GDP: ବୁଲେଟ୍ ଟ୍ରେନ୍ ଗତିରେ ଚାଲୁଛି ଭାରତର ଇକୋନମୀ! ଚତୁର୍ଥ ତ୍ରୈମାସରେ ୭.୪ ପ୍ରତିଶତ ରହିଛି ଦେଶର GDP

India GDP: ଭାରତର ଅର୍ଥନୀତି ଦ୍ରୁତ ଗତିରେ ବୃଦ୍ଧି ପାଉଛି। ଆଜି ସରକାର GDP ଅଭିବୃଦ୍ଧି ତଥ୍ୟ ପ୍ରକାଶ କରିଛନ୍ତି। ଯାହା ଅର୍ଥନୈତିକ ପ୍ରଗତିକୁ ଦର୍ଶାଉଛି। ଏହି ତଥ୍ୟ ଅନୁଯାୟୀ ଜାନୁଆରୀ-ମାର୍ଚ୍ଚ ତ୍ରୈମାସରେ ଭାରତର GDP ଅଭିବୃଦ୍ଧି ୭.୪ ପ୍ରତିଶତ ରହିଛି।

India GDP Data: ଭାରତରେ ଅର୍ଥନୈତିକ ଅଭିବୃଦ୍ଧି ହାର ବହୁତ ବୃଦ୍ଧି ପାଇଛି। ଜାନୁଆରୀ-ମାର୍ଚ୍ଚ ତ୍ରୈମାସିକରେ ଭାରତର GDP ଅଭିବୃଦ୍ଧି ୭.୪ ପ୍ରତିଶତ ଥିଲା। ଯାହା ଗତ ଚାରି ତ୍ରୈମାସ ମଧ୍ୟରେ ସର୍ବାଧିକ। ଏହି ସମୟରେ ସମଗ୍ର ଆର୍ଥିକ ବର୍ଷ ୨୦୨୫ ମଧ୍ୟରେ ଦେଶର GDP ୬.୫ ପ୍ରତିଶତ ହାରରେ ଅଭିବୃଦ୍ଧି ହୋଇଥିଲା। ୩୦ ମଇରେ ସରକାରଙ୍କ ଦ୍ୱାରା ପ୍ରକାଶିତ ତଥ୍ୟରେ ଏହି ସୂଚନା ଦିଆଯାଇଛି। ଏହା ଦର୍ଶାଉଛି ଯେ ଘରୋଇ ଚାହିଦା, ନିବେଶ ଏବଂ କୃଷି ଉତ୍ପାଦନ ବୃଦ୍ଧି ଯୋଗୁଁ ଦେଶର ଅର୍ଥନୀତି ମଜବୁତ ହେଉଛି।

ଗତ ବର୍ଷ ତୁଳନାରେ ନାମମାତ୍ର GDP ୯.୮ ପ୍ରତିଶତ ବୃଦ୍ଧି ପାଇଛି। ଯାହା ଏବେ ୩୩୦.୬୮ ଲକ୍ଷ କୋଟି ଟଙ୍କାରେ ପହଞ୍ଚିଛି। ଯେତେବେଳେ କି ରିୟଲ GDP ୧୮୭.୯୭ ଲକ୍ଷ କୋଟି ଟଙ୍କାରେ ପହଞ୍ଚିଛି। ୨୦୨୪-୨୫ ଆର୍ଥିକ ବର୍ଷରେ ନିର୍ମାଣ କ୍ଷେତ୍ର ୯.୪ ପ୍ରତିଶତ ଅଭିବୃଦ୍ଧି ପାଇଛି। ଏହା ପରେ ସାଧାରଣ ପ୍ରଶାସନ, ପ୍ରତିରକ୍ଷା ଓ ଅନ୍ୟାନ୍ୟ ସେବାରେ ୮.୯ ପ୍ରତିଶତ ଅଭିବୃଦ୍ଧି ହୋଇଛି। ଏହା ବ୍ୟତୀତ ଆର୍ଥିକ, ରିଅଲ ଇଷ୍ଟେଟ୍ ଏବଂ ବୃତ୍ତିଗତ ସେବାର ଅଭିବୃଦ୍ଧି ୭.୨ ପ୍ରତିଶତ ରହିଛି।

ଭାରତୀୟ ରିଜର୍ଭ ବ୍ୟାଙ୍କ ମଧ୍ୟ ପୂର୍ଣ୍ଣ ବର୍ଷ ପାଇଁ GDP ଅଭିବୃଦ୍ଧି ୬.୫ ପ୍ରତିଶତ ଆକଳନ କରିଥିଲା। ତଥାପି ପୂର୍ବ ତ୍ରୈମାସିକ ତୁଳନାରେ ଦେଶର ଅର୍ଥନୀତିରେ ବୃଦ୍ଧି ଦେଖାଦେଇଛି। ଅକ୍ଟୋବର-ଡିସେମ୍ବର ତ୍ରୈମାସିକରେ GDP ଅଭିବୃଦ୍ଧି ୬.୪ ପ୍ରତିଶତ ଥିଲା। ଯଦିଓ ଗତ ଆର୍ଥିକ ବର୍ଷରେ ମାର୍ଚ୍ଚ ତ୍ରୈମାସିକରେ GDP ଅଭିବୃଦ୍ଧି ୮.୪ ପ୍ରତିଶତ ଥିବାରୁ ବାର୍ଷିକ ଆଧାରରେ ଅଭିବୃଦ୍ଧି ହାର ହ୍ରାସ ପାଇଛି।

Add Zee News as a Preferred Source

୨୦୨୫ ର ପ୍ରଥମ ତ୍ରୈମାସରେ GVA 6.8 ପ୍ରତିଶତ ବୃଦ୍ଧି ପାଇଛି। ପୂର୍ବ ତ୍ରୈମାସରେ GVA 6.5 ପ୍ରତିଶତ ଥିଲା। GVA ଅର୍ଥନୈତିକ ଅଭିବୃଦ୍ଧି ମାପିବା ପାଇଁ ବ୍ୟବହାର କରାଯାଏ। ଯାହା ଏକ ଅର୍ଥନୀତିରେ ବିଭିନ୍ନ କ୍ଷେତ୍ରର ଅବଦାନକୁ ଦର୍ଶାଏ। ଏହି ସମୟରେ ଜାନୁଆରୀ-ମାର୍ଚ୍ଚ ତ୍ରୈମାସିକରେ ଘରୋଇ ଗ୍ରାହକ ଖର୍ଚ୍ଚ ବର୍ଷସାରା ୬ ପ୍ରତିଶତ ବୃଦ୍ଧି ପାଇଛି। ଏହା ସହିତ ଏପ୍ରିଲରେ ରିଟେଲ ମୁଦ୍ରାସ୍ଫୀତି ୩.୧୬ ପ୍ରତିଶତ ଛଅ ବର୍ଷର ସର୍ବନିମ୍ନ ସ୍ତରକୁ ଖସି ଆସିଛି। କାରଣ ଏଥର ମୌସୁମୀ ଆଶାଠାରୁ ଭଲ ରହିବ ଏବଂ ଆସନ୍ତା ମାସରେ ରେପୋ ହାର ପୁଣି ଥରେ ହ୍ରାସ ପାଇବାର ଆଶା କରାଯାଉଛି।