ଦିଲ୍ଲୀରେ ପଙ୍ଗପାଳର ବିପଦ, ଶ୍ରମ ମନ୍ତ୍ରୀ ଡାକିଲେ ଜରୁରୀକାଳୀନ ବୈଠକ

ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ପଙ୍ଗପାଳର ବିପଦକୁ ଦୃଷ୍ଟିରେ ରଖି ଦିଲ୍ଲୀ ସରକାରଙ୍କ ଶ୍ରମ ମନ୍ତ୍ରୀ ଗୋପାଳ ରାୟ ଏକ ଜରୁରୀ ବୈଠକ ଡାକିଛନ୍ତି । ବୈଠକରେ ବିକାଶ ସଚିବ, ବିଭାଗୀୟ କମିଶନର, କୃଷି ନିର୍ଦ୍ଦେଶକ, ଡିଏମ୍ ଦକ୍ଷିଣ ଦିଲ୍ଲୀ, ଡିଏମ୍ ପଶ୍ଚିମ ଦିଲ୍ଲୀ ଉପସ୍ଥିତ ରହିବେ । ବୈଠକ ପରେ ସରକାର ଆଡଭାଇଜାରୀ ଜାରି କରିବେ ।

ଏହା ବ୍ୟତୀତ ଦିଲ୍ଲୀ ନିକଟସ୍ଥ ନୋଏଡାଠାରେ ପଙ୍ଗପାଳ ଦଳର ବିପଦ ରହିଛି । ପଙ୍ଗପାଳ ପ୍ରବେଶ ହେବାର ସମ୍ଭାବନାକୁ ନେଇ ନୋଏଡାରେ ୪ଟି ଦଳ ଗଠନ କରାଯାଇଛି ।

ଦିଲ୍ଲୀକୁ ଲାଗି ଥିବା ଗୁରୁଗ୍ରାମର ଭୀମଗଢ଼ ଖେରୀ, ରାଜେନ୍ଦ୍ର ପାର୍କ, ସୁରତ ନଗର, ଲକ୍ଷ୍ମଣ ବିହାର, ଦୌଲତବାଗ ଫ୍ଲାଇଓଭର ଉପରେ ପଙ୍ଗପାଳ ବୁଲୁଛି । ଫସଲ ଉପରେ ପଙ୍ଗପାଳର ବିପଦ ଥିବାର ଦେଖି କୃଷକମାନେ ବିବ୍ରତ ହୋଇ ଏହାକୁ ହଟାଇବାକୁ ଚେଷ୍ଟା କରୁଛନ୍ତି ।

Add Zee News as a Preferred Source

ଶନିବାର ପଙ୍ଗପାଳ ସହରାଞ୍ଚଳରେ ମଧ୍ୟ ପହଞ୍ଚିଛନ୍ତି । ଚାଷୀମାନେ ବାଣ, ଟିଣ କ୍ୟାନ୍ ଏବଂ ଧୂଆଁ ମାଧ୍ୟମରେ ପଙ୍ଗପାଳ ବିଲୋପ କରିବାକୁ ଚେଷ୍ଟା କରୁଛନ୍ତି । ପଙ୍ଗପାଳ ଦଳର କ୍ରମାଗତ ଆକ୍ରମଣରେ ଚାଷୀମାନେ ଅସୁବିଧାରେ ପଡୁଛନ୍ତି ।

ପଙ୍ଗପାଳଙ୍କ ଆକ୍ରମଣ ସମ୍ପର୍କରେ ଜିଲ୍ଲା ପ୍ରଶାସନ କୌଣସି ଆଡଭାଇଜାରୀ ଜାରି କରି ନାହିଁ । ଲକ୍ଷ ଲକ୍ଷ ପଙ୍ଗପାଳ ରାଜେନ୍ଦ୍ର ପାର୍କ, ସେକ୍ଟର-୫, ସୁରତ ନଗର, ଧନବାପୁର, ପାଲାମ ବିବାର୍ ଏବଂ ମାରୁତି କମ୍ପାନୀ ଉପରେ ଉଡୁଛନ୍ତି ।