁମ୍ୱାଇର ନନ୍ କଣ୍ଟେନମେଣ୍ଟ ଜୋନରେ ହେବ 'ମଦ'ର ହୋମ୍ ଡେଲିଭରୀ

ମୁମ୍ବାଇ: କୋରୋନା ଭୂତାଣୁର ମୁକାବିଲା ପାଇଁ ସାରା ଦେଶରେ ଲକଡାଉନ୍ ଜାରି ରହିଛି । ଏହି ଲକଡାଉନର ଚତୁର୍ଥ ପର୍ଯ୍ୟାୟ ଦେଶରେ ଚାଲିଛି । ଏହି ସମୟରେ ସରକାର ଲକଡାଉନ୍ ନିୟମରେ କିଛି କୋହଳ କରିଛନ୍ତି । ଏହା ଅନ୍ତର୍ଗତ ବିଭିନ୍ନ ରାଜ୍ୟକୁ ମଦ ବିକ୍ରି ପାଇଁ ଅନୁମତି ମିଳିଛି । ଏହି କ୍ରମରେ ବୃହନ୍ନମୁମ୍ବାଇ ମହାନଗରପାଳିକା ନିଗମ(BMC) ଶୁକ୍ରବାର ମୁମ୍ୱାଇର ନନ୍ କଣ୍ଟେନମେଣ୍ଟ ଜୋନରେ ମଦ ବିତରଣକୁ ଅନୁମତି ଦେଇଛି । କିନ୍ତୁ କାଉଣ୍ଟରରେ ମଦ ବିକ୍ରି ହେବ ନାହିଁ । ବିଏମସି ଆଦେଶରେ କୁହାଯାଇଛି ଯେ, ଇ-କମର୍ସ ପ୍ଲାଟଫର୍ମର ବ୍ୟବହାର ମଦ ଦୋକାନ ତରଫରୁ ହୋମ ଡେଲିଭରୀ ପାଇଁ ଯାଇପାରେ । ଏହା ପୂର୍ବରୁ ସହରରେ ମଦ ବିକ୍ରି ସମ୍ପୂର୍ଣ୍ଣ ନିଷେଧ ଥିଲା । ବିସିଏମ କେବଳ ପରମିଟ ଧାରକଙ୍କୁ ମଦ ବିକ୍ରି ପାଇଁ ଅନୁମତି ଦେଇଛି । ବିଏମସି କମିଶନରଙ୍କ ଦ୍ୱାରା ଏହି ସଂଶୋଧନ କରାଯାଇଛି । ଭିଡ଼ ଜମା ହେବାରୁ ସହରରେ ମଦ ଦୋକାନ ବନ୍ଦ କରିଦିଆଯାଇଥିଲା ।

ଉଲ୍ଲେଖନୀୟ କଥା ହେଉଛି, କୋରୋନା ଭାଇରସ ଯୋଗୁଁ ଜାରି ଲକଡାଉନ୍ ମଧ୍ୟରେ ଦେଶରେ ମଦ ଦୋକାନ ଖୋଲିବାକୁ ନିଷ୍ପତ୍ତି ନିଆଯାଇଥିଲା । ସେତେବେଳେ ଦୋକାନଗୁଡ଼ିକରେ ସାମାଜିକ ଦୂରତା ନିୟମ ବ୍ୟାପକ ଭାବେ ଉଲଂଘନ କରାଯାଇଥିଲା । ଅନେକ ସ୍ଥାନରେ ମଦ ଦୋକାନରେ ବହୁ ସଂଖ୍ୟାରେ ଲୋକ ଏକତ୍ରିତ ହୋଇଥିଲେ ।

ଅନ୍ୟପକ୍ଷେ ଦେଶରେ କୋରୋନା ପଜିଟିଭ ସଂଖ୍ୟା ୧ ଲକ୍ଷ ୧୮ ହଜାର ଅତିକ୍ରମ କରିଛି । ମୁମ୍ବାଇରେ କୋରୋନା କାରଣରୁ ମହାରାଷ୍ଟ୍ର ଏବଂ ମହାନଗର ସର୍ବାଧିକ ପ୍ରଭାବିତ ହୋଇଛି । ମହାରାଷ୍ଟ୍ରରେ କୋରୋନା ସଂକ୍ରମିତଙ୍କ ସଂଖ୍ୟା ୪୧ ହଜାର ଅତିକ୍ରମ କରିଛି । ରାଜ୍ୟରେ ଏପର୍ଯ୍ୟନ୍ତ ୧୪୦୦ରୁ ଅଧିକ ଲୋକଙ୍କର ମୃତ୍ୟୁ ଘଟିଛି । ରାଜ୍ୟରେ ଚିକିତ୍ସା ପରେ ୨୮,୪୬୨ କୋରୋନା ସଂକ୍ରମିତ ଆରୋଗ୍ୟ ହୋଇଛନ୍ତି । ଫଳରେ ରାଜ୍ୟରେ ସକ୍ରିୟ ମାମଲା ୨୮ ହଜାର ୪୬୨ ରହିଛି ।