 "IPL 2020: CSKକୁ ମଜବୁତ କରିବେ ଏହି ଚାରି ଖେଳାଳି")
ନୂଆଦିଲ୍ଲୀ: ଇଣ୍ଡିଆନ ପ୍ରିମିୟର ଲିଗ ବା IPL ଆସନ୍ତା ୧୯ ତାରିଖରୁ ୟୁନାଇଟେଡ଼ ଆରବ ଏମିରେଟସ(UAE) ଆରମ୍ଭ ହେବାକୁ ଯାଉଛି। ଡିଫେଣ୍ଡିଂ ଚାମ୍ପିଅନ ମୁମ୍ବାଇ ଇଣ୍ଡିଆନସ (Mumbai Indians) ଓ ଚେନ୍ନାଇ ସୁପର କିଙ୍ଗସ (CSK) ମଧ୍ୟରେ ଆରମ୍ଭ ହେବାକୁ ଯାଉଛି। ତେବେ ଟୁର୍ଣ୍ଣାମେଣ୍ଟ (IPL) ଆରମ୍ଭ ହେବା ପୂର୍ବରୁ ଚେନ୍ନାଇ ସୁପର କିଙ୍ଗସ (Chennai Super Kings) ଦୁଇଟି ବଡ଼ ଝଟକା ଲାଗିଛି। ଯାହା ଦଳ ପାଇଁ ମହଙ୍ଗା ସାବ୍ୟସ୍ତ ହୋଇ ପାରେ।
ଆଇପିଏଲ (IPL) ଆରମ୍ଭ ହେବା ପୂର୍ବରୁ ଦଳର ଦୁଇ ବଡ଼ ଖେଳାଳି ବ୍ୟକ୍ତିଗତ କାରଣରୁ ଟୁର୍ଣ୍ଣାମେଣ୍ଟରୁ ଓହରି ଯାଇଛନ୍ତି। ଓହରି ଯାଇଥିବା ଖେଳାଳି ହେଉଛନ୍ତି ଉପଅଧିନାୟକ ସୁରେଶ ରାଇନା (Suresh Raina) ଓ ଅପ ସ୍ପିନର ହରଭଜନ ସିଂ (Harbhajan Singh)। ଏହି ଖେଳାଳି ଓହରି ଯିବା ପରେ ଦଳରେ ଏମାନଙ୍କ ବଦଳରେ କାହାକୁ ଖେଳାଇବ ସେନେଇ କୌଣସି ଖେଳାଳିଙ୍କ ନାଁ ଘୋଷଣା କରିନାହିଁ। ରାଇନାଙ୍କ ବଦଳରେ ଉପ ଅଧିନାୟକ ପଦ କାହାକୁ ଦଳ ଦେଉଛି ତାହା ମଧ୍ୟ ଦେଖିବାର ରହିଛି।
ସେପଟେ ଯଦି ରାଇନାଙ୍କ ଆଇପିଏଲ (IPL) କ୍ୟାରିୟର ଉପରେ ନଜର ପକାଯାଏ ତେବେ ସେ ଆଇପିଏଲ (IPL) ର ସଫଳତମ ବ୍ୟାଟ୍ସମ୍ୟାନଙ୍କ ମଧ୍ୟରୁ ଜଣେ। ଏହା ସହିତ ସେ ସିଏସକେ(CSK) ପାଇଁ ଦୀର୍ଘ ସମୟ ପର୍ଯ୍ୟନ୍ତ ଖେଳି ଆସୁଛନ୍ତି। ତେବେ ଦୁବାଇ (Dubai) ରେ ପହଞ୍ଚିବା ପରେ ସିଏସକେର ଦୁଇ ଜଣ ଖେଳାଳିଙ୍କ ସହିତ ଦୁଇ ଜଣ ଷ୍ଟାଫ କୋରୋନା (Corona) ସଂକ୍ରମିତ ହୋଇଥିଲେ। ଏହି ଖବର ସାମ୍ନାକୁ ଆସିବା ପରେ ରାଇନା ଭାରତ ଫେରିଆସିଥିଲେ। ତେବେ ରାଇନା (Raina) ଭାରତ ଫେରିବା ପରେ ନିଜର ଅଭ୍ୟାସ ଜାରି ରଖିଛନ୍ତି। ସେ ଆହୁରି ମଧ୍ୟ ପରୋକ୍ଷରେ ଇଙ୍ଗିତ କରି ସୂଚନା ଦେଇଛନ୍ତି ଯେ, ପରିସ୍ଥିତି ସୁଧୁରିଲେ ପୁନର୍ବାର ୟୁଏଇ (UAE) ଫେରି ଆଇପିଏଲରେ ସାମିଲ ହେବେ।
