IPL2020: ମୁମ୍ବାଇ ବିପକ୍ଷରେ ଅଭିଯାନ ଆରମ୍ଭ କରିବ କୋଲକାତା

ଆବୁଧାବି: ଚଳିତ ଆଇପିଏଲର ପଞ୍ଚମ ମ୍ୟାଚରେ ବୁଧବାର କୋଲକାତା ନାଇଟ ରାଇଡର୍ସ ଓ ମୁମ୍ବାଇ ଇଣ୍ଡିଆନ୍ସ ମୁହାଁମୁହିଁ ହେବେ। ପ୍ରଥମ ମ୍ୟାଚରେ ମୁମ୍ବାଇ ଇଣ୍ଡିଆନ ପରାଜିତ ହୋଇଥିବା ବେଳେ ଆଇପିଏଲ ପଏଣ୍ଟ ଖାତାଖୋଲିବା ଲକ୍ଷ୍ୟରେ ରହିବ। ତେବେ ମୁମ୍ବାଇ ତାର ଦ୍ୱିତୀୟ ମ୍ୟାଚରେ ନିଶ୍ଚିତ ପକ୍ଷେ ଭୁଲ ସୁଧାରିବାକୁ ପ୍ରୟାସ କରିବାକୁ ଚେଷ୍ଟା କରିବ। ସେପଟେ ମୁମ୍ବାଇ ବିପକ୍ଷରେ ଆଇପିଏଲର ଚଳିତ ସଂସ୍କରଣରେ ଅଭିଯାନ ଆରମ୍ଭ କରିବ କୋଲକାତା ନାଇଟ ରାଇଡର୍ସ। ତେବେ ଉଭୟ ଟିମରେ ଷ୍ଟାର ଖେଳାଳିଙ୍କ ଖଚାଖଚ ଭିଡ଼ ରହିଥିବାରୁ ଏକ ଦମଦାର ମ୍ୟାଚ ଦେଖିବାକୁ ମିଳିବ। 

ସେପଟେ ଯଦି କୋଲକାତା ନାଇଟ ରାଇଡର୍ସ ଟିମ କଥା ଦେଖାଯାଏ, ତେବେ ଏହି ଟିମରେ ଷ୍ଟାର ଖେଳାଳିଙ୍କର ଖଚାଖଚ ଭିଡ଼ ରହିଛି। ସବୁ ବିଭାଗରେ ମଧ୍ୟ ବେଶ ଅଭିଜ୍ଞ ଓ ଯୁବ ଖେଳାଳିମାନେ ରହିଛନ୍ତି। ଆଇପିଏଲ ରେକର୍ଡକୁ ଯଦି ଦେଖାଯାଏ ତେବେ ମୁମ୍ବାଇ ବିପକ୍ଷରେ କୋଲକାତାର ପ୍ରଦର୍ଶନ ନୈରାଶ୍ୟଜନକ ରହିଛି। ମୁମ୍ବାଇ ବିପକ୍ଷରେ କୋଲକାତା ୨୫ଟି ମ୍ୟାଚ ଖେଳିଥିବା ବେଳେ ସେଥି ମଧ୍ୟରୁ ମାତ୍ର ୬ଟିରେ ବିଜୟ ହାସଲ କରିଛନ୍ତି। ସେହିଭଳି ମୁମ୍ବାଇ ବିପକ୍ଷରେ ୨୩୨ ସର୍ବାଧିକ ରନ  ରହିଥିବା ବେଳେ ସର୍ବନିମ୍ନ ୬୭ ରନ ରହିଛି। 

ସେହିପରି କୋଲକାତାରେ ବିଶ୍ୱର ଦୁର୍ଦ୍ଦଶ ବ୍ୟାଟସମ୍ୟାନ ଆନ୍ଦ୍ରେ ରସେଲ, ଦିନେଶ କାର୍ତ୍ତିକ, ଇୟନ ମୋର୍ଗାନ, ସୁନୀଲ ନାରାଏନ, ଶୁବମନ ଗିଲ, ନୀତିଶ ରାଣା, କୁଲଦୀପ ଯାଦବ, ପାଟ କମିନ୍ସ, ପ୍ରସିଦ୍ଧ କ୍ରିଷ୍ଣା, ସନ୍ଦିପ ଓ୍ୱାରିଅର, କମଳେଶ ନାଗାରକୋଟି ପ୍ରମୁଖ ଦମଦାର ଖେଳାଳି ରହିଛନ୍ତି। ପାଟ କମିନ୍ସ, ଆନ୍ଦ୍ରେ ରସେଲ, ଦିନେଶ କାର୍ତ୍ତିକ, କୁଳଦୀପ ଯାଦବ, ସୁନୀଲ ନାରାଏନ, ଇୟନ ମୋର୍ଗାନ ପ୍ରମୁଖ ଏକାକୀ ଦଳ ପାଇଁ ବିଜୟ ଆଣିବାର କ୍ଷମତା ରଖିଛନ୍ତି। ଦଳର ବ୍ୟାଟିଂ ବିଭାଗକୁ ସମ୍ଭାଳିବା ପାଇଁ ଆନ୍ଦ୍ରେ ରସେଲ, ଦିନେଶ କାର୍ତ୍ତିକ, ଇୟନ ମୋର୍ଗାନ, ନୀତିଶ ରାଣା, ଶୁବମନ ଗିଲ ପ୍ରମୁଖ ରହିଛନ୍ତି। ସେହିପରି ସୁନୀଲ ନାରାଏନ, କୁଳଦୀପ ଯାଦବ, ପାଟ କମିନ୍ସ, ପ୍ରସିଦ୍ଧ କ୍ରିଷ୍ଣା, ଲକି ଫର୍ଗୁସନ ପ୍ରମୁଖ ବୋଲିଂ ବିଭାଗ ସମ୍ଭାଳିବେ। 

