ଉଦ୍ଧବ ଠାକରେଙ୍କୁ ମିଳିଲା ବଡ଼ ଆଶ୍ୱସ୍ତି

ନୂଆଦିଲ୍ଲୀ: ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ମିଳିଲା ବଡ଼ ଆଶ୍ୱସ୍ତି । କାରଣ ସେ ନିର୍ବିରୋଧ ଭାବେ ବିଧାନ ପରିଷଦ ସଦସ୍ୟ ହେବାକୁ ଯାଉଛନ୍ତି । କାରଣ କଂଗ୍ରେସ ଏହାର ଜଣେ ପ୍ରାର୍ଥୀଙ୍କୁ ହଟାଇବ । ମହାରାଷ୍ଟ୍ର ପ୍ରଦେଶ କଂଗ୍ରେସ ମୁଖ୍ୟ ବାଲାସାହେବ ଥୋରାଟ ଏହି ସୂଚନା ଦେଇଛନ୍ତି । କଂଗ୍ରେସ ରବିବାର ଦିନ ଘୋଷଣା କରିଛି ଯେ, ମେ ୨୧ରେ ମହାରାଷ୍ଟ୍ର ବିଧାନ ପରିଷଦର ୯ଟି ଆସନରେ ହେବାକୁ ଥିବା ନିର୍ବାଚନରେ ୨ରୁ ଜଣେ ପ୍ରାର୍ଥୀଙ୍କ ନାଁ ପ୍ରତ୍ୟାହାର କରିନେଉଛି । ଏହାସହ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ନିର୍ବିରୋଧ ଭାବେ ବିଧାନ ପରିଷଦର ସଦସ୍ୟ ଭାବରେ ମନୋନୀତ ହେବେ । 

ମହାରାଷ୍ଟ୍ର କଂଗ୍ରେସ ଅଧ୍ୟକ୍ଷ ବାଲାସାହେବ ଥୋରାଟ କହିଛନ୍ତି ଯେ, ଆମେ ବିଧାନ ପରିଷଦ ନିର୍ବାଚନ ପାଇଁ ୨ ପ୍ରାର୍ଥୀଙ୍କ ମଧ୍ୟରୁ ଜଣଙ୍କ ନାମ ପ୍ରତ୍ୟାହାର କରିବାକୁ ନିଷ୍ପତ୍ତି ନେଇଛୁ । ଅର୍ଥାତ୍ MVA (ଶିବସେନା, ଏନସିପି ଏବଂ କଂଗ୍ରେସର ମହା ବିକାଶ ଆଘାଡ଼ୀ) ୯ଟି ଆସନ ମଧ୍ୟରୁ ୫ଟିରେ ପ୍ରତିଦ୍ୱନ୍ଦ୍ୱିତା କରିବେ । ଅନ୍ୟପକ୍ଷେ ବିଜେପି ୪ଟି ପ୍ରାର୍ଥୀ ଦେଇଛନ୍ତି ।