ତେବେ ତାଙ୍କ ପ୍ରତ୍ୟାବର୍ତ୍ତନ ଓ ଆଇପିଏଲରେ ସାମିଲ ହେବା ନେଇ ଦଳର ଅଧିନାୟକ ମହେନ୍ଦ୍ର ସିଂହ ଧୋନୀ (Mahendra Singh Dhoni) ଓ ଟିମ ମ୍ୟାନେଜମେଣ୍ଟ ଉପରେ ନିର୍ଭରଶୀଳ। ତେବେ ଟିମରେ ବର୍ତ୍ତମାନ ରାଇନା (Suresh Raina)ଙ୍କର ବିକଳ୍ପଭାବେ ୪ ଜଣଙ୍କ ଉପରେ ନଜର ରଖିଛନ୍ତି। ସେହି ୪ ଜଣ ଖେଳାଳିଙ୍କ ମଧ୍ୟରେ ରବୀନ୍ଦ୍ର ଜାଡ଼େଜା, କେଦାର ଯାଦବ, ଫାପଡୁ ପ୍ଲେସିସ ଓ ସେନ ଓ୍ୱାଟସନ।
ରବିନ୍ଦ୍ର ଜାଡେଜା (Rabindra Jadeja)ଙ୍କ କ୍ୟାରିୟର ଯଦି ଦେଖାଯାଏ, ସେ ଉପ ଅଧିନାୟକ ପଦ ପାଇଁ ସେ ଦାବିଦାର ରହିଛନ୍ତି। ତାଙ୍କୁ ଦଳର ଆଗାମୀ ଦିନ ଅଧିନାୟକ ଭାବେ ମଧ୍ୟ ଦେଖାଯାଇଥାଏ। ଜାଡେଜାଙ୍କୁ ସିଏସକେ ୨୦୧୨ ମସିହାରେ କିଣିଥିଲା। ଏହା ପରେ ୨୦୧୪ ଓ ୨୦୧୮ ମସିହାରେ ମଧ୍ୟ ଦଳ ତାଙ୍କୁ କିଣିଥିଲା। ସିଏସକେ ପାଇଁ ୧୦୨ଟି ମ୍ୟାଚ ଖେଳିମୋଟ ୮୬5 ରନ ହାସଲ କରିଥିଲେ। ସେହିପରି ମୋଟ ୮୧ଟି ଓ୍ୱିକେଟ ନେଇଛନ୍ତି ଜାଡ଼େଜା।
କେଦାର ଯାଦବ (Kedar Jadav) ମଧ୍ୟରେ ଦଳର ଜଣେ ବରିଷ୍ଠ ଖେଳାଳି ଭାବେ ପରିଗଣିତ ହୋଇଥାନ୍ତି। ସେ ମଧ୍ୟ ସିଏସକେର ପରବର୍ତ୍ତୀ ଉପ ଅଧିନାୟକ ଭାବେ ପରିଗଣିତ ହେଉଛନ୍ତି। ୩୫ ବର୍ଷୀୟ ଯାଦବଙ୍କ ନିକଟରେ ଦୀର୍ଘ ଦିନର ଟେଷ୍ଟ ଖେଳିବାର ଅଭିଜ୍ଞତା ମଧ୍ୟ ରହିଛି। ଯାଦବ ୭୩ଟି ଅନ୍ତର୍ଜାତୀୟ ମ୍ୟାଚ ଖେଳିବା ସହିତ ୩୭ଟି ଟି୨୦ ମ୍ୟାଚ ଖେଳିସାରିଛନ୍ତି। ଯାଦବଙ୍କୁ ସିଏସକେ ୨୦୧୮ ମସିହାରେ କିଣିଥିଲା।
ଡୁପ୍ଲେସିସ (Faf Du Plesis) ଅନ୍ତର୍ଜାତୀୟ ସ୍ତରର ଖେଳାଳି। ସେ ୩୯ଟି ଅନ୍ତର୍ଜାତୀୟ ଦିନିକିଆ ଖେଳିବା ସହିତ ୩୭ଟି ଟି ୨୦ ମ୍ୟାଚ ଖେଳିସାରିଛନ୍ତି। ଏହି ଦକ୍ଷିଣ ଆଫ୍ରିକା (South Africa) ଖେଳାଳି ସିଏସକେ ପାଇଁ ୬୩ଟି ମ୍ୟାଚ ଖେଳିସାରିଥିବା ବେଳେ ୧୬୩୯ ରନ କରିସାରିଛନ୍ତି। ଡୁ ପ୍ଲେସିସଙ୍କୁ ଦଳ ତାର ଅଧିନାୟକ କରିବା ପାଇଁ ମଧ୍ୟ ଚିନ୍ତା କରୁଛି।
ଓ୍ୱାଟସନଙ୍କ (Shane Watsan) ପ୍ରଦର୍ଶନ ମଧ୍ୟ ବେଶ ଦମଦାର ରହିଛି। ୨୦୧୯ ମସିହାରେ ସେନ ଓ୍ୱାଟସନ ସତ୍ତ୍ୱେ ଦଳ ପାଇଁ ନିଷ୍ଠାର ସହ ଖେଳ ଖେଳିଥିଲେ। ଆହତ ସମସ୍ୟା ସତ୍ତ୍ୱେ ଦମଦାର ପ୍ରଦର୍ଶନ କରି ଦଳକୁ ବିଜୟର ଦ୍ୱାରଦେଶରେ ପହଞ୍ଚାଇଥିଲେ। ଦଳ ପ୍ରତି ଭଲପାଇବା ଓ ନିଷ୍ଠାର ପ୍ରମାଣ ମଧ୍ୟ ଦେଇଥିଲେ ଓ୍ୱାଟସନ। ଏହା ବ୍ୟତୀତ ସେ ଜଣେ ଅନୁଭବୀ ଖେଳାଳି ଭାବେ ମଧ୍ୟ ଗଣାଯାଇଥାନ୍ତି।
)