ସେପଟେ ମୁମ୍ବାଇ ଚଳିତ ଆଇପିଏଲରେ ଦ୍ୱିତୀୟ ମ୍ୟାଚ ଖେଳିବାକୁ ଯାଉଛି। ରୋହିତ ଶର୍ମାଙ୍କ ନେତୃତ୍ୱରେ ଖାତା ଖୋଲିବାକୁ ପ୍ରୟାସ କରିବ। କୋଲକାତା ବିପକ୍ଷରେ ମୁମ୍ବାଇର ପ୍ରଦର୍ଶନ ମଜବୁତ ରହିଛି। ପ୍ରଥମ ମ୍ୟାଚରେ ପରାଜୟ ବରଣ କରିଥିଲେ ମଧ୍ୟ କେକେଆର ବିପକ୍ଷରେ ବିଜୟ ଲକ୍ଷ୍ୟ ନେଇ ମୈଦାନକୁ ଓହ୍ଲାଇବ। ତେବେ ଦଳରେ କେକେଆର ବିପକ୍ଷରେ ସାମାନ୍ୟ ପରିବର୍ତ୍ତନ କରିପାରେ। ଦଳରେ ରୋହିତ ଶର୍ମା, ହାର୍ଦ୍ଦିକ ପାଣ୍ଡ୍ୟା, କିରେଣ ପୋଲାର୍ଡ, ପେସ ବୋଲର ପାଟିନସନ ଓ ଜସପ୍ରୀତ ବୁମରାଙ୍କୁ ପୁଣି ଥରେ ରିପିଟ କରିପାରେ। ତେବେ ମୋଟାମୋଟି ଭାବେ ଦେଖିବାକୁ ଗଲେ କେକେଆର ବିପକ୍ଷରେ ସବୁ ବିଭାଗରେ ଉନ୍ନତି ଆଣିବାକୁ ପ୍ରୟାସ କରିବ। 

କୋଲକାତା ନାଇଟ ରାଇଡର୍ସ(ସମ୍ଭାବ୍ୟ ଦଳ): ସୁନୀଲ ନାରାଏନ, ଶୁବମନ ଗିଲ, ନୀତିଶ ରାଣା, ଇଅନ ମୋର୍ଗାନ, ଆନ୍ଦ୍ରେ ରସେଲ, ଦିନେଶ କାର୍ତ୍ତିକ(ଅଧିନାୟକ, ଓ୍ୱିକେଟ କିପର), ପାଟ କମିନ୍ସ, କୁଲଦୀପ ଯାଦବ, କମଲେଶ ନଗରକୋଟୀ/ସନ୍ଦିପ ଓ୍ୱାରିଅର, ଶିବମ ମାଓ୍ୱି, ପ୍ରସିଦ୍ଧ କ୍ରିଷ୍ଣା

ମୁମ୍ବାଇ ଇଣ୍ଡିଆନ୍ସ(ସମ୍ଭାବ୍ୟ ଦଳ) : ରୋହିତ ଶର୍ମା(ଅଧିନାୟକ), କ୍ୱାଣ୍ଟିନ ଡି କକ, ସୂର୍ଯ୍ୟକୁମାର ଯାଦବ, ସୌରଭ ତିଓ୍ୱାରୀ/ଇଶାନ କ୍ରିଷ୍ଣା, ହାର୍ଦ୍ଦିକ ପାଣ୍ଡ୍ୟା, କିରଣ ପୋଲାର୍ଡ, କୃଣାଳ ପାଣ୍ଡ୍ୟା, ନାଥନ କୁଲ୍ଟର, ଜେମ୍ସ ପାଟିନସନ, ରାହୁଲ ଚହର, ଟ୍ରେଣ୍ଟ ବୋଲ୍ଟ, ଯଶପ୍ରିତ ବୁମରା