 "କାଶ୍ମୀର ପ୍ରସଙ୍ଗରେ ଭାରତର ସ୍ପଷ୍ଟ ବୟାନ 'ପାକିସ୍ତାନ PoK ଖାଲି କରିବା ଉଚିତ'")
)
MEA Press Conference: ବୈଦେଶିକ ମନ୍ତ୍ରଣାଳୟର ମୁଖପାତ୍ର ରଣଧୀର ଜୟସୱାଲ ଆଜି ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ପାକିସ୍ତାନକୁ ଅବୈଧ ଭାବରେ ଅଧିକୃତ କାଶ୍ମୀର (ପିଓକେ) ଖାଲି କରିବାକୁ ପଡିବ। ସେ ଏହା ମଧ୍ୟ ଦୋହରାଇଛନ୍ତି ଯେ, ଏହା ଦୀର୍ଘ ସମୟ ଧରି ଭାରତର ନୀତି ହୋଇଆସିଛି ଏବଂ ଏଥିରେ କୌଣସି ପରିବର୍ତ୍ତନ ହୋଇନାହିଁ।
ଭାରତ ସରକାର ଏହା ସ୍ପଷ୍ଟ କରିଛନ୍ତି ଯେ, ଜମ୍ମୁ-କାଶ୍ମୀର ସହ ଜଡିତ ଯେକୌଣସି ସମସ୍ୟା କେବଳ ଭାରତ ଏବଂ ପାକିସ୍ତାନ ମଧ୍ୟରେ ଦ୍ୱିପାକ୍ଷିକ ଭାବରେ ସମାଧାନ ହେବ । ଏଥିରେ କୌଣସି ତୃତୀୟ ପକ୍ଷର କୌଣସି ଭୂମିକା ରହିବ ନାହିଁ। ମଙ୍ଗଳବାର ଦିନ ସାମ୍ବାଦିକ ସମ୍ମିଳନୀରେ ବୈଦେଶିକ ମନ୍ତ୍ରଣାଳୟର ମୁଖପାତ୍ର ରଣଧୀର ଜୟସୱାଲ ଗଣମାଧ୍ୟମକୁ କହିଛନ୍ତି ଯେ, ପାକିସ୍ତାନକୁ ଅବୈଧ ଭାବରେ ଅଧିକୃତ କାଶ୍ମୀର (ପିଓକେ) ଖାଲି କରିବାକୁ ପଡିବ।
ବୈଦେଶିକ ମନ୍ତ୍ରଣାଳୟ ପକ୍ଷରୁ ଏହା ମଧ୍ୟ କୁହାଯାଇଛି ଯେ, ୧୦ ମଇରେ ଭାରତ ଏବଂ ପାକିସ୍ତାନର ଡିଜିଏମଓଙ୍କ ମଧ୍ୟରେ ଆଲୋଚନା ପରେ ଯୁଦ୍ଧବିରତି ପାଇଁ ରାଜି ହୋଇଥିଲା। ବୈଷୟିକ କାରଣରୁ ହଟଲାଇନ୍ ମାଧ୍ୟମରେ ଭାରତ ସହିତ ଯୋଗାଯୋଗ କରିପାରି ନଥିବାରୁ ପାକିସ୍ତାନ ସେହି ଦିନ ରାତି ୧୨:୩୭ ରେ ଏହି ଆଲୋଚନା ପାଇଁ ଅନୁରୋଧ କରିଥିଲା। ଭାରତୀୟ ଡିଜିଏମଓଙ୍କ ଉପଲବ୍ଧତା ଉପରେ ନିର୍ଭର କରି କଲ୍ ୧୫:୩୫ ରେ ସ୍ଥିର କରାଯାଇଥିଲା।
ଭାରତ ପକ୍ଷରୁ ଏହା ମଧ୍ୟ ସ୍ପଷ୍ଟ କରାଯାଇଛି ଯେ, ଏହା ପାକିସ୍ତାନର ବାଧ୍ୟବାଧକତା, କାରଣ ସେହି ଦିନ ସକାଳେ ଭାରତୀୟ ବାୟୁସେନା ପାକିସ୍ତାନର ପ୍ରମୁଖ ବାୟୁସେନା ଘାଟି ଉପରେ ଅତ୍ୟନ୍ତ ପ୍ରଭାବଶାଳୀ ଆକ୍ରମଣ କରିଥିଲା। ବୈଦେଶିକ ମନ୍ତ୍ରଣାଳୟ କହିଛି, 'ଭାରତୀୟ ସାମରିକ ବାହିନୀର ଶକ୍ତି ହିଁ ପାକିସ୍ତାନକୁ ଗୁଳିମାଡ଼ ଏବଂ ସାମରିକ କାର୍ଯ୍ୟାନୁଷ୍ଠାନ ବନ୍ଦ କରିବାକୁ ବାଧ୍ୟ କରିଥିଲା।'
Also Read- ଯାଜପୁର ଛତିଆରେ ବୋମା ବିସ୍ଫୋରଣ, ୨ଜଣଙ୍କ ମୃତ୍ୟୁ !
