ଜୁନ ପହିଲାରୁ ଧାର୍ମକ ସ୍ଥଳ ଖୋଲିବାକୁ ଚାହୁଁଛନ୍ତି କର୍ଣ୍ଣାଟକ ମୁଖ୍ୟମନ୍ତ୍ରୀ, ମୋଦିଙ୍କୁ ଲେଖିଲେ ଚିଠି

ନୂଆଦିଲ୍ଲୀ: କୋରୋନା ମୁକାବିଲା କରିବାକୁ ଯାଇ ସମଗ୍ର ଦେଶକୁ ଲକଡାଉନ୍ କରାଯାଇଛି । ଚତୁର୍ଥ ପର୍ଯ୍ୟାୟ ଲକଡାଉନରେ କିଛି କଟକଣା କୋହଳ କରାଯାଇଛି । ଧାର୍ମିକ ସ୍ଥଳ ଖୋଲିବାକୁ ଅନୁମତି ମିଳିନି । ଫଳରେ ୨ ମାସରୁ ଉର୍ଦ୍ଧ୍ୱ ହେଲା ଧାର୍ମିକ ପୀଠସବୁ ବନ୍ଦ ରହିଛି । ତେବେ ଲକଡାଉନ୍ ୪.୦ ପରେ ଧାର୍ମିକ ସ୍ଥଳ ଖୋଲିବାକୁ ଚାହୁଁଛନ୍ତି କର୍ଣ୍ଣାଟକ ମୁଖ୍ୟମନ୍ତ୍ରୀ ବିଏସ୍ ୟେଦ୍ଦୁରପ୍ପା । ଏନେଇ ସେ ପ୍ରଧାନମନ୍ତ୍ରୀ ମୋଦିଙ୍କୁ ଚିଠି ଲେଖିଛନ୍ତି ।  

କୋରୋନା ମୁକାବିଲା ପାଇଁ ସମୁଦାୟ ୪ଟି ପର୍ଯ୍ୟାୟରେ ଦେଶକୁ ଲକଡାଉନ୍ ଘୋଷଣା କରାଯାଇଛି । ଏହି ସମୟରେ ଧାର୍ମିକ ସ୍ଥଳଗୁଡ଼ିକୁ ବନ୍ଦ ରଖିବା ପାଇଁ ନିଷ୍ପତ୍ତି ହୋଇଥିଲା । ଲୋକଙ୍କ ଭିତରେ ସାମାଜିକ ଦୂରତ୍ୱ ବଜାୟ ରଖିବା ପାଇଁ ସରକାର ଏପରି ନିଷ୍ପତ୍ତି ନେଇଥିଲେ । 

ତେବେ ଜୁନ ୧ରୁ ଧାର୍ମିକ ପୀଠ ଖୋଲିବା ପାଇଁ ଚାହୁଁଛନ୍ତି ବିଏସ ୟେଦ୍ଦୁରପ୍ପା । ଆଉ ଏନେଇ ପ୍ରଧାନମନ୍ତ୍ରୀ ମୋଦିଙ୍କୁ ଚିଠି ଲେଖି ଅନୁମତି ମାଗିଥିଲି ବୋଲି କହିଛନ୍ତି ୟେଦ୍ଦୁରପ୍ପା । ତେବେ ଏପର୍ଯ୍ୟନ୍ତ ଚିଠିର ପ୍ରତିଉତ୍ତର ଆସିନି । କେନ୍ଦ୍ର ସରକାରଙ୍କ ଅନୁମତିକୁ ଅପେକ୍ଷା କରିଥିବା ମୁଖ୍ୟମନ୍ତ୍ରୀ କହିଛନ୍ତି ।