India-Pak Tension: ଅପରେସନ 'ସିନ୍ଦୂର' ପରେ ଲାହୋରରେ ବଡ଼ ଧରଣର ବିସ୍ଫୋରଣ

India-Pak Tension: ପହଲଗାମ୍ ଆତଙ୍କୀ ଆକ୍ରମଣ ପରେ ରକ୍ତମୁକ୍ତା ହୋଇ ଉଠିଛି ଭାରତ।  ଅପରେସନ୍ ସିନ୍ଦୁର ବିଳମ୍ବିତ ରାତିରେ ପାକ୍ ର ଆତଙ୍କୀ  ଆଡ୍ଡା ଉପରେ କରିଛି ରକେଟ୍ ମାଡ୍। ଏହି ଖବର ଏବେ ଚର୍ଚ୍ଚାର ବିଷୟ ପାଲିଟିଥିବା ବେଳେ ତେବେ, ଏହାରି ଭିତର ଆଉ ଏକ ଖବର ସାମ୍ନାକୁ ଆସିଛି।  ପାକିସ୍ତାନ ଲାହୋରରେ ବଡ଼ ବିସ୍ଫୋରଣ ହୋଇଛି । ଏୟାରପୋର୍ଟ ନିକଟରେ ଏହି ବିସ୍ଫୋରଣ ହୋଇଥିବା ସୂଚନା ମିଳିଛି। ଏକାଧିକ ସ୍ଥାନରେ ସିରିଜ ବିସ୍ଫୋରଣ ହୋଇଥିବା ସୂଚନା ମିଳିଛି। ଯାହାକୁ ନେଇ ଭୟଭିତ ହୋଇଯାଇଛି ପାକିସ୍ତାନ୍ । ଏନେଇ ସ୍ଥାନୀୟ ପ୍ରଶାସନ ଜରୁରୀକାଳୀନ ପରିସ୍ଥିତି ଘୋଷଣା କରିଛି ।  ପ୍ରତ୍ୟକ୍ଷଦର୍ଶୀଙ୍କ କହିବା ଅନୁସାରେ,ଏହି ବିସ୍ଫୋରଣଗୁଡ଼ିକ ମିସାଇଲ୍ ହମଲା ଯୋଗୁଁ ହୋଇଛି,ଯାହା ସହରରେ ବ୍ୟାପକ ଆତଙ୍କ ସୃଷ୍ଟି କରିଛି। ସେପଟେ, ପାକିସ୍ତାନ ସରକାର କିମ୍ବା ସେନା ପକ୍ଷରୁ ଏହି ଘଟଣା ସମ୍ପର୍କରେ କୌଣସି ବିବୃତି ଏ-ପର୍ଯ୍ୟନ୍ତ ସରକାରୀ ଭାବେ ଜାରି ହୋଇନାହିଁ । 

ପାକିସ୍ତାନୀ ଗଣମାଧ୍ୟମ ରିପୋର୍ଟ ଅନୁସାରେ, କରାଚୀ ବିମାନବନ୍ଦରରେ ବିମାନ ଚଳାଚଳକୁ ଅସ୍ଥାୟୀ ଭାବରେ ବନ୍ଦ କରିଦିଆଯାଇଛି। ଯେଉଁଠାରେ ବିସ୍ଫୋରଣ ଘଟିଥିଲା ​​ତାହା ପାକିସ୍ତାନୀ ବିମାନବନ୍ଦରର ବହୁତ ନିକଟରେ। ରିପୋର୍ଟ ଅନୁସାରେ, ବିସ୍ଫୋରଣର ଶବ୍ଦ ପରେ, ପୋଲିସ ସମଗ୍ର ଅଞ୍ଚଳକୁ ଘେରାବନ୍ଦୀ କରିଦେଇଛି ଏବଂ ଉଦ୍ଧାର ଦଳ ଘଟଣାସ୍ଥଳରେ ପହଞ୍ଚିଛନ୍ତି। ତଥାପି, ବର୍ତ୍ତମାନ ବିସ୍ଫୋରଣରେ କେତେ ଲୋକ ଆହତ ହୋଇଛନ୍ତି ତାହା ଜଣାପଡ଼ି ନାହିଁ। ଏହା ପୂର୍ବରୁ ଏପ୍ରିଲ ୨୬, ୨୦୨୫ରେ ଲାହୋର ବିମାନବନ୍ଦରରେ ଏକ ବିସ୍ଫୋରଣ ଘଟିଥିଲା, ଯାହାକୁ ଲିବରେସନ୍ ଫୋର୍ସ ଅଫ୍ ଆଫଗାନିସ୍ତାନ ନାମକ ଗୋଷ୍ଠୀ ଦାୟିତ୍ୱ ନେଇଥିଲା । ସେହି ଘଟଣାରେ ୧୪ ଜଣ ପାକିସ୍ତାନୀ ସୈନିକଙ୍କ ମୃତ୍ୟୁ ହୋଇଥିବା ଦାବି କରାଯାଇଥିଲା ।

Add Zee News as a Preferred Source