LIC ସମସ୍ତ ପଲିସି ଧାରକଙ୍କ ପାଇଁ ଜାରି କରିଛି ଜରୁରୀ ସୂଚନା, ଜାଣି ନିଅନ୍ତୁ ନଚେତ ହୋଇପାରେ ବଡ଼ ଅସୁବିଧା

ଆମେ ଆପଣଙ୍କୁ କହି ରଖୁଛୁ ଯେ ସରକାର ୩୦ ସେପ୍ଟେମ୍ବର ୨୦୨୧କୁ ପାନ୍ (PAN Card) ଓ ଆଧାର ଲିଙ୍କ୍ (Aadhaar) ପାଇଁ ଶେଷ ତାରିଖ ଭାବରେ ସ୍ଥିର କରିଛନ୍ତି ।

LIC ସମସ୍ତ ପଲିସି ଧାରକଙ୍କ ପାଇଁ ଜାରି କରିଛି ଜରୁରୀ ସୂଚନା, ଜାଣି ନିଅନ୍ତୁ ନଚେତ ହୋଇପାରେ ବଡ଼ ଅସୁବିଧା

ନୂଆଦିଲ୍ଲୀ: ଯଦି ଆପଣ ମଧ୍ୟ ଭାରତୀୟ ଜୀବନ ବୀମା ନିଗମ (LIC) ରୁ ପଲିସି କରିଛନ୍ତି ତେବେ ଏହି ଖବର ଆପଣଙ୍କ ପାଇଁ ବହୁତ ଜରୁରୀ ଅଟେ । ସମସ୍ତ ପଲିସି ଧାରକଙ୍କୁ ଟ୍ୱିଟ୍ କରି LIC ଆବଶ୍ୟକ ସୂଚନା ପ୍ରଦାନ କରିଛି । ବାସ୍ତବରେ, ପଲିସି ସହ ପାନ୍ କାର୍ଡ ଲିଙ୍କ୍ (PAN link with LIC policy) କରିବା ଆବଶ୍ୟକ । LIC ଏହାର ଅଫିସିଆଲ୍ ୱେବସାଇଟ୍ ରେ ଏହି ସୂଚନା ପ୍ରଦାନ କରିଛି ।

ଆମେ ଆପଣଙ୍କୁ କହି ରଖୁଛୁ ଯେ ସରକାର ୩୦ ସେପ୍ଟେମ୍ବର ୨୦୨୧କୁ ପାନ୍ (PAN Card) ଓ ଆଧାର ଲିଙ୍କ୍ (Aadhaar) ପାଇଁ ଶେଷ ତାରିଖ ଭାବରେ ସ୍ଥିର କରିଛନ୍ତି । ମାର୍କେଟ ରେଗୁଲେଟର SEBI ମଧ୍ୟ ସମାନ ନିୟମ ସ୍ଥିର କରିଛି ଓ ନିବେଶକମାନଙ୍କୁ ସେପ୍ଟେମ୍ବର ୩୦ ସୁଦ୍ଧା ଆଧାର ସହିତ ଲିଙ୍କ କରିବାକୁ କହିଛି । ସେହିଭଳି ପାନ୍ ଲିଙ୍କ୍ କରିବାକୁ LIC କୁ ମଧ୍ୟ କୁହାଯାଇଛି ।

ଯଦି ଆପଣ ଏପର୍ଯ୍ୟନ୍ତ ପାନ୍ ସହିତ ପଲିସି ଲିଙ୍କ୍ କରିନାହାଁନ୍ତି, ତେବେ ଆପଣ ଏହାକୁ ଘରେ ବସି ଅନଲାଇନରେ କରିପାରିବେ । ଚାଲନ୍ତୁ ଜାଣିବା ଏହାର ପ୍ରକ୍ରିୟା…

୧. LIC ର ୱେବସାଇଟରେ ପଲିସି ତାଲିକା ସହିତ PAN ବିବରଣୀ ପ୍ରଦାନ କରନ୍ତୁ ।

୨. ବର୍ତ୍ତମାନ ଆପଣଙ୍କର ମୋବାଇଲ୍ ନମ୍ବର ଦାଖଲ କରନ୍ତୁ । ସେହି ମୋବାଇଲ୍ ନମ୍ବରରେ LIC ରୁ ଏକ OTP ଆସିବ, ଏହାକୁ ଦାଖଲ କରନ୍ତୁ ।

୩. ଫର୍ମ ଦାଖଲ ପରେ ଆପଣ ସଫଳ ପଞ୍ଜୀକରଣ ଅନୁରୋଧର ମେସେଜ ପାଇବେ ।

୪. ବର୍ତ୍ତମାନ ଆପଣ ଜାଣିବେ ଯେ ଆପଣଙ୍କର ପାନ୍ ପଲିସି ସହିତ ଲିଙ୍କ୍ ହୋଇଯାଇଛି ।

ଘରେ ବସି ପଲିସି ସ୍ଥିତି କରନ୍ତୁ ଯାଞ୍ଚ 

୧. LIC ପଲିସିର ଅନଲାଇନ୍ ସ୍ଥିତି ଜାଣିବା ପାଇଁ ଆପଣଙ୍କୁ ପ୍ରଥମେ ଅଫିସିଆଲ୍ ୱେବସାଇଟ୍ https://www.licindia.in/ କୁ ଯିବାକୁ ପଡିବ । ଏଠାରେ ସ୍ଥିତି ଜାଣିବା ପାଇଁ ଆପଣଙ୍କୁ ପଞ୍ଜିକରଣ କରିବାକୁ ପଡିବ ।

୨. ପଞ୍ଜୀକରଣ ପାଇଁ ଆପଣଙ୍କୁ କୌଣସି ପ୍ରକାରର ଦେୟ ଦେବାକୁ ପଡିବ ନାହିଁ ।
ଏଥିପାଇଁ ଆପଣଙ୍କୁ ଆପଣଙ୍କର ଜନ୍ମ ତାରିଖ, ନାମ, ପଲିସି ନମ୍ବର ଦାଖଲ କରିବାକୁ ପଡିବ । ଥରେ ପଞ୍ଜୀକୃତ ହୋଇଗଲେ, ଆପଣ ଯେକୌଣସି ସମୟରେ ଆପଣଙ୍କର ସ୍ଥିତି ଯାଞ୍ଚ କରିପାରିବେ ।

୩. ଯଦି ଆପଣ କୌଣସି ସୂଚନା ଚାହୁଁଛନ୍ତି ତେବେ ଆପଣ 022 6827 6827 ରେ ମଧ୍ୟ କଲ କରିପାରିବେ । ଏହା ବ୍ୟତୀତ ଆପଣ 9222492224 ନମ୍ବରକୁ LICHELP <ପଲିସି ସଂଖ୍ୟା> ଲେଖି ଏକ ମେସେଜ ମଧ୍ୟ ପଠାଇ ପାରିବେ ।
ଏଥିରେ ମେସେଜ ପଠାଇବା ପାଇଁ ଆପଣଙ୍କ ଟଙ୍କା କଟିବ ନାହିଁ ।

ଅଧିକ ପଢ଼ନ୍ତୁ:-ଦୀପାବଳି ପୂର୍ବରୁ କେନ୍ଦ୍ର କର୍ମଚାରୀଙ୍କୁ ମିଳିବ ବଡ଼ ଉପହାର! ଜାଣନ୍ତୁ କେତେ ବଢ଼ିପାରେ ଦରମା

ଅଧିକ ପଢ଼ନ୍ତୁ:-ଜାରି ହେଲା ଆଜିର ଡିଜେଲ-ପେଟ୍ରୋଲର ଦାମ୍, ଚେକ୍ କରନ୍ତୁ ଆପଣଙ୍କ ସହରରେ କ'ଣ ରହିଛି ରେଟ୍

ଅଧିକ ପଢ଼ନ୍ତୁ:-ପୁରୁଷଙ୍କ ଏସବୁ ସମସ୍ୟାକୁ ଦୂର କରିବାରେ ପ୍ରଭାବଶାଳୀ କେବଳ ୨ଟି ଖଜୁରୀ, ଏହି ଉପାୟରେ କରନ୍ତୁ ସେବନ ତା'ପରେ ଦେଖନ୍ତୁ କମାଲ!