Mock Drill: ପୁଣି ଥରେ ୪ ରାଜ୍ୟରେ ହେବ ମକ୍‌ ଡ୍ରିଲ୍‌

Mock Drill: ପୁଣିଥରେ ୨୮ ମଇରେ କିଛି ରାଜ୍ୟରେ ହେବାକୁ ଯାଉଛି ମକଡ୍ରିଲ୍ । ଗୁରୁବାର ସନ୍ଧ୍ୟାରେ ପାକିସ୍ତାନ ସୀମାବର୍ତ୍ତୀ ରାଜ୍ୟଗୁଡ଼ିକରେ ଏକ ମକ୍ ଡ୍ରିଲ୍ କରାଯିବ। ଏହି ମକ୍ ଡ୍ରିଲ୍ ଗୁଜରାଟ, ପଞ୍ଜାବ, ରାଜସ୍ଥାନ ଏବଂ ଜମ୍ମୁ ଏବଂ କାଶ୍ମୀରରେ ଅନୁଷ୍ଠିତ ହେବ। ମକଡ୍ରିଲ୍ ସମୟରେ ଲୋକମାନଙ୍କୁ ସତର୍କ ରହିବାକୁ ନିର୍ଦ୍ଦେଶ ଦିଆଯିବ।

ସରକାରଙ୍କ ପକ୍ଷରୁ ଜମ୍ମୁ ଏବଂ କାଶ୍ମୀର, ପଞ୍ଜାବ, ରାଜସ୍ଥାନ ଏବଂ ଗୁଜରାଟରେ ମକ୍ ଡ୍ରିଲ୍ ପାଇଁ ନିର୍ଦ୍ଦେଶ ଦିଆଯାଇଛି। କାରଣ ଏହି ଚାରୋଟି ରାଜ୍ୟ ପାକିସ୍ତାନ ସୀମା ନିକଟବର୍ତ୍ତୀ ରାଜ୍ୟ । ଭାରତ ଏବଂ ପାକିସ୍ତାନ ମଧ୍ୟରେ ୩,୩୦୦ କିଲୋମିଟରରୁ ଅଧିକ ଲମ୍ବା ସୀମା ଅଛି। ଜମ୍ମୁ ଏବଂ କାଶ୍ମୀର ସଂଲଗ୍ନ ସୀମାକୁ ଏଲଓସି କୁହାଯାଏ ଏବଂ ପଞ୍ଜାବ, ରାଜସ୍ଥାନ ଏବଂ ଗୁଜରାଟ ସହିତ ସୀମାକୁ ଅନ୍ତର୍ଜାତୀୟ ସୀମା (IB) କୁହାଯାଏ।

ଆପଣଙ୍କୁ କହିରଖୁଛୁ ଯେ, ଅପରେସନ ସିନ୍ଦୂର ଆରମ୍ଭ ହେବା ପୂର୍ବରୁ ଦେଶର ୨୪୪ଟି ଜିଲ୍ଲାରେ ମକ୍ ଡ୍ରିଲ୍ କରିବାକୁ ଘୋଷଣା କରିଥିଲେ ସରକାର। କିନ୍ତୁ ୬-୭ ମଇ ରାତିରେ, ଭାରତ ପାକିସ୍ତାନରେ ଥିବା ଆତଙ୍କବାଦୀ ଶିବିରଗୁଡ଼ିକ ବିରୁଦ୍ଧରେ ସାମରିକ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା। ଅପରେସନ ସିନ୍ଦୂର ଅଧୀନରେ, ଭାରତ ପାକିସ୍ତାନର ନଅଟି ଆତଙ୍କବାଦୀ ଶିବିର ଉପରେ ଆକ୍ରମଣ କରି ତାହାକୁ ମାଟିରେ ମିଶାଇ ଦେଇଥିଲା । ଏହି ଆକ୍ରମଣରେ ଅନେକ ଆତଙ୍କବାଦୀ ନିହତ ହୋଇଥିଲେ। ପିଓକେରୁ ପାକିସ୍ତାନ ଭିତରେ ଆତଙ୍କବାଦର ମୂଳ ପୋଛିବା ପାଇଁ ଏକ ଅପରେସନ୍ ଚାଲିଛି।

Add Zee News as a Preferred Source

ଭାରତର ଅପରେସନ ସିନ୍ଦୂରକୁ ନେଇ ପାକିସ୍ତାନ ମଧ୍ୟ ଭୟଭୀତ ହୋଇଯାଇଛି। ଭାରତ ବର୍ତ୍ତମାନ ପର୍ଯ୍ୟନ୍ତ କେବଳ ନଅଟି ଆତଙ୍କବାଦୀ ଆଡ୍ଡା ଉପରେ ବିମାନ ଆକ୍ରମଣ କରିଛି। ଏପରି ପରିସ୍ଥିତିରେ ଆଗକୁ, ପାକିସ୍ତାନରେ ଥିବା ଆହୁରି ୧୨ଟି ଆତଙ୍କବାଦୀ ଶିବିରକୁ ଟାର୍ଗେଟ କରାଯାଇପାରେ ବୋଲି ଜାତୀୟ ଗଣମାଧ୍ୟମରେ ଖବର ପ୍ରସାରିତ ହେଉଛି।

ସୂଚନାଯୋଗ୍ୟ, ୨୨ ଏପ୍ରିଲରେ ପହଲଗାମ ଆକ୍ରମଣର ପ୍ରତିଶୋଧ ନେବା ପାଇଁ, ଭାରତ ୬-୭ ମଇ ରାତିରେ ଅପରେସନ ସିନ୍ଦୂର ଅଭିଯାନ ଆରମ୍ଭ କରିଥିଲା। ପ୍ରାୟ ୨୫ ମିନିଟ୍ ଧରି ଚାଲିଥିବା ଏହି ଅପରେସନରେ, ଭାରତୀୟ ସେନା ପାକିସ୍ତାନ ଏବଂ ପିଓକେ ରେ ଥିବା ୯ଟି ଆତଙ୍କବାଦୀ ଆଡ୍ଡାକୁ ଧ୍ୱଂସ କରିଥିଲା। ଏହି ଅପରେସନରେ ଜୈଶ-ଏ-ମହମ୍ମଦ, ଲସ୍କର-ଏ-ତୈବା ଏବଂ ହିଜବୁଲ ମୁଜାହିଦ୍ଦିନର ଆଡ୍ଡାଗୁଡ଼ିକୁ ଉଡ଼ାଇ ଦେବାରେ ସଫଳ ହୋଇଥିଲା ଭାରତୀୟ ସେନା। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଭିଭାଷଣ ରଖି କହିଥିଲେ ଯେ, ଏହି ଅପରେସନରେ ୧୦୦ରୁ ଅଧିକ ଆତଙ୍କବାଦୀ ନିହତ ହୋଇଛନ୍ତି।

ଭାରତର କାର୍ଯ୍ୟାନୁଷ୍ଠାନ ପରେ ପାକିସ୍ତାନୀ ସେନା ମଧ୍ୟ ଭାରତ ଉପରେ ଆକ୍ରମଣ କରିଥିଲା। ପାକିସ୍ତାନ ସେନା ଡ୍ରୋନ୍ ସାହାଯ୍ୟରେ ଭାରତୀୟ ସାମରିକ ଏବଂ ବେସାମରିକ ଶିବିର ଉପରେ ଆକ୍ରମଣ କରିବାକୁ ଚେଷ୍ଟା କରିଥିଲା । କିନ୍ତୁ ଭାରତୀୟ ସେନା ପକ୍ଷରୁ ପାକିସ୍ତାନର ଡ୍ରୋନ ଗୁଡିକୁ ନିଷ୍କ୍ରିୟ କରାଯାଇଥିଲା । ୭ ରୁ ୧୦ ମଇ ପର୍ଯ୍ୟନ୍ତ ଚାରି ଦିନ ଧରି ଚାଲିଥିବା ସାମରିକ ମୁକାବିଲା ପରେ ପାକିସ୍ତାନର ଅନୁରୋଧ କ୍ରମେ ୧୦ ମଇରେ ଯୁଦ୍ଧବିରତି ଘୋଷଣା କରାଯାଇଥିଲା।