ନା କେହି ଆମ ସୀମାରେ ପ୍ରବେଶ କରିଛନ୍ତି, ନା ହିଁ କୌଣସି ପୋଷ୍ଟକୁ ଦଖଲ କରାଯାଇଛି: ପିଏମ ମୋଦି

ନୂଆଦିଲ୍ଲୀ: ଲଦାଖରେ ଭାରତୀୟ ଓ ଚୀନ ସୈନିକଙ୍କ ମଧ୍ୟରେ ହିଂସାତ୍ମକ ସଂଘର୍ଷ ପ୍ରସଙ୍ଗରେ ଆଲୋଚନା ପାଇଁ ପ୍ରଧାନମନ୍ତ୍ରୀ ନେରନ୍ଦ୍ର ମୋଦିଙ୍କ ନେତୃତ୍ୱରେ ଏକ ସର୍ବଦଳୀୟ ବୈଠକରେ ହୋଇଯାଇଛି । ବୈଠକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ଯେ, ସେଠାରେ କେହି ଆମ ସୀମାରେ ପ୍ରବେଶ କରିନାହାଁନ୍ତି, ନା ହିଁ ଆମର କୌଣସି ପୋଷ୍ଟ ଅନ୍ୟର ଅଧିକାରରେ ରହିଛି । ଆମର ୨୦ ସାହସୀ ଯବାନ ଲଦାଖରେ ସହିଦ ହୋଇଛନ୍ତି । କିନ୍ତୁ ଯେଉଁମାନେ ଭାରତ ମାତାଙ୍କ ଆଡକୁ ଆଖି ଉଠାଇ ଦେଖିଥିଲେ, ସେମାନଙ୍କୁ  ଶିକ୍ଷା ଦେଇ ଯାଇଛନ୍ତି ।

ପ୍ରଧାନମନ୍ତ୍ରୀ ମୋଦି ଆହୁରି କହିଛନ୍ତି ଯେ, କୂଟନୀତି ହେଉ ଅବା ଆକ୍ସନ, କାଉଣ୍ଟର ଆକ୍ସନ ହେଉ ଅବା ଜଳ-ସ୍ଥଳ-ନଭ ଆମର ସେନାକୁ ଦେଶକୁ ସୁରକ୍ଷା କରିବା ପାଇଁ ଯାହା କରିବାର ଅଛି, ତାହା କରୁଛନ୍ତି । ଆଜି ଆମ ପାଖରେ ଏହି ସାମର୍ଥ୍ୟ ଅଛି ଯେ କେହି ବି ଆମ ଏକ ଇଞ୍ଚର ଭୂମି ଆଡକୁ ଆଖିରେ ଉଠାଇ ଦେଖି ପାରିବେ ନାହିଁ । ଆଜି ଭାରତର ସୈନ୍ୟବାହିନୀ ମଧ୍ୟ ବିଭିନ୍ନ କ୍ଷେତ୍ରରେ ଏକତ୍ର ଗତି କରିବାକୁ ସକ୍ଷମ ଅଟନ୍ତି ।

ପ୍ରଧାନମନ୍ତ୍ରୀ କହିଛନ୍ତି ଯେ, ବିଗତ ବର୍ଷଗୁଡିକରେ ଦେଶ ନିଜ ସୀମା ସୁରକ୍ଷିତ ରଖିବା ପାଇଁ ସୀମା ଅଞ୍ଚଳରେ ଭିତ୍ତିଭୂମି ବିକାଶକୁ ପ୍ରାଧାନ୍ୟ ଦେଇଛି । ଆମେ ଆମର ସୈନ୍ୟବାହିନୀର ଅନ୍ୟାନ୍ୟ ଆବଶ୍ୟକତା ଉପରେ ମଧ୍ୟ ଗୁରୁତ୍ୱ ଦେଇଛୁ । ଯେପରିକି ଯୁଦ୍ଧ ବିମାନ, ଆଧୁନିକ ହେଲିକପ୍ଟର, କ୍ଷେପଣାସ୍ତ୍ର ପ୍ରତିରକ୍ଷା ପ୍ରଣାଳୀ ଇତ୍ୟାଦି । ବିଶେଷକରି LAC(ଲାଇନ୍ ଅଫ୍ ଆକ୍ଟୁଆଲ୍ କଣ୍ଟ୍ରୋଲ୍)ରେ ନୂତନ ନିର୍ମାଣ ହୋଇଥିବା ଭିତ୍ତିଭୂମି ଯୋଗୁଁ ଆମର ପାଟ୍ରୋଲିଂ କ୍ଷମତା ମଧ୍ୟ ବୃଦ୍ଧି ପାଇଛି । ପେଟ୍ରୋଲିଂ ବୃଦ୍ଧି ହେତୁ ସଜାଗତା ବୃଦ୍ଧି ପାଇଛି ଏବଂ LACରେ ହେଉଥିବା ଗତିବିଧ ବିଷୟରେ ମଧ୍ୟ ଠିକ୍ ସମୟରେ ସୂଚନା ମିଳିଥାଏ । ଯେଉଁ କ୍ଷେତ୍ରରେ ପୂର୍ବରୁ ନଜରକୁ ଆସୁ ନଥିଲା, ବର୍ତ୍ତମାନ ମଧ୍ୟ ଆମର ଯବାନ ଭଲ ଭାବରେ ମନିଟର କରିପାରୁଛନ୍ତି । ପ୍ରତିକ୍ରିୟା କରି ପାରୁଛନ୍ତି ବୋଲି ପିଏମ ମୋଦି କହିଛନ୍ତି ।