ଦିଲ୍ଲୀରେ ଚାଲିବ ବସ, ମେଟ୍ରୋ ବନ୍ଦ

ନୂଆଦିଲ୍ଲୀ: ଆଜି ଠାରୁ ଆରମ୍ଭ ହୋଇଛି ଲକଡାଉନର ଚତୁର୍ଥ ପର୍ଯ୍ୟାୟ। କେନ୍ଦ୍ର ସରକାର ଚତୁର୍ଥ ପର୍ଯ୍ୟାୟ ଲକଡାଉନ ସମୟରେ ନିୟମକୁ 

ସାମାନ୍ୟ କୋହଳ କରିଛନ୍ତି। ତେବେ କେଉଁ ସେବା ଖୋଲା ରହିବ ଓ କେଉଁ ସେବା ବନ୍ଦ ରହିବ ତାହା ନିଷ୍ପତ୍ତି ନେବାକୁ ରାଜ୍ୟ ସରକାରଙ୍କୁ 

ଦାୟିତ୍ୱ ଦେଇଛନ୍ତି। ତେବେ ଦିଲ୍ଲୀ ସରକାର ଅନୁଯାୟୀ ସାର୍ବଜନୀନ ସେବାଗୁଡ଼ିକୁ ବନ୍ଦ କରିବାକୁ ନିଷ୍ପତ୍ତି ନେଇଛନ୍ତି। 

ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ୱାଲ କହିଛନ୍ତି କି, ଦିଲ୍ଲୀରେ ବର୍ତ୍ତମାନ କୋରୋନା ସଂକ୍ରମିତଙ୍କ ସଂଖ୍ୟା ୧୦ ହଜାରରୁ ଊର୍ଦ୍ଧ୍ୱ ରହିଛି। ଏହା 

ମଧ୍ୟରୁ ୧୬୦ ଲୋକଙ୍କ ମୃତ୍ୟୁ ହୋଇ ସାରିଲାଣି। ତେବେ ଏହି ଆକ୍ରାନ୍ତଙ୍କ ମଧ୍ୟରୁ ୪୪୮୫ ଲୋକ ସୁସ୍ଥ ହୋଇ ଘରକୁ ଫେରିଛନ୍ତି। ସେ ଆହୁରି 

ମଧ୍ୟ କହିଛନ୍ତି କି, ଆମକୁ ଏହି ଭାଇରସ ସହିତ ଆମକୁ ବଞ୍ଚିବାକୁ ହେବ। କାରଣ ଏହି ବେମାରୀ ଏତେ ସହଜରେ ପୃଥିବୀ ପୃଷ୍ଠରୁ ବିଦାୟ 

ନେବାର ନାହିଁ। ତେଣୁ ଏହା ସହିତ ବଞ୍ଚିବାକୁ ହେବ ବୋଲି ମୁଖ୍ୟମନ୍ତ୍ରୀ ସୂଚନା ଦେଇଥିଲେ। 

ଦିଲ୍ଲୀରେ ବନ୍ଦ ରହିବ ଏହି ସେବା

• ମେଟ୍ରୋ ସେବା ବନ୍ଦ ରହିବ
• ପୂଜା ସ୍ଥଳ ବନ୍ଦ ରହିବ
• ହୋଟେଲ ବନ୍ଦ ରହିବ
• ମେଟ୍ରୋ, ସ୍କୁଲ, କଲେଜ, ଶିକ୍ଷାନୁଷ୍ଠାନ, ଜିମ, ସ୍ୱିମିଂ ପୁଲ, 
• ସିନେମା ଥିଏଟର, ମଲ ଆଦି ବନ୍ଦ ରହିବ
• ଧାର୍ମିକ ସ୍ଥଳ ଓ କାର୍ଯ୍ୟକ୍ରମ
• ସେଲୁନ, ସ୍ପା ସେଣ୍ଟର ବନ୍ଦ ରହିବ
• ସନ୍ଧ୍ୟା ୭ରୁ ସକାଳ ୭ ପର୍ଯ୍ୟନ୍ତ 
• ରେଷ୍ଟୁରାଣ୍ଟରୁ କେବଳ ହୋମ ଡେଲିଭରି ପାଇଁ ଖୋଲା ରହିବ, କିନ୍ତୁ ସର୍ବସାଧାରଣଙ୍କ ପାଇଁ ବନ୍ଦ ରହିବ

ଚାଲୁ ହେବ ଏହି ସେବା

• ବସ୍ ସେବା ସମଗ୍ର ଦିଲ୍ଲୀରେ ଆରମ୍ଭ ହେବ । କେବଳ ୨୦ ଜଣ ଯାତ୍ରୀଙ୍କୁ ଗୋଟିଏ ବସରେ ଯାତ୍ରା କରିବାକୁ ଅନୁମତି ଦିଆଯିବ । ଯାତ୍ରୀମାନେ ବସ୍‌ରେ ଯିବା ପୂର୍ବରୁ ସ୍କ୍ରିନିଂ ହେବ । ଟ୍ରାନ୍ସପୋର୍ଟ ଖୋଲିବ, ଅଟୋ ରିକ୍ସା, ସାଇକେଲ ରିକ୍ସାରେ ଜଣେ ଯାତ୍ରୀଙ୍କୁ ଅନୁମତି ଦିଆଯିବ।
• ଟ୍ୟାକ୍ସିରେ କେବଳ ଦୁଇଜଣ ଯାତ୍ରୀଙ୍କୁ ଅନୁମତି ଦିଆଯିବ।
• ଗ୍ରାମାଞ୍ଚଳରେ ସେବା ୨ ଯାତ୍ରୀ ।
• ଘରୋଇ କାର ଚାଲିବ, କାରରେ ୨ ଯାତ୍ରୀ, ବାଇକରେ ଜଣେ  ।
• ଅଡ-ଇଭେନ୍ ଅନୁଯାୟୀ ସମସ୍ତ ବଜାର ଖୋଲିବ । ଆବଶ୍ୟକ ସମାନ ଦୋକାନ ପ୍ରତିଦିନ ଖୋଲିବ, କିନ୍ତୁ ସାମାଜିକ ଦୂରତା ଅନୁସରଣ କରିବାକୁ ପଡିବ ।
• ସମସ୍ତ ପ୍ରକାର ଶିଳ୍ପ ଖୋଲିବ ।
• ସମସ୍ତ ସରକାରୀ ଏବଂ ବେସରକାରୀ କାର୍ଯ୍ୟାଳୟ ଖୋଲିବ, କିନ୍ତୁ ଘରୁ କାମକୁ ପସନ୍ଦ କରନ୍ତି ।
• କେବଳ ଦିଲ୍ଲୀରେ ରହୁଥିବା ଶ୍ରମିକମାନଙ୍କ ସହିତ ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲା ।
• କଣ୍ଟେନମେଣ୍ଟ ଜୋନରେ କୌଣସି କାର୍ଯ୍ୟକଳାପ ରହିବ ନାହିଁ ।
• ସମସ୍ତଙ୍କ ପାଇଁ ମାସ୍କ ବାଧ୍ୟତାମୂଳକ ରହିବ ।