ମଧ୍ୟପ୍ରଦେଶ ମନ୍ତ୍ରୀ ତୁଲସୀ ରାମ ସିଲାୱଟ ଓ ତାଙ୍କ ପତ୍ନୀଙ୍କୁ କୋରୋନା

ଭୋପାଲ: ମଧ୍ୟପ୍ରଦେଶ ମନ୍ତ୍ରୀ ତୁଲସୀ ରାମ ସିଲାୱଟଙ୍କୁ କୋରୋନା । ସେହିପରି ତାଙ୍କର ପତ୍ନୀଙ୍କ ରିପୋର୍ଟ ମଧ୍ୟ ପଜିଟିଭ ଆସିଛି । ନିଜେ ମନ୍ତ୍ରୀ ତୁଲସୀ ରାମ ସିଲାୱଟ ଏନେଇ ସୂଚନା ଦେଇଛନ୍ତି । ସେ କହିଛନ୍ତି, ତାଙ୍କଠାରେ ଯଦିଓ କୋରୋନାର କୌଣସି ଲକ୍ଷଣ ଦେଖାଯାଇନଥିଲା, ତଥାପି ମଧ୍ୟ ସତର୍କତାମୂଳକ ଭାବେ ସେ ଟେଷ୍ଟ କରାଇଥିଲେ । ପୂର୍ବରୁ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନଙ୍କ ରିପୋର୍ଟ ପଜିଟିଭ ଆସିଥିଲା । ପରେ ତାଙ୍କ ସଂସ୍ପର୍ଶରେ ଆସିଥିବା ସମସ୍ତଙ୍କୁ କୋରୋନା ଟେଷ୍ଟ କରିବାକୁ କହିଥିଲେ ଶିବରାଜ । 

कोई लक्षण ना होने पर भी मुख्यमंत्रीजी के निर्देश पर मैंने #COVID टेस्ट करवाया था।मेरी और मेरी धर्मपत्नी की रिपोर्ट पॉज़िटिव आई है।मुझे विश्वास है आप सबकी शुभ कामनाओं से हम कोरोना को हराएंगे और फिर उसी संकल्प से कार्यक्षेत्र में उतरेंगे।मेरे साथियों से आग्रह है वे भी टेस्ट करवाए।

— Tulsi Ram Silawat (@tulsi_silawat) July 28, 2020

ଏଠାରେ କହିରଖୁଛୁ, ଶନିବାର (July 25) ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ କୋରୋନା ପଜିଟିଭ ବୋଲି ସ୍ପଷ୍ଟ ହେବା ପରେ ମେଡିକାଲରେ ଭର୍ତ୍ତି ହୋଇଥିଲେ । କୋରୋନା ପଜିଟିଭ ବୋଲି ନିଜେ ସେସିଆଲ ମିଡିଆ ମାଧ୍ୟମରେ କହିଥିଲେ ଶିବରାଜ । ଏପରିକି ସେ ଏବେ କ୍ୱାରେଣ୍ଟାଇନରେ ଥିବା ସୂଚନା ଦେଇଥିଲେ । ସେହିପରି ତାଙ୍କ ସହ କ୍ଲୋଜ କଣ୍ଟ୍ରାକ୍ଟରେ ଥିବା ସମସ୍ତଙ୍କୁ ମଧ୍ୟ କ୍ୱାରେଣ୍ଟାଇନରେ ରହିବାକୁ କୁହାଯାଇଥିଲା । 

ଶିବରାଜ ସିଂହ ଚୌହାନ ଟ୍ୱିଟ କରି କହିଥିଲେ, ''ପ୍ରିୟ ଦେଶବାସୀ, ମୋ ନିକଟରେ କୋଭିଡ ୧୯ ଲକ୍ଷଣ ଦେଖାଦେଇଥିଲା । ପରେ ରିପୋର୍ଟ ମଧ୍ୟ ପଜିଟିଭ ଆସିଛି । ତେଣୁ ମୋ ସଂସ୍ପର୍ଶରେ ଆସିଥିବା ସମସ୍ତ ସହଯୋଗୀଙ୍କୁ ମୁଁ ଅପିଲ କରୁଛି ଯେ, ସେମାନେ ମଧ୍ୟ କୋରୋନା ଟେଷ୍ଟ କରିନିଅନ୍ତୁ । ସେହିପରି ମୋ ସଂସ୍ପର୍ଶରେ ଆସିଥିବା ବ୍ୟକ୍ତି ବିଶେଷ କ୍ୱାରେଣ୍ଟାଇନରେ ରୁହନ୍ତୁ ।''

ମୁଖ୍ୟମନ୍ତ୍ରୀ ଆହୁରି ମଧ୍ୟ କହିଥିଲେ, ଜଣେ କୋଭିଡ-୧୯ ରୋଗୀ ମଧ୍ୟ ସମ୍ପୂର୍ଣ୍ଣ ଭାବେ ଆରୋଗ୍ୟ ଲାଭ କରିପାରିବ, ଯଦି ସେ ଠିକ୍ ସମୟରେ ଚିକିତ୍ସା ପାଇପାରିବ । ମୁଁ କୋରୋନା ଭାଇରସ୍ ସ୍ଥିତିକୁ ନେଇ ମାର୍ଚ୍ଚ ୨୫ଠାରୁ ପ୍ରତ୍ୟେକ ଦିନ ସନ୍ଧ୍ୟାରେ ସମୀକ୍ଷା କରୁଛି । ଆଉ ଏବେ ଭିଡିଓ କନଫରେନ୍ସ ମାଧ୍ୟମରେ ଏହି ବୈଠକର ସମୀକ୍ଷା କରିବା ପାଇଁ ଚେଷ୍ଠା କରୁଛି ।