ଗଲୱାନ ଘାଟିରେ ଚୀନର ସାର୍ବଭୌମତ୍ୱ ଦାବିକୁ ଖାରଜ କଲା ଭାରତ

ନୂଆଦିଲ୍ଲୀ: ବୈଦେଶିକ ବ୍ୟାପାର ମନ୍ତ୍ରଣାଳୟ ଗଲୱାନ ଉପତ୍ୟକା ଉପରେ ଚୀନ୍‌ର ସାର୍ବଭୌମତ୍ୱର ଦାବିକୁ ପ୍ରତ୍ୟାଖ୍ୟାନ କରିଛି । ମନ୍ତ୍ରଣାଳୟ କହିଛି ଯେ, ଏହି କ୍ଷେତ୍ର ସମ୍ୱନ୍ଧୀୟ ସ୍ଥିତି ଐତିହାସିକ ରୂପେ ସ୍ପଷ୍ଟ । ଗଲୱାନ ଉପତ୍ୟକାରେ LAC ବିଷୟରେ ଚୀନୀ ପକ୍ଷ ତରଫରୁ  ମିଥ୍ୟା ଦାବି କରିବାର ପ୍ରୟାସ ଗ୍ରହଣୀୟ ନୁହେଁ । ଗଲୱାନ ଉପରେ ଚୀନ୍‌ର ଦାବି ଅତୀତର ଚୀନ୍‌ର ଆଭିମୁଖ୍ୟ ସହ ମେଳ ଖାଉ ନାହିଁ । ଗଲୱାନ୍ ଉପତ୍ୟକା ସମେତ ଭାରତ-ଚୀନ୍ ସୀମାବର୍ତ୍ତୀ ଅଞ୍ଚଳର ସମସ୍ତ ସେକ୍ଟରରେ LACର ଶ୍ରେଣୀବଦ୍ଧତା ବିଷୟରେ ଭାରତୀୟ ସୈନ୍ୟମାନେ ସମ୍ପୂର୍ଣ୍ଣ ଭାବରେ ଅବଗତ ଅଛନ୍ତି ।

ଗଲୱାନ୍ ଘାଟି ବିଷୟରେ ବୈଦେଶିକ ବ୍ୟାପାର ମନ୍ତ୍ରଣାଳୟ କହିଛି ଯେ, ପ୍ରକୃତ ନିୟନ୍ତ୍ରଣ ରେଖା ବାହାରେ ଭାରତ କୌଣସି ପଦକ୍ଷେପ ନେଇ ନାହିଁ । ଭାରତୀୟ ସୈନିକମାନେ ଦୀର୍ଘ ଦିନ ଧରି ଏହି ଅଞ୍ଚଳରେ ପାଟ୍ରୋଲିଂ କରି ଆସୁଛନ୍ତି । କୌଣସି ଘଟଣା ଘଟି ନାହିଁ । ଗଲୱାନ ଉପରେ ଚୀନ୍‌ର ଦାବି ଉପରେ ବୈଦେଶିକ ମନ୍ତ୍ରଣାଳୟ କହିଛି ଯେ, ମେ ମାସ ଆରମ୍ଭରୁ ଚୀନ୍ ପକ୍ଷ ଏହି ଅଞ୍ଚଳରେ ଭାରତର ସାଧାରଣ ପାଟ୍ରୋଲିଂ ପ୍ରକ୍ରିୟାରେ ବାଧା ସୃଷ୍ଟି କରୁଛି ।  ଚୀନ୍ ପକ୍ଷ ଦ୍ୱାରା ଅତିକ୍ରମଣ ଗତିବିଧିର ସବୁବେଳେ ଆମ ପକ୍ଷରୁ ଉଚିତ ଜବାବ ଦିଆଯାଇଛି । ଭାରତ ଆଶା କରୁଛି ଯେ ଚୀନୀ ପକ୍ଷ ସଚ୍ଚୋଟତା ସହ ଉଭୟ ଦେଶର ବୈଦେଶିକ ମନ୍ତ୍ରୀଙ୍କ ମଧ୍ୟରେ ନିକଟ ଅତୀତରେ ହୋଇଥିବା ଶାନ୍ତି ସୁନିଶ୍ଚିତ କରିବା ପାଇଁ ଆଲୋଚନାର ପାଳନ କରିବ ।

ଆପଣଙ୍କୁ ଏଠାରେ କହି ରଖୁଛୁ ଯେ, ସୋମବାର ଗଲୱାନ୍ ଭ୍ୟାଲିରେ ଚୀନ୍ ଏବଂ ଭାରତୀୟ ସୈନିକଙ୍କ ମଧ୍ୟରେ ହିଂସାତ୍ମକ ସଂଘର୍ଷ ହୋଇଥିଲା । ଯେଉଁଥିରେ ଭାରତର ଜଣେ କର୍ଣ୍ଣେଲ ଏବଂ ଅନ୍ୟ ୧୯ ସୈନିକ ଶହୀଦ ହୋଇଥିଲେ । ଚୀନ୍‌ର ପିପୁଲ୍ସ ଲିବରେସନ୍ ଆର୍ମି ଏହି ବିବାଦ ସମୟରେ ଆହତଙ୍କ ବିଷୟରେ ଏପର୍ଯ୍ୟନ୍ତ କିଛି ସୂଚନା ପ୍ରଦାନ କରିନାହିଁ ।

Add Zee News as a Preferred Source