ସୁଶାନ୍ତ ସିଂ ରାଜପୁତଙ୍କ ଶବର ଫଟୋ ସେୟାର୍ କଲେ କାର୍ଯ୍ୟାନୁଷ୍ଠାନ, ମହାରାଷ୍ଟ୍ର ପୋଲିସର ଚେତାବନୀ

ଶୁଭଶ୍ରୀ ମହାପାତ୍ର, ଭୁବନେଶ୍ୱର: ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁକୁ ନେଇ ଅନେକ ପ୍ରଶ୍ନ । ଫ୍ୟାନଙ୍କ ଠାରୁ ଆରମ୍ଭ କରି ଫିଲ୍ମ ଜଗତ ଏବେ ସୁଶାନ୍ତଙ୍କୁ ଝୁରୁଛି । ଅଳ୍ପ ବୟସରେ ଫ୍ୟାନଙ୍କୁ ସେ ଗୋଟିଏ ପରେ ଗୋଟିଏ ହିଟ୍ ଫିଲ୍ମ ଭେଟି ଦେଇଛନ୍ତି । କେଉଁ କାରଣରୁ ସେ ସୁଇସାଇଡ କଲେ, ଉତ୍ତର କାହା ପାଖରେ ନାହିଁ । ଆତ୍ମହତ୍ୟା ନା ହତ୍ୟା ? ରହସ୍ୟ ଉପରୁ ପରଦା ଉଠାଇବା ପାଇଁ ପୋଲିସ ଘଟଣାର ତଦନ୍ତ କରୁଛି । 

ଏଭଳି ସ୍ଥଳେ ସାଇବର ପୋଲିସଙ୍କୁ ଚିନ୍ତାରେ ପକାଇଛି ସୁଶାନ୍ତଙ୍କ ଭାଇରାଲ୍ ଶବ ଫୋଟୋ । ସୁଶାନ୍ତ ମୁମ୍ବାଇର ବାନ୍ଦ୍ରାସ୍ଥିତ ନିଜ ଘରେ ଫାଶୀ ଲଗାଇ ରବିବାର ଆତ୍ମହତ୍ୟା କରିଛନ୍ତି ।  ଏବେ କିନ୍ତୁ ସେହି ଫଟୋ ସୋସିଆଲ୍ ମିଡ଼ିଆରେ ଭାଇରାଲ ହେଉଛି । ଫୋଟୋରେ ସୁଶାନ୍ତ କଳା ରଙ୍ଗର ଟି-ସାର୍ଟ ପିନ୍ଧିଛନ୍ତି । ତାଙ୍କ ବେକରେ ରକ୍ତ ଦାଗ ମଧ୍ୟ ରହିଛି । ଏଭଳି ଫୋଟୋ ଦେଖି ମହାରାଷ୍ଟ୍ର ସାଇବର ପୋଲିସ୍ ଉଦବେଗ ପ୍ରକାଶ କରିଛନ୍ତି । ଫୋଟୋ ଅଦାଲତର ନିର୍ଦ୍ଦେଶ ଅବମାନନା କରୁଥିବା ଦର୍ଶାଇଛି ପୋଲିସ୍  । 

Add Zee News as a Preferred Source

ମହାରାଷ୍ଟ୍ର ସାଇବର ପୋଲିସ କହିଛି ଯେ, ବର୍ତ୍ତମାନର ଯୁଗ ହେଉଛି ଡିଜିଟାଲ ମିଡିଆର ଯୁଗ । ତଥ୍ୟ ହେଉକି ଫଟୋ ପୋଷ୍ଟ କରିବା ସମୟରେ ବିଭିନ୍ନ ଦିଗ ପ୍ରତି ଧ୍ୟାନ ଦେବାକୁ ପଡ଼ିଥାଏ । କାରଣ ଏହା ସାଧାରଣ ଜନତାଙ୍କ ମାନସିକ ସ୍ଥିତି ଉପରେ ଗଭୀର ପ୍ରଭାବ ପକାଇଥାଏ । ସମାଜକୁ ଭୁଲ୍ ବାର୍ତ୍ତା ଯାଇଥାଏ । ତେଣୁ ପୋଷ୍ଟ କରିବା ପୂର୍ବରୁ ସତର୍କ ହେବା ଆବଶ୍ୟକ ।  ନିୟମ ନମାନିଲେ ପୋଷ୍ଟ କରୁଥିବା ବ୍ୟକ୍ତିଙ୍କ ଉପରେ ଦୃଢ କାର୍ଯ୍ୟାନୁଷ୍ଠାନ ନେବ ମହାରାଷ୍ଟ୍ର ପୋଲିସ୍ । ତଦନ୍ତ ସମୟରେ ସୁଶାନ୍ତଙ୍କ ବାସ ଭବନରୁ କୌଣସି ସୁଇସାଇଡାଲ୍ ନୋଟ୍ ମିଳିନାହିଁ । କୌଣସି ସନ୍ଦେହଜନକ ସାମଗ୍ରୀ ଏପର୍ଯ୍ୟନ୍ତ ମିଳି ନ ଥିବା ପୋଲିସ କହିଛି ।