ଲକଡାଉନ୍ ୪.0 ରେ କ’ଣ ନୂଆ ହୋଇପାରେ ?

ତପସ୍ୱିନୀ ମହାଳିକ, ନୂଆଦିଲ୍ଲୀ: ଆସନ୍ତାକାଲି ଲକଡାଉନ୍ ୩.oର ଶେଷଦିନ । କ'ଣ ହେବ ଆଗାମୀ ରୂପରେଖ ? କେଉଁ ଢଙ୍ଗରେ ଆସିବ ଲକଡାଉନ୍ ୪.o ? ଆପଣଙ୍କ ଭିତରେ ଏନେଇ ଅନେକ ପ୍ରଶ୍ନ ଆସୁଥିବ । ତେବେ ଖୁବଶୀଘ୍ର ଏନେଇ ନିର୍ଦ୍ଦେଶାବଳୀ ଜାରି କରାଯିବ । କାହିଁକିନା ଏହାରି ଭିତରେ ବିଭାଗୀୟ ଅଧିକାରୀଙ୍କ ସହ ୫ ଘଣ୍ଟିଆ ବୈଠକ କରିସାରିଲେଣି ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହ । 

ଗତକାଲି ଗାଇଡଲାଇନ ଉପରେ ରାଜ୍ୟଗୁଡ଼ିକର ପରାମର୍ଶର ଶେଷ ଦିନ ଥିଲା । ତେବେ ଗ୍ରୀନ ଜୋନରେ ଲକଡାଉନ୍ ୪.o କୋହଳ ହେବର ସମ୍ଭାବନା ଅଧିକ ରହିଛି । ଅନେକ ରାଜ୍ୟ ମଧ୍ୟ ଏଦିଗରେ ମତ ରଖିଥିଲେ । ତେବେ ବିଭିନ୍ନ ଦିଗକୁ ଦୃଷ୍ଟିରେ ରଖି ଲକଡାଉନ୍ ୪.oର ଗାଇଡଲାଇନ ଜାରିକରିବ ଗୃହ ମନ୍ତ୍ରଣାଳୟ । 

ଲକଡାଉନ୍ ୪.oରେ କ’ଣ ହୋଇପାରେ ନୂଆ ଗାଇଡଲାଇନ୍ ?

Add Zee News as a Preferred Source

• ପ୍ରତ୍ୟେକ ନାଗରିକ ନିଜେ ନିଜର ସ୍ୱାସ୍ଥ୍ୟ ଓ ସୁରକ୍ଷା ଉପରେ ଧ୍ୟାନ ଦେବାକୁ ହେବ । 
• ଲକଡାଉନ୍ ୪.oରେ ଅର୍ଥ ବ୍ୟବସ୍ଥା ଉପରେ ଅଧିକ ଗୁରୁତ୍ୱ ଦିଆଯିବ ।
• କେନ୍ଦ୍ର ତରଫରୁ କେତେକ ରାଜ୍ୟରେ ଏହାକୁ କୋହଳ କରାଯାଇପାରେ ।
• ଗ୍ରୀନ ଜୋନରେ ଯାତାୟାତ ଓ ଉଦ୍ୟୋଗ ଗୁଡ଼ିକୁ ଅନୁମତି ମିଳିପାରେ ।
• ଏହାଛଡ଼ା ଗ୍ରୀନ ଜୋନଗୁଡ଼ିକରେ ବସ୍ ଓ ଟ୍ୟାକ୍ସି ଚଳାଚଳ ପାଇଁ ଅନୁମତି ମିଳିପାରେ ।
• କିନ୍ତୁ ଯାତ୍ରୀବାହୀ ଟ୍ରେନ ଚଳାଚଳ କରିବ ନାହିଁ । କେବଳ ସ୍ପେଶିଆଲ ଟ୍ରେନ ଓ ଶ୍ରମିକ ଟ୍ରେନ ପୂର୍ବପରି ଚାଲୁରହିବ ।
• ମେ ୧୮ପରେ କେତେକ ରୁଟରେ ଘରୋଇ ବିମାନ ସେବା ଆରମ୍ଭ ନେଇ ମଧ୍ୟ ବିଚାର କରାଯାଉଛି ।