Engvs WI 2nd Test:କୋଭିଡ-୧୯ ନିୟମ ଉଲ୍ଲଂଘନ କରି ଦ୍ୱିତୀୟ ଟେଷ୍ଟରୁ ବାଦ ପଡ଼ିଲେ ଆର୍ଚର

ବୁଧବାର ଦ୍ୱିତୀୟ ଟେଷ୍ଟ ପାଇଁ ଇଂଲଣ୍ଡ ଚୂଡ଼ାନ୍ତ ୧୩ ଜଣ ଖେଳାଳିଙ୍କ ନାମ ଘୋଷଣା କରିଥିଲା। ଏହି ଚୂଡ଼ାନ୍ତ ତାଲିକାରେ ଜୋଫ୍ରା ଆର୍ଚରଙ୍କ ନାମ ମଧ୍ୟ ଥିଲା | କିନ୍ତୁ ମ୍ୟାଚ୍ ପୂର୍ବରୁ ସକାଳେ ଇଂଲଣ୍ଡ କ୍ରିକେଟ୍ ବୋର୍ଡ ସୂଚନା ଦେଇଛି ଯେ ତାଙ୍କୁ ଦଳରୁ ବାଦ ଦିଆଯାଇଛି ଏବଂ ବର୍ତ୍ତମାନ ସେ ଦଳଠାରୁ ନିଜକୁ ଦୁରେଇ ରଖିବେ ବୋଲି ବୋର୍ଡ ସୂଚନା ଦେଇଛି। ବିବୃତ୍ତିରେ ଆହୁରି ମଧ୍ୟ କୁହାଯାଇଛି ଯେ ଆର୍ଚର ବର୍ତ୍ତମାନ ୫ ଦିନ ପର୍ଯ୍ୟାନ୍ତ ସଂଗରୋଧରେ ରହିବେ ଏବଂ ଏହି ସମୟ ମଧ୍ୟରେ ସେ ଦୁଇଥର କୋରୋନା ପରୀକ୍ଷା କରିବେ। ଯଦି ଉଭୟଙ୍କୁ ଉଭୟ ଟେଷ୍ଟରେ ନକରାତ୍ମକ ଦେଖାଯାଏ ତେବେ ତାଙ୍କୁ ଦଳରେ ଯୋଗଦେବାକୁ ଅନୁମତି ଦିଆଯିବ।

ଇଂଲଣ୍ଡ କ୍ରିକେଟ ବୋର୍ଡ କହିଛି ଯେ, ଏହି ସୂଚନା ଭ୍ରମଣକାରୀ ଓ୍ୱେଷ୍ଟଇଣ୍ଡିଜ ଟିମକୁ ମଧ୍ୟ ଦେଇ ଦିଆଯାଇଛି। ଦଳ ଆମ ଦ୍ୱାରା ନିଆଯାଇଥିବା ପଦକ୍ଷେପକୁ ମଧ୍ୟ ସ୍ୱାଗତ କରିଥିବା ସମ୍ପର୍କରେ ସୂଚନା ଦେଇଛି। ସେପଟେ ଆର୍ଚର ମଧ୍ୟ ଏଭଳି ଭୁଲ ପାଇଁ ମଧ୍ୟ କ୍ଷମାପ୍ରାର୍ଥନା କରିଛନ୍ତି। ଆର୍ଚର କହିଛନ୍ତି କି, ମୋ ଦ୍ୱାରା ଯେଉଁ ଯେଉଁ ଭୁଲ ହୋଇଛି, ସେଥିପାଇଁ ମୁଁ କ୍ଷମା ପ୍ରାର୍ଥନା କରୁଛି। ମୁଁ ନିଜକୁ ହିଁ କେବଳ ବିପଦ ମୁହଁକୁ ଠେଲି ନାହିଁ, ବରଂ ଦଳର ସମସ୍ତ ସଦସ୍ୟଙ୍କୁ ବିପଦ ମୁହଁକୁ ଠେଲି ଦେଇଛି। ମୁଁ ମୋର ଭୁଲ କୁ ସ୍ୱିକାର କରୁଛି। ଏବଂ ବିନା କୌଣସି ଦ୍ୱିଧାରେ କ୍ଷମାପ୍ରାର୍ଥନା ମଧ୍ୟ କରୁଛି। 

ଆର୍ଚର ଆହୁରି ମଧ୍ୟ କହୁଛନ୍ତି ଦ୍ୱିତୀୟ ଟେଷ୍ଟ ମ୍ୟାଚ ନ ଖେଳିପାରୁଥିବାରୁ ମୁଁ ବହୁତ ଦୁଃଖିତ। ବର୍ତ୍ତମାନ ସିରିଜ ବେଶ ଭଲ ଫଳାଫଳ ହେଉଛି। ମୋତେ ଲାଗୁଛି ମୁଁ ଉଭୟ ଦଳ ପାଇଁ ବିପଦ ସୃଷ୍ଟି କରିଛି। ମୁଁ ଉଭୟ ଦଳର ସମସ୍ତ ଖେଳାଳିଙ୍କୁ କ୍ଷମା ପ୍ରାର୍ଥନା କରୁଛି ବୋଲି ସେ କହିଥିଲେ।