ଭାରତ-ଚୀନ ସମ୍ପର୍କକୁ ନେଇ ଏପରି କହିଲା ଆମେରିକା...

ୱାଶିଂଟନ୍: ଦୋମୁହାଁ ନୀତି ଦେଖାଇଲା ଆମେରିକା. ନିକଟରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ମୁଖପାତ୍ରଙ୍କ ଅନୁଯାୟୀ ରାଷ୍ଟ୍ରପତି ଟ୍ରମ୍ପ କହିଛନ୍ତି ଯେ ସେ ଭାରତ ଏବଂ ଚୀନର ଲୋକଙ୍କୁ ବହୁତ ଭଲ ପାଆନ୍ତି. ଉଭୟ ରାଷ୍ଟ୍ର ମଧ୍ୟରେ ଶାନ୍ତି ଆଣିବା ପାଇଁ ଯଥା ସମ୍ଭବ ପ୍ରୟାସ କରୁଛନ୍ତି। ଦୀର୍ଘ ଦିନ ଧରି ଭାରତ ଏବଂ ଚୀନ୍ ମଧ୍ୟରେ ସୀମା ବିବାଦ ଚାଲିଆସୁଛି ଏବଂ ଚୀନ୍ ବିରୋଧରେ ଆମେରିକା ଭାରତକୁ ସମର୍ଥନ କରୁଛି। ହ୍ୱାଇଟ ହାଉସର ସଚିବ କେଲି ମ୍ୟାକେନାନି ଗୁରୁବାର ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ ସେ (ଡୋନାଲ୍ଡ ଟ୍ରମ୍ପ) କହିଛନ୍ତି ଯେ ଭାରତ ଓ ଚୀନ୍ ଲୋକଙ୍କୁ ଭଲ ପାଆନ୍ତି ଏବଂ ଉଭୟଙ୍କ ମଧ୍ୟରେ ଶାନ୍ତି ଫେରାଇବାକୁ ପ୍ରୟାସ କରିବାକୁ ଚାହୁଁଛୁ ବୋଲି କେଲି କହିଛନ୍ତି ।

ଲଦାଖରେ ଭାରତ ଓ ଚୀନ୍‌ ମଧ୍ୟରେ ସୀମା ବିବାଦ ଅଛି କି ନାହିଁ ଏବଂ ଡୋନାଲ୍ଡ ଟ୍ରମ୍ପ ଏହି ପ୍ରସଙ୍ଗରେ ଭାରତକୁ କେଉଁ ବାର୍ତ୍ତା ଦେବାକୁ ଚାହୁଁଛନ୍ତି ବୋଲି ଏକ ପ୍ରଶ୍ନର ଉତ୍ତରରେ କେଲି ମ୍ୟାକ୍ ଏପରି କହିଛନ୍ତି। ଏହାପୂର୍ବରୁ ହ୍ୱାଇଟ ହାଉସର ଅର୍ଥନୈତିକ ପରାମର୍ଶଦାତା ଲ୍ୟାରି କୁଡଲୋ କହିଥିଲେ ଯେ ଭାରତ ହେଉଛି ଆମେରିକାର ବନ୍ଧୁ। ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦୁଇ ଜଣ ଭଲ ବନ୍ଧୁ।

ଉଲ୍ଲେଖନୀୟ କଥା ହେଉଛି, ୨୪୪ତମ ସ୍ୱାଧୀନତା ଦିବସ ପାଇଁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଧନ୍ୟବାଦ ଜଣାଇଛନ୍ତି ଏବଂ କହିଛନ୍ତି ଯେ ଆମେରିକା ଭାରତକୁ ଭଲ ପାଏ। ଆମେରିକାରେ ୪ ଜୁଲାଇରେ ସ୍ୱାଧୀନତା ଦିବସ ପାଳନ କରାଯାଇଛି । ୧୭୭୬ ମସିହାରେ ଏହି ଦିନ ବ୍ରିଟିଶ ସାମ୍ରାଜ୍ୟରୁ ସ୍ୱାଧୀନତା ଲାଭ କରିଥିଲା ଆମେରିକା। ଏହି ଦିନ ଆମେରିକାରେ ସ୍ୱାଧୀନତା ଦିବସ ପାଳନ କରାଯିବା ସହିତ ଏହାକୁ ଜାତୀୟ ଛୁଟି ଭାବେ ପରିଗଣିତ ମଧ୍ୟ କରାଯାଇଥାଏ ।

ଆମେରିକାର ସ୍ୱାଧୀନତା ଦିବସ ଅବସରରେ ପ୍ରଧାନମନ୍ତ୍ରୀ ମୋଦି ଟ୍ୱିଟ କରି ଡୋନାଲ୍ଡ ଟ୍ରମ୍ପ ଏବଂ ଆମେରିକୀୟ ନାଗରିକଙ୍କୁ ଶୁଭେଚ୍ଛା ଜଣାଇଛନ୍ତି ଯେ ଏହି ଦିନ ପାଳନ କରାଯାଉଥିବା ସ୍ୱାଧୀନତା ଏବଂ ମାନବ ଉଦ୍ୟୋଗକୁ ଆମେ ସମ୍ମାନ ଦେଉଛୁ। ଟ୍ରମ୍ପ ବିଜୟ ଭାରତୀୟ-ଆମେରିକୀୟ ଅର୍ଥ କମିଟିର ସହ-ଚେୟାରମ୍ୟାନ୍ ଅଲ ମାସୋନ କହିଛନ୍ତି ଯେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଆମେରିକା ଏବଂ ଭାରତ ମଧ୍ୟରେ ବିଶ୍ୱର ଦୁଇ ବୃହତ ଗଣତାନ୍ତ୍ରିକ ରାଷ୍ଟ୍ର ମଧ୍ୟରେ ଅବିଶ୍ୱାସନୀୟ ପ୍ରେମ ଏବଂ ସମ୍ପର୍କର ସାକ୍ଷୀ ରହିଛି।