ଚୀନକୁ ମାତ ଦେବା ପାଇଁ ଆମେରିକା ଠାରୁ 'ବ୍ରହ୍ମାସ୍ତ୍ର' ଆଣୁଛି ଭାରତ, ଥରହର ପାକିସ୍ତାନ

ନୂଆଦିଲ୍ଲୀ: ସୀମାରେ ଯୁଦ୍ଧ ଭଳି ପରିସ୍ଥିତି ଜାରି ରହିଛି। ଉଭୟ ଦେଶର ସେନାଙ୍କ ମଧ୍ୟରେ ଉତ୍ତେଜନାମୁଳକ ପରିସ୍ଥିତି ଜାରି ରହିଛି। ତେବେ ଏହାରି ମଧ୍ୟରେ ଭାରତକୁ ବାରମ୍ବାର ସହଯୋଗର ହାତ ବଢାଉଛି ଆମେରିକା। ଭାରତକୁ ଦୁନିଆର ସବୁଠାରୁ ଘାତକ ଅସ୍ତ୍ର ପ୍ରଦାନ କରିବାକୁ ଯାଉଛି। ଏହି ବ୍ରହ୍ମାସ୍ତ୍ର ଆଣିବା ସମ୍ପର୍କରେ ଜାଣିବା ପରେ ଦୁଇ ଶତ୍ରୁ ରାଷ୍ଟ୍ର ପାକିସ୍ତାନ ଓ ଚୀନ ଚିନ୍ତାରେ ପଡ଼ିଯାଇଛନ୍ତି। ଆମେରିକା ବ୍ରହ୍ମାସ୍ତ୍ର MQ-9A ରିପର ଡ୍ରୋନ ଭାରତକୁ ହସ୍ତାନ୍ତର କରିବାକୁ ଯାଉଛି। 

ଅସ୍ତ୍ରଶସ୍ତ୍ର ସିଷ୍ଟମରୁ ମିସାଇଲ୍ ଟେକ୍ନୋଲୋଜି ପର୍ଯ୍ୟନ୍ତ ଭାରତରେ ବିକାଶକୁ ପ୍ରାଥମିକତା ଦିଆଯାଉଛି । କିନ୍ତୁ ଆବଶ୍ୟକତା ଅନୁଯାୟୀ ବିଦେଶରୁ ଏହାକୁ କିଣା ଯାଉଛି ମଧ୍ୟ। ଚୀନ୍ ସହିତ ଲଦାଖରେ ଥିବା ତିକ୍ତତାକୁ ଦୃଷ୍ଟିରେ ରଖି ଭାରତ ପ୍ରତିରକ୍ଷା କ୍ରୟକୁ ଜୋରଦାର କରୁଛି। ସୂଚନା ଅନୁଯାୟୀ, ପ୍ରତିରକ୍ଷା ମନ୍ତ୍ରଣାଳୟ ଆମେରିକାରୁ ୩୦ଟି ଜେନେରାଲ୍ ଆଟୋମିକ୍ସ MQ-9A ରିପର୍ ଡ୍ରୋନ୍ କିଣିବାକୁ ପ୍ରସ୍ତୁତ ହେଉଛି। ଏହି ଚୁକ୍ତି ପ୍ରାୟ ୨୨ ହଜାର କୋଟି ଟଙ୍କାର ହୋଇପାରେ। ଏହି ଚୁକ୍ତି ଦୁଇଟି ଭାଗରେ ହେବ । ପ୍ରଥମ ୬ଟି ରିପର୍ ମଧ୍ୟମ ଉଚ୍ଚତା ଲଙ୍ଗ ଏଣ୍ଡୁରାନ୍ସ ଡ୍ରୋନ୍ କିଣାଯିବ, ଯାହା ଆସନ୍ତା କିଛି ମାସ ମଧ୍ୟରେ ପ୍ରଦାନ କରାଯିବ । ଅବଶିଷ୍ଟ ୨୪ଟି ଡ୍ରୋନ୍ ଆସନ୍ତା ତିନି ବର୍ଷ ମଧ୍ୟରେ ଆମେରିକା ଠାରୁ ଅଣାଯିବ।

ଆମେରିକାରୁ ୩୦ଟି ଡ୍ରୋନ୍ କ୍ରୟ ପ୍ରସ୍ତାବ ପ୍ରତିରକ୍ଷା ଅଧିଗ୍ରହଣ ପରିଷଦ ସମ୍ମୁଖରେ ରଖାଯିବ। ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଅଧ୍ୟକ୍ଷ ଅଛନ୍ତି। ଡିଲର ପ୍ରଥମାର୍ଦ୍ଧରେ ତୁରନ୍ତ ୪,୪୦୦ କୋଟି ଟଙ୍କାରେ ୬ଟି MQ-9A ଡ୍ରୋନ୍ କିଣାଯିବ । ଆଗାମୀ କିଛି ମାସ ମଧ୍ୟରେ ବିତରଣ ହୋଇପାରେ । ଅବଶିଷ୍ଟ ୨୪ଟି ଡ୍ରୋନ୍ ମଧ୍ୟରୁ ଆଠଟି ଲେଖାଏଁ ଡ୍ରୋନ ପ୍ରତ୍ୟେକ ସେନାକୁ ଦିଆଯିବ । ଆଗାମୀ ତିନି ବର୍ଷ ମଧ୍ୟରେ ସେଗୁଡ଼ିକ ଅଣାଯିବାର ବ୍ୟବସ୍ଥା କରାଯାଇପାରେ । ଭାରତ ପ୍ରାୟ ତିନି ବର୍ଷ ଧରି ଏହି ଡ୍ରୋନ୍ କିଣିବାକୁ ଚେଷ୍ଟା କରୁଛି।

ଆପଣଙ୍କୁ ଏଠାରେ କହି ରଖୁଛୁ କି, ଏହି ଡ୍ରୋନ ମାଧ୍ୟମରେ ଆମେରିକା ଇରାନର ଜେନେରାଲ ସୁନେମାନୀକୁ ବାଗଦାଦ ଏୟାରପୋର୍ଟ ନିକଟରେ ମାଡ଼ କରି ହତ୍ୟା କରିଥିଲା। ଆମେରିକାର ଏଭଳି କାର୍ଯ୍ୟ ଦେଖି ସମଗ୍ର ବିଶ୍ୱ ଚକିତ ହୋଇ ପଡ଼ିଥିଲା। ଏହି ଡ୍ରୋନ ପ୍ରଥମଥର ପାଇଁ ଇରାନ ମଧ୍ୟରେ ପ୍ରବେଶ କରି ଏହି ମାଡ଼ କରିଥିଲା।