କୋରୋନାକୁ ନେଇ WHO ଦେଲା ଚେତାବନୀ, ୟୁରୋପରେ ଦିନକୁ ୩ ଲକ୍ଷ ଛୁଇଁବ ଆକ୍ରାନ୍ତ ସଂଖ୍ୟା

ଜିନୁ ଜେନା, ନୂଆଦିଲ୍ଲୀ: ଆସନ୍ତା ଅକ୍ଟୋବର ଏବଂ ନଭେମ୍ବରରେ ସର୍ବାଧିକ ଦୈନିକ କୋରୋନା(COVID-19) ମୃତ୍ୟୁ ପାଇଁ ୟୁରୋପ ପ୍ରସ୍ତୁତ ରହିବା ଦରକାର । ଏନେଇ ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଦେଇଛି ଚେତାବନୀ । WHOର ୟୁରୋପୀୟ କାର୍ଯ୍ୟାଳୟର ନିର୍ଦ୍ଦେଶକ ହାନ୍ସ କ୍ଲୁଗ୍ କହିଛନ୍ତି, "ଏହା ଅଧିକ ଭୟଙ୍କର ହେବାକୁ ଯାଉଛି। ଅକ୍ଟୋବର, ନଭେମ୍ବରରେ କୋରୋନା କାରଣରୁ ଅଧିକ ମୃତ୍ୟୁ ଦେଖିବାକୁ ମିଳିବ।"

ୟୁରୋପର ଅନେକ ଦେଶ SARS-CoV-2 - COVID-19 ସୃଷ୍ଟି କରୁଥିବା ଜୀବାଣୁ ବିସ୍ତାରକୁ ନିୟନ୍ତ୍ରଣ କରିବା ପାଇଁ ପଦକ୍ଷେପକୁ କଡାକଡି କରିଛନ୍ତି - ସପ୍ତାହେ ଧରି ସଂକ୍ରମଣ ବୃଦ୍ଧି ପରେ ମୃତ୍ୟୁ ସଂଖ୍ୟା କିନ୍ତୁ ସ୍ଥିର ରହିଛି। ଶନିବାର ମହାମାରୀ ଆରମ୍ଭରୁ ଫ୍ରାନ୍ସ (France) ପ୍ରଥମ ଥର ପାଇଁ ୧୦ ହଜାରରୁ ଅଧିକ ନୂତନ ସଂକ୍ରମଣ ପଞ୍ଜିକରଣ କରିଥିଲା। ଅଷ୍ଟ୍ରିଆ (Austria) ର ଚାନସେଲର ସେବାଷ୍ଟିଆନ୍ କୁର୍ଜ ଚେତାବନୀ ଦେଇଛନ୍ତି ଯେ ଦେଶ ରବିବାର ଦ୍ୱିତୀୟ ପର୍ଯ୍ୟାୟ କୋରୋନା (Corona) ର ମୁକାବିଲା କରୁଛି ଏବଂ ଫେସ୍ ମାସ୍କ (Face Mask) ଆବଶ୍ୟକତାକୁ କଡାକଡି କରିଛି । ସେପଟେ ଇଂଲଣ୍ଡ (England) ରେ ସୋମବାର ଆହୁରି ଅଧିକ ନିୟମ ପ୍ରଣୟନ କରାଯାଇଛି ଯେଉଁଥିରେ ୬ରୁ ଅଧିକ ଲୋକଙ୍କ ସମାବେଶ ଉପରେ ପ୍ରତିବନ୍ଧକ ଲଗାଯାଇଛି। ଉଭୟ ବ୍ୟକ୍ତିଗତ ଏବଂ ସର୍ବସାଧାରଣରେ ଏକାଠି ହେବା ଉପରେ ଲାଗିଛି ରୋକ୍ ।

କ୍ଲୁଗ ଆହୁରି ମଧ୍ୟ କହିଛନ୍ତି ଯେ ଏହା ଏଭଳି ଏକ ମୁହୂର୍ତ୍ତ ଯେତେବେଳେ ଦେଶମାନେ ଏହି ଖବର ଶୁଣିବାକୁ ଚାହାଁନ୍ତି ନାହିଁ ଏବଂ ଏହା ମୁଁ ବୁଝିପାରୁଛି। ସେ କହିଛନ୍ତି ଯେ ସେ “ସକରାତ୍ମକ ବାର୍ତ୍ତା” ପଠାଇବାକୁ ଚାହୁଁଛନ୍ତି ଯାହା ମହାମାରୀ ଶେଷ ହେବାକୁ ଯାଉଛି, କିନ୍ତୁ ଗୋଟିଏ ଟିକା କେବେ ହେଲେ ସଞ୍ଜିବନୀ ପାଲଟିବନି ଯାହାକୁ ନେଇ ଅନେକ ସେହିଭଳି ଆଶା ରଖି ବଞ୍ଚୁଛନ୍ତି । ମୁଁ ସବୁବେଳେ ଶୁଣି ଆସୁଛି, 'ଟିକା ଆସିଲେ ମହାମାରୀ ଶେଷ ହୋଇଯିବ । ସେଭଳି ସମ୍ଭବ ହେବନାହିଁ ।

ସେ କହିଛନ୍ତି, "ଟୀକା ସମସ୍ତ ଜନସଂଖ୍ୟା ଓ ଗୋଷ୍ଠୀକୁ ସାହାଯ୍ୟ କରିବାକୁ ଯାଉଛି କି ନାହିଁ ତାହା ମଧ୍ୟ ଆମେ ଜାଣି ନାହୁଁ। ବର୍ତ୍ତମାନ ଆମେ କିଛି ସଙ୍କେତ ପାଇଛୁ ଯେ ଏହା ଗୋଟିଏ ଗୋଷ୍ଠୀ ପାଇଁ ସାହାଯ୍ୟ କରିବ ଏବଂ ଅନ୍ୟ ପାଇଁ ନୁହେଁ।"

ମହାମାରୀର ସମାପ୍ତି ହେଉଛି ସେହି ମୁହୂର୍ତ୍ତ ଯେଉଁଥିରେ ଆମେ ଏକ ସମ୍ପ୍ରଦାୟ ଭାବରେ ଏହି ମହାମାରୀ ସହିତ କିପରି ଜୀବନଯାପନ କରିବାକୁ ଶିଖିବାକୁ ଯାଉଛୁ, ଏହା ଆମ ଉପରେ ନିର୍ଭର କରେ । ଏହା ଏକ ସକରାତ୍ମକ ବାର୍ତ୍ତା। " WHO ୟୁରୋପ ଅଞ୍ଚଳରେ ଅନ୍ତର୍ଭୁକ୍ତ ୫୫ଟି ଦେଶ ସୋମବାର ଏବଂ ମଙ୍ଗଳବାର ଦିନ ବୈଠକ କରି ମହାମାରୀର ବିବର୍ତ୍ତନ ବିଷୟରେ ଆଲୋଚନା ଜାରି ରଖିଛନ୍ତି ।