ଟ୍ରେନ ସେବା ଆରମ୍ଭକୁ ବିରୋଧ କଲେ ମମତା ବାନାର୍ଜୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭିଡିଓ କନଫରେନ୍ସ ମାଧ୍ୟମରେ ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରୁଛନ୍ତି । କୋରୋନା ଭୂତାଣୁ ବିସ୍ତାର ହେବା ପରଠାରୁ ମୁଖ୍ୟମନ୍ତ୍ରୀଙ୍କ ସହ ଏହା ହେଉଛି ପଞ୍ଚମ ବୈଠକ । ସୂଚନାନୁସାରେ, ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଟ୍ରେନ ସେବାର ପୁନଃ ଆରମ୍ଭ କରିବାକୁ ବିରୋଧ କରିଛନ୍ତି । ମୁଖ୍ୟତଃ ତାଲା ପଡିଥିବା ବେଳେ ମୋଦି ସରକାର ମେ ୧୨ରୁ ସୀମିତ ଟ୍ରେନ୍ ସେବା ଆରମ୍ଭ କରିବାକୁ ନିଷ୍ପତ୍ତି ନେଇଛନ୍ତି ।

ସୂତ୍ରାନୁସାରେ, ମମତା ସ୍ୱତନ୍ତ୍ର ଟ୍ରେନ୍ ଚଳାଇବାକୁ ବିରୋଧ କରିଛନ୍ତି । ଏହା ସମ୍ଭବ ଯେ ପ୍ରଧାନମନ୍ତ୍ରୀଙ୍କ ସହ ବୈଠକରେ ମଧ୍ୟ ଏହି ପ୍ରସଙ୍ଗ ଉଠିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଏହି ବୈଠକ 2 ଟି ପର୍ଯ୍ୟାୟରେ ହେବାର ଅଛି । ବିରତି ପରେ ଦ୍ୱିତୀୟ ପର୍ଯ୍ୟାୟ ସନ୍ଧ୍ୟା ୬ ଟାରୁ ଆରମ୍ଭ ହେବ ।

ଏଠାରେ କହି ରଖୁଛୁ ଯେ, ରବିବାର ଭାରତୀୟ ରେଲୱେ କହିଛି ଯେ ମେ ୧୨ ରୁ ପର୍ଯ୍ୟାୟକ୍ରମେ ଯାତ୍ରୀବାହୀ ଟ୍ରେନ୍ ସେବା ଆରମ୍ଭ କରିବାକୁ ଯୋଜନା କରିଛି । ପ୍ରାରମ୍ଭରେ ୧୫ଟି ଯୋଡି ଟ୍ରେନ୍ (ଅପ୍-ଡାଉନ୍ ସହିତ ୩୦ଟି ଟ୍ରେନ୍) ଚଳାଚଳ କରିବ । ଏଥିସହ ଯେଉଁ ଯାତ୍ରୀମାନେ ଏହି ଟ୍ରେନରେ ସିଟ୍ ସଂରକ୍ଷଣ କରୁଛନ୍ତି । ସେମାନେ ଯିବା ସମୟର ଅତି କମରେ ଏକ ଘଣ୍ଟା ପୂର୍ବରୁ ରେଳ ଷ୍ଟେସନରେ ପହଞ୍ଚିବା ଆବଶ୍ୟକ । ପ୍ରଥମେ ୧୫ଟି ରାଜଧାନୀ ଟ୍ରେନରେ ଏୟାର କଣ୍ଡିସନର ସେବା ଆରମ୍ଭ ହେବ । ଏହାର ଭଡ଼ା ସୁପର ଫାଷ୍ଟ ଟ୍ରେନ ସହିତ ସମାନ ହେବ । ଏହି ସ୍ୱତନ୍ତ୍ର ଟ୍ରେନ୍ ନୂଆଦିଲ୍ଲୀ ରେଳ ଷ୍ଟେସନରୁ ଚାଳିବ ଓ ଦିବ୍ରୁଗଡ, ଅଗରତାଲା, ହାୱଡ଼ା, ପାଟନା, ବିଲାସପୁର, ରାଞ୍ଚି, ଭୁବନେଶ୍ୱର, ସିକନ୍ଦରବାଦ, ବେଙ୍ଗାଲୁରୁ, ଚେନ୍ନାଇ, ଥିରୁବନନ୍ତପୁରମ୍, ମାଡଗାଓଁ, ମୁମ୍ବାଇ ସେଣ୍ଟ୍ରାଲ, ଅହମ୍ମଦାବାଦ ଏବଂ ଜାମ୍ମୁ-ତବିକୁ ଯିବ